مجتمع غلاك - كيكة الليمون ~ من مطبخي

السلام عليكم

مساء النور ✨
كيف حالكم ؟
إن شاء الله بخير 😊

من زمان ما نزلت موضوع ف قسم الطبخ
اليوم حبيت أسوي كيكة الليمون
وأنزل لكم الطريقة مع الصور

وهذي الطريقة السهلة بالخليط الجاهز
واللي حابين يسون خليط الكيك بنفسهم على راحتهم عادي 😊👍🏻

الصور من تصويري

‏https://up6.cc/2022/11/166870566786321.png

‏https://up6.cc/2022/11/166870566788152.png

المقادير :-

- خليط كيك الفانيلا الجاهز من " بيتي كروكر "
- بيضتين
- عصير ليمونة
- بشر الليمون
" نجيب ليمونة أو اثنين ونبشرهم "
- ثلث كوب زبدة بحرارة الغرفة
- كوب واحد حليب النوع اللي تحبونه
" أنا حطيت حليب المراعي الخالي من اللاكتوز "
ينفع للي ما يتقلبون اللاكتوز مثلي
دايماً أستخدم هذا النوع 👌🏻

المكونات لازم كلها تكون بحرارة الغرفة

للتزين :-

- شرائح ليمون
- حليب مكثف
- حليب عادي
- عصير ليمونة
- بشر ليمون

الطريقة :-

نشغل الفرن من تحت على درجة حرارة 180

نخلط المكونات كلها مع بعض
ونحطها في صينية الفرن وندخلها الفرن وهو ساخن
على الرف اللي ف النص

نتركة تقريباً نص ساعة أو أكثر على حسب
انتو بعد نص ساعة حطوا عود ف نص الكيكة وشوفوا إذا استوت ولا
بعدين شغلوا الفرن من فوق لمدة 5 أو 10 دقايق لين يتغير لون الكيكة

وبعدين خلاص طلعوها وخلوها تبرد

بعد ما تبرد الكيكة
أخلطوا الحليب المكثف مع شوية
من الحليب العادي وعصير الليمون
لازم يكون الخليط ثقيل شوي

حطوا الخليط ف نص الكيكة
بعدين وزعوه برفق على الأطراف

ابشروا الليمونة على الكيكة

و ف النهاية حطوا شرائح الليمون

وبس 💕

ترا الشرح طويل شوي بس التطبيق سهل جداً 👍🏻