مجتمع غلاك - تعال ارسم بقايا الحلم وكمل باقي الصوره

مجتمع غلاك (https://g-lk.com/vb/index.php)

- القسم الأدبي العام (https://g-lk.com/vb/forumdisplay.php?f=17)

- - تعال ارسم بقايا الحلم وكمل باقي الصوره (https://g-lk.com/vb/showthread.php?t=26216)

تعال ارسم بقايا الحلم وكمل باقي الصوره

-

تعال ارسم بقايا الحلم وكمل باقي الصوره
وعلقها على قلب يشوفك حلم يهنى به

وعلي أترك سواد الوقت والويلات وكسوره
وتعال بشوقي واتغطى عن أيه ريح بأهدابه

لشيلك عن ظلام خذ شعاعي واهتني بنوره
وإذا بك جرح حي الله راعي الجرح ومن جابه

همومك هاتها فيني أحبك يعني مقدوره
أحبك تنمحي همومك ولالك هم تشقى به

أنا لك من هنا حتى مغيب العمر وزهوره
إلى مشرق مشيب العمر لين يغيب بترابه

نويت آخذك وأعطيك الخفوق وباقي شعوره
حلالك دمر وعمر حبيبي إنت أولى به

تظلل بالحنان ولك غيوم الشوق ممطوره
ولاتفكر بأي لحظه يمسك قلبي بعتابه

وإذا عاتب أنا أحشه حبيبي لك من جذوره
وأحبك فيك من قلبك هو أطهر قلب أسمى به

حبيبي بس تعال ارسم وكمل باقي الصوره
وعلى الباقي لاتحاتي جروح الوقت وأنيابه