شلون اعرف إذا هو يحبني أو يلعب فيني ؟
 

السلام عليكم خواتي وإخواني

شلون أعرف إذا هو يحبني أو بس يلعب فيني؟ هل في علامات تخليني أتأكد؟
هو وايد حنون ويشاركني تفاصيل حياته ويهتم برأيي ويحب يقضي وقت معي بس أحس فيه تردد مع إنه يقول إنه يبي يتزوجني لكن يقول ما عنده حق الزواج وهو مطفّر

مع إنه يصرف على طلعاته مع ربعه وما يقصّر على نفسه بس ولا مرة جاب لي شيء أو تذكرني بشي
بعد أنا عارفة ماضيه مو زين وهو تغيّر عشاني بس خايفة إذا تزوجنا يرجع مثل أول :139:
نصحوني وش رايكم اصارحه ؟ :415:

رد: شلون اعرف إذا هو يحبني أو يلعب فيني ؟
 

رد: شلون اعرف إذا هو يحبني أو يلعب فيني ؟
 

اذا فعلا يحبك بجد لازم يتقدم لك
وثانيا اذا هو مطفر لازم مايتواصل معك والافضل يخليكِ
لانو العلاقه هذاي مالها اخراونهاية محددة
مبسوط يتونس معك ويضيع وقت بس مافي نية لزواج منك
خذي حذرك من هذا الشخص صدقيني اللي يحب يطق الباب
الله يرزقك بالزوج الصالح اللي يسر خاطرك وقلبك يارب

رد: شلون اعرف إذا هو يحبني أو يلعب فيني ؟
 

قبل ما اغلق هالقسم احببت الرد على اخر موضوع طُرح هنا :0:

أولًا حياكِ الله في غلاك انرتِ المكان
وان شاء الله يستمر تواجدك ونرى بصمتك في الاقسام الاخرى

اما بالنسبة لسؤالك
واضح وضوح الشمس انه يتسلّى معك :726:

قلتي " عارفة ماضيه مو زين وهو تغيّر عشاني "
طالما التواصل عن بعد فإنتي مستحيل تعرفي الحقيقة والواقع
الرجل اذا كشف عن اوراقه وماضيه وفعايله السودا فهو مو مهتم بك ولا هو مهتم بإعجابك
لان الرجل اذا أحبّ امرأة وكان يريد الزواج يسوي المستحيل عشان يعجبها
وماراح يخليها تاخذ نظرة سيئة عنه
لانه راح يحاول يطلع امامها بمنظر الرجل الخارق والرائع

ثانيا قلتي " يقول ما عنده حق الزواج وهو مطفّر "
اي علاقة تستمر اكثر من 6 شهور بدون تقدّم جاد من طرف الرجل
اعتبريها علاقة تسلية ومتعة فقط
لانه حتى لو مطفّر راح يحاول يعطيك الامان بأفعاله واقلها بكلامه
لكن يقولها لك انا مطفّر حاليا ! ذا راح يكون طول عمره طفران :105:

قلتي كمان " ولا مرة جاب لي شيء أو تذكرني بشي "
انا بالنسبة لي او بالاصح مثل ما يقولو كل الاستشاريين ان الرجل عنده طاقة العطاء عالية
الرجل يعطي والمرأة تأخذ
في كل شيء مو بس ماديا حتى معنويا وفي الحب والاهتمام والمبادرة
دائمًا يكون العطاء أولًا من الرجل
واكبر علامة تحددي فيها انه مو مهتم فيك لما يقولك انه مطفّر
لان الرجل اذا نوى الزواج من البنت يصرف عليها ويتذكرها بالهدايا ويحاول ما ينقص عليها شي ودائما يسالها اذا ناقصها شي ويجيبه لها
لان بنظره هي استثماره وقاعد يحط بأنثى بتصير زوجته
وانا شفت هالشي بعيني في احد قرايبي رغم انه فعلا مطفّر لكن كل ريال كان يجمعه عشان يتزوج اللي يحبها وفعلا تزوجها وصبرت عليه ببداياتهم الين ربي فتح عليهم

وفيه مقطع شفته عن د، جاسم يتحدث فيها عن الرجل المخادع
ياليت تسمعينه خصوصا كلامه عن صرفه على الانثى
https://vt.tiktok.com/ZS24RVAre/

وانا اعطيك اياها بالمختصر
فرّي بجلدك واتركي عنك هالطريق

وبالتوفيق


~

رد: شلون اعرف إذا هو يحبني أو يلعب فيني ؟
 

رد: شلون اعرف إذا هو يحبني أو يلعب فيني ؟
 

فِرَّي مِنَه كما تَفِرين مِن الأسد :d