مجتمع غلاك - البارحة يوم الخلايق نياما

البارحة يوم الخلايق نياما للشاعر نمرّ بن عدوان
بعد قتله لزوجته بالخطأ وإجباره على الزواج من أخرى لتربي ابنه:

البارحة يوم الخلايق نياما
بيّحت من كثر البكى كل مكنون

قمت اتوجد له وأنثر علاما
من موق عيني دمعها قبل مخزون

ولي ونةٍ من سمعها ما يناما
ونّت صويبٍ بين الأضلاع مطعون

وإلا كما ونّه كسير السلاما
خلوه ربعه للمعادين مديون

ولا في ونة راعبية حماما
غاد ذكرها والقوانيص يرمون

تسمع لها بين الجرايد حطاما
ومن نوحها تدعي المواليف يبكون

مرحوم ياللي مات شهر الصياما
صافي الجبين بليله العيد مدفون

حطوا عليه من الخرق ثوب خاما
وقاموا عليه من الترايب يهلون

مرحوم ياللي مامشى بالملاما
جيران بيته راح مامنه يشكون

أخذت أنا وياه عشرة أعواما
ما مثلهن في كيفة مالها لون

والله كنه ياعرب صرف عاما
ويا حيلة الله شغل الأيام وشلون

وأكبر همومي من بزور يتاما
لاجيتهم قدام وجهي يبكون

وإن قلت لا تبكون قالواعلاما
نبكي ويبكي مثلنا كل محزون

قلت السبب تبكون قالوا يتاما
قلت اليتيم أنا وأنتم تسجون

مع البزور وكل جرح يلاما
إلا جروح بخاطري ما يطيبون

قمت أتوجد عند ربع حشاما
جوني على فرقا خليلي يعزون

قالوا تزوج وانس لامه بلاما
ترى العذارى عن بعضهم يسلون

قلت أنا أخاف من غاديات الذماما
اللي على ضيم الدهر ما يساعدون

تزعل عيالي بالنهر والكلاما
وأنا تجرعني من المر بصحون

والله لولا هالصغار اليتامى
وأخاف عليهم من السكة يضيعون

لا قول كل البيض عقبه حراما
واصبر كما يصبر على الحبس مسجون

عليه مني كل يوم سلاما
عدة حجيج البيت واللي يطوفون

واعداد ما نبت النفل والخزامى
على النبي اللي حضرتوا تصلون.