مجتمع غلاك - عسيرية

تقول الله يطعني و اقول الله يسبق بي
جنوبي نثر همه على (غيمة جنوبيه)

أحس أني إذا قالت فديتك ياعرب ربي
تراقص بي جبال ابها مع الريح الشماليه

ولا ادري ليه تسر ي بي هواجيس وتبعد بي
اذا قالت عسى مافيك يالغالي يجي فيه

تباكرني فداياها وتمسي بي وتصبح بي
واقوم ارقص مع نغماتها خطوة عسيريه

بيا نفداك ياب عنك ياروحي وياقلبي
تعلقني على بوابة الروح البدائية

خذت رقة بنات ابها وعطر الساحل الغربي
عسيرية هوا تزهى بلون خدود ورديه

سوالفها تغني في شفايفها وتشعف بي
وتفتح داخلي شرفة مناظرها الطبيعيه

وكحل عيونها ليل على متنه يسافربي
ويبني داخل عيوني لها تمثال حريه

تحوديني وتأخذني لدرب ماهو بدربي
اصولية أدب وأخلاق باستايل حداثيه

تعاقبني على ذنبي وذنب ماهو بذنبي
خطاوي راهبه تختال في ثوب الأباحيه

على ايديها شربت المر ياحلوه على قلبي
قبيلية نسب لكن بلا نزعات عرقيه

اذا غابت تغيبني عن العالم وتبعد بي
اذا ردت أحس اني ملكت الأرض بيديه

اداريها تزعلني وازعلها وترفق بي
وتلبسني وراها لين ترضى الف جنيه

ثلاث سنين بي عنها تخافت بي وتجهر بي
تقول اخشى اجي والقاك ما تتحمل الجيه

وهي ماشافت اللي شفت والدنيا تصافق بي
ولا حست ول عاشت ولا سمعت بلاويه

كثير أحيان تفلتني وبعض أحيان تمسك بي
ألين أبديت سطوتها على قلبي علانيه

وجتني كما الطوفان يغرقني ويغرق بي
محت عني دروب سود ودروب رماديه

همى لاحساسها غيمي نمى بأنفاسها عشبي
ركض لعيونها شعري وسلمته طواعيه

-

سعد بن زهير الشمراني