مجتمع غلاك - الكنه

عــذب السجايـــآ وعـوده بـأول الكنه .. متى تزين السوالف وآخذ علومه
وأسامحه عن خطاة الجرح والونه .. وأعاتبه لو يصد شوي والومه

وأذكـرهـ بـأول المسفـــآر حتى أنـه .. لامن تذكر زمان أول نسى نومه
يومم انه أقبل خـــدين الروح يـوم أنه .. واقبلت اراعيه والقومه هي القومه

من يومها والحشا ماعـآد له خنه .. إلا لصوته وميعــــآده وملزومه
عفــري هنـف للضلوع وجاءلهن حنه .. وأستانست له فياض القلب ورجومه

لبّـــى جبينـه لا أرتـج الغطاء كنه .. برق يصبّ الرفيف بكبد ديمومه
مآأقول شفتـه وشفـــت البيـض يتلنه .. أقول شفته وشفت الشمس منجومه

ما أقول كـنّ الجديــل الليل لاكنه .. ليل خرعه الظلام وضيّع نجومه
ياقبلة الله هــآك العنقـــود لامنه .. قام يتهجا شذا عطره ويشمومه

فيه أنتهى النور لا والله بدا منه .. فجر نعس بالوريد ونام بهدومه
ورد تفرعن حماره قلت أباكنه .. الى متى والحنايا منه مفطومه

فز وتطرق رطيبه قلت ماعنه .. بالم شيحه وريحانه وقيصومه
صد وتلعثم هديله في برد سنه .. ياقوم ذا النور يوم أنكت ياقومه

الله عطانيـه والله يعطــي الجنــه .. واليا أستجد الهوى كل ومقسومه

–

مساعد الرشيدي