موج البحر
 

موج البحر ما يعترف بالقوانين
كفوف موته تسبق كفوف عيشه

جيت متمثني غبته دون كفّين
صغير عمرٍ ساق رجليه ، طيشه

ازمر ليا شفت القريبين شرهين
يا صاحبٍ يسبق فعوله ، دشيشه

جمالتك ما سجلت في كتب دين
و لا جيتك ادور عن الفقر عِيشه

والماقف اللي يبهج القلب و العين
لا انت بسديريّه و لا انت بدويشه

عشت الحياة أصارع الهم و البين
و مدري متى يردع عنا الوقت جيشه

كم قلت بأن العمر زاهي و هالحين
عساي أعيّن لي عن البرد خيشه

مبداي لا تحسب قسى جرهدك لين
تراك بين جباله الصمّ ، ريشه

عن اللي يصفط لك جماله ، و هي دين
قبل تصك الباب صك الدريشه

.

للشاعر المبدع/ عمر الودعاني
آمل أن تنال اعجابكم🌹

رد: موج البحر
 

صح لسان شاعرها وناقلها
وسلمت اخي علي
ربي يعطيك العافية

~

رد: موج البحر
 

تسلم على الذوق الرفيع
واثراء المنتدى بالنقل الراقي

تقديري لك واحترامي

رد: موج البحر
 

صح بدنك
والله يسلمك ويبقيك.

رد: موج البحر
 

الله يسلمك ويرضى عليك
والشكر موصول لك على مرورك الكريم
تحيتي وتقديري🌹

رد: موج البحر
 

رووعه
اختيار راقي جدا علي
ذائقتك الشعريه مميزه
لا تحرمنا جمال الاختيار
دمت بخير،