مجتمع غلاك - يا ليت من قفّا يردِّي

ألا يــآ ليت من قفّا يردِّي .. يا ليته كل ما أنادي يردِّي
يا ليته لو يجاملني بكلمه .. ترد الروح للقلب المودِّي
يا ليته كل ما غنِّيت يوحي .. يغنِّي لي على نغمات ودّي
يا ليته ما بدا الهجـرآن منّه .. أجازيه الوفا ويصير ضدّي
يا ليته ما سمع كلمات واشي .. يا ليته ما عـزل حـدّه وحـدّي
يا ليته حس في قسوة ونيني ..عرف لا وين حرماني يودّي
يا ليته صار ليله مثل ليلي .. يا ليته عـدّ مثلي يوم أعدّي
يا ليته عاش لحظه في عذابي .. ثــلاث سنيـن يبـكي ما يســدّي
يا ليت إنه سمع دقات قلبٍ .. تمسَّـك بالأمــــل عيّـآ يهدي
يا ليته كل ما يقرأ قصيـده .. يحس شلون أنا بيَّحت سدّي
يا ليته كل ما غمّض جفونه .. لقا ما القاه انا من ليل وجدي
يا ليته يــوم ياصل للحقيقه .. يعرف إنه خطا منه التحدّي
ولكن ويش ينفعني التمنِّي .. مدام اللي نبي لاماه صدّي
جداي أصفق يميني في يساري .. واشيـل همــوم زادت فوق حدّي
انا وش عاد أسوِّي في نصيبي .. مــدآم الحــظّ قصَّــر وش بيــدِّي
أردد كلمتي واسمع صدآها .. ترى اللِّي راح لا يمكن يردِّي
__

طلال الـ سعيد التميمي