مجتمع غلاك - الرساله

ياصاحبي جيتك أشكي لك من أحوالي
جيت .. وما دامك رفيقي ليه اطولها؟!

العـــلم ومافيه يا أول وآخـــــر أمالي
عندي رساله ولا أدري كيف أوصلها

للـي سبتنــــي وانا من قبلهــــــا سالي
أبيــك توقـف معـي وتروح تسألهـــــا

وش فيهــا تفتــح علي أبواب عـذالـــي
وتحمّــل النفـــس حــاجه ما تحمّلــــــا

وش فيهــا رغــم الوفـــا تتركني لحالي
وأنا لجفــاها تركــت الدنيا بــ أكملهــــا

إن كان هذا زعـــل .. علمّهــا يالغــالي
ماكــان قصــدي ورب البيــت ازعلهــا

علمّهـــا واللــي يخلـي قلبــك الخـالــــي
عن ضيقتي.. ويــن وصلت من تجاهلها

علمّهـا كــــم لي وانا ماشلــت جوالـــي
كله علشــــان ... ما أقلّـــب رسايلهــا

وعلمهــا وشلـــون لا مــرت على بالي
أروح وأضــــم صورتهـــا واقبّلهـــــــا

وعلمهــا كيف أنشغــل عن كثرة أشغالي
وأســرح وأغمـض عيونــي واتخيلهــــا

علمها عني .. وعن همــــي .. وغربالي
علمهـــا عن كل حــــاجه في تجاهلهـــا

وإن شفتهــا دنّقــت .. تبكي على حـــالي
إنسى الكلام .. وتذّكّـــــر كلمه وقلــهــــا

قل: شاعرك يعتذر .. ويعاهــدك تالـــي
إنــه يرتـــب حسـاباتـــــه مـــن أولهـــــا

ويقول: حتى القصيـــد الـــي على بالــي
والله ما عـــاد أكتبـــه كانــــه يزعلهـــا

فهد المساعد