مجتمع غلاك - تبعدك الايام

مجتمع غلاك (https://www.g-lk.com/vb/index.php)

- القسم الأدبي العام (https://www.g-lk.com/vb/forumdisplay.php?f=17)

- - تبعدك الايام (https://www.g-lk.com/vb/showthread.php?t=25934)

تبعدك الايام

،

تبعدك الايام ويجيبك شعور ٍصدوق
والقلب لامن نوى طاريك كله نوى

ليلة فراقك شعرت انى بليا خفوق
واللي قوى جور وقته يومها ماقوى

ماكان لي حيل أوقف بس وقفت ذوق
ماودي أجرحك حتى في وداع الهوى

ضاقت بي الناس والدنيا وكل الخلوق
والعاذل اللي ضما دمع الحبايب روى

هليت دمع ٍمن الضيقه لمثلك يلوق
وسجيت في ليلتي حتى نهاري ضوى

دمع ٍنثرته على فرقاك ياشوق شوق
ودموع الانسان ماهي فى حياته سوى

يالغالى اللي نسيت أنساك بين الطروق
واليا ذكرتك حيا ورد ٍبصدرى ذوى

وياللى تقدي بنور الخد نور البروق
وياللى بشعرك طويت الليل حتى انطوى

غالى ولك في حياتى كل لحظه شروق
ولك بخيالى قصيد ٍشامخ ٍماهوى

الله على الشعر يوم أنة بعالي العذوق
من قبل لا ينقطف طلعه وهو ماستوى

من قبل لايصير سلعه فى يدين السروق
ويصير مستشعره شاعر وصاحب لوى

واليوم شعري كثير وحابسه بالعروق
أخاف ينزف ولا يلقى لجرحه دوى

.

لـ زعل الرشيدي🌹

رد: تبعدك الايام

،.

العلاقات في النهاية
أخلاق وحسن معشر وتفهّم
سلمت الذّائقه
صحّ بوح قائلها المبدع
وصحّ ذوقك الرّاقي والممّيز
عليّ

رائعه الأبيات
:123:

رد: تبعدك الايام

قصيدة جزله وآبيات جميلة ..
آبدعت ب الإنتقاء وصح لسآن الشاعر ..
ودمت بكل الخير ..

-

رد: تبعدك الايام

يالغالى اللي نسيت أنساك بين الطروق
واليا ذكرتك حيا ورد ٍبصدرى ذوى

ابيات جميلة
ونقل رائع
سلمت وربي يعطيك العافية

~

رد: تبعدك الايام

الله يسلمكم جميع
الأروع مروركم الكريم
دمتم بخير