((نصبر كما يصبر على الهم رجال))
 

نصبر كما يصبر على الهم .... رجال
والا ضعيف النفس نفسه .. ضعيفة
قضيتها ما بين هم ...... .. وترحال
وظروف وقتي بالرزايا ....... كليفة
خسرت راس المال يا حيف يالمال
والحمد للي عاضني فيه ..... سيفه
عطية الله ما لها صنف ..... وامثال
تطغى على ود الوليف ....... لوليفه
ربك رحيم ونحتسب فيه الاحوال
واجري على رب يجيب .... العفيفة
سلمان عوضني زمن شيخ الابطال
كني اشوف الجد والا ....... وصيفه
سلمان يفهم والعمر عمر . الاطفال
الحر حر وينعرف من ......... رفيفه
له مخلب يجعل من الجلد مشخال
له ضربة بالخرب ما هي ... خفيفة
يفداه عفن ما عرف واجب . الخال
ولا بنى له بالمراجل ......... سقيفة
لا والله الا حدني دونه ...... الجال
شر الكرونا خسر القلب ........ ريفه
يا رب فرجها ترى الحال في . حال
هم وغم والبلاوي ............. رديفة
هذا زمن من باعنا بيعة ..... شوال
من عقب ماني سترهم . والوظيفة

القارظ العنزي

رد: ((نصبر كما يصبر على الهم رجال))
 

الشاعر العذب القارظ العنزي : لله دركَ أتيتَ بفريدةٍ بليغةٍ ، وصفتْ بدقةٍ بالغةٍ ما تعانيه (أبدعتَ وأمتعتَ) .

رد: ((نصبر كما يصبر على الهم رجال))
 

بيض الله وجهك ،

لاهنت ،

ونترقب جديدك

رد: ((نصبر كما يصبر على الهم رجال))
 

ما عليك زود شاعرنا الفذ عبد العزيز
والإبداع والامتاع في مرورك الطيب
لاهنت ولا هان منطوقك الكريم الراقي

رد: ((نصبر كما يصبر على الهم رجال))
 

ووجهك الابيض الهيمانة

رد: ((نصبر كما يصبر على الهم رجال))
 

تسلم ،، وصح لسآنك ،،.
قصيدة كلها إبداع وتألق ماشاء الله ،،،
شكري وتقديري يالاامير ،،