مجتمع غلاك - روحي تحبك

مجتمع غلاك (https://g-lk.com/vb/index.php)

- القسم الأدبي العام (https://g-lk.com/vb/forumdisplay.php?f=17)

- - روحي تحبك (https://g-lk.com/vb/showthread.php?t=26455)

روحي تحبك

روحي تحبك والغلا ذابحنّي
ودي بشوفك يا حياتي ولاماك
حب قديم في الضماير سكنّي
داخل حنايا القلب رسمك وموطاك
أهواك انا ولا حد غيرك فتنّي
لك صادق الإحساس والعمر يفداك
أهواك يا ساكن بفكري وظنِّي
طيفك يشاغلني وادوِّر على رْضاك
اصون حبك بالغلا لو محنّي
غالي معي يا كبر حبك ومَغْلاك
إنته وانا والأصل منّك ومنّي
كل السعاده والأمل في محيّاك
حكم الزمن مبعدك يا زين عنّي
روح المشاعر تشتكي طول فرقاك
بادر بوصلك ما يفيد التمنّي
وانا مقدّر لك ظروفك وارعاك
-

مطلع الشمس

شاعرة إماراتية وهذا لقبها وليس اسمها الحقيقي

ولدت في مدينة العين عام 1977م
وتعد من أكبر الشاعرات في الإمارات

رد: روحي تحبك

بادر بوصلك ما يفيد التمنّي
وانا مقدّر لك ظروفك وارعاك
-
صح لسان شاعرها
ابيات جميلة
انتقاء مميز
سلمت الانامل

رد: روحي تحبك

أهواك انا ولا حد غيرك فتنّي
لك صادق الإحساس والعمر يفداك

احببتها
نقل رائع
سلمت اخي عازف

~

رد: روحي تحبك

جميله القصيده كلمآت ومعنى ..
شكرآ لك على حسن الإنتقاء ..
-

رد: روحي تحبك

يسلم ذوقك عازف الناي

رد: روحي تحبك

أنرتم المتصفح دمتم بخيـــــرhttps://g-lk.com/vb/images/icons/eq-33.gif