مجتمع غلاك - لاتعتذر

مجتمع غلاك (https://www.g-lk.com/vb/index.php)

- القسم الأدبي العام (https://www.g-lk.com/vb/forumdisplay.php?f=17)

- - لاتعتذر (https://www.g-lk.com/vb/showthread.php?t=25312)

لاتعتذر مال للهجر منك تبرير

صدك بليا ذنب والله ظليمه

ماصارلي بعدك يفوق اي تصوير
تجددت كل الجروح القديمه

بعدك لعبي هاجسي والتفاكير
وقلب ـن جريح وروح صب نـ مهيمه

ماغير اسلي خاطري بالمشاوير
اروح وارجع والهواجس مقيمه

ياحبي اللي بين بيض الغنادير
لك في عروش القلب قدر وقيمه

ان كان صدك ماخذك عني لغير
روّح ولو ان الخساير وخيمه

وان كانها عني خذتك المقادير
فالعفو عند المقدره فيه شيمه

يامرحبا والحب كله معاذير
تشفع لك ايام الغرام القديمه

يوم الهوى لازارني منك أعصير
أضم في صدري من اجلك نسيمه

واليوم اصبر خاطر الوجد تصبير
واقول صدك عقب وصلك جريمه

ولاجاك مني ياهوى البال تقصير
مواقفي وياك والله عظيمه

صخرت لك مشاعر الشوق تصخير
وامطرتك بحبن تقفاه ديمه

وظللتك بجفني وصارت مسافير
يوم الغلا بين النديم ونديمه

واليوم ماتنفع كثير المحاذير
تفاغمت بين النفوس الحشيمه

عسى سنينك روض عشب ونواوير
محد لنفسه يرتضي بالهزيمه

اما تخاويني على الشر والخير
والا السلامه منك راس الغنيمه
..
زايد المري

رد: لاتعتذر

العتب من المحب غير
صح لسان كاتبها
جميل الانتقاء يعطيك العافية عازف

رد: لاتعتذر

،.

من أروع ما كُتب في العتب
والمُكابره بين الأحبآب
صح لسان قايلها
وصح ّ بوحك وذوقك
عازف النّآي
:رحيق:

رد: لاتعتذر

أسعدني توآجــــدكـم في متصفحي

رد: لاتعتذر

صخرت لك مشاعر الشوق تصخير
وامطرتك بحبن تقفاه ديمه

وظللتك بجفني وصارت مسافير
يوم الغلا بين النديم ونديمه

كلام جميل جدا
اختيار مميز كالعاده عازف
يعطيك الف عافيه،

رد: لاتعتذر

قصيدة رائعة
صح لسان القائل
وشكرا على حسن انتقائك
وبإنتظار جديدك القادم.