... العيد جانا ...
 

يقول .. نجم ضاوي ..


‏العيد جانا .. والاماني .. تطاير
يالله حقق لي .. جميع الاماني

الناس تفرح .. لكن النجم حاير
من حظي اللي بالتعاسه رماني

يا طير يلي صوب جازان طاير
وصل سلامي ساكنين المحاني

قله . . ليا منك . . تزور الشعاير
ادعيلي ربي .. يزيح همٍ . بلاني

الشوق أتعب قلبي والجرح غاير
والنوم فارقني . وعفت المنامي

جاير حبيبي وحتى هالوقت جاير
محروم حبه .. والوله . والحناني

يا قلبي هونك كيف بحت السراير
يكفي زماني علي قاسي وجاني

دارت عليه . . من المأسي دواير
وي الذي قد كان . عذب المعاني

يا الله تجبر .. خاطري بالجباير
يامنزل القرآن . به سبع المثاني


... وسلامتكم ...

اخوكم الشاعر .. نجم ضاوي ..

رد: ... العيد جانا ...
 

عساك من عوادة العيد ،
بيض الله ويهك ،
ابيات جميله شاعرنا ،


سلم قلمك ،

،

رد: ... العيد جانا ...
 

الله عليك..
قصيده جميلة
صح لسانك

رد: ... العيد جانا ...
 

الله من هم على العبد ... جاير
هم يلف العامري .... ويحداني
يا صاحبي يالقرم حرز العشاير
اصبر مثل صبري وخلك مكاني
كم خفرة عندي بين .. القصاير
راحت وخلتني وحيد . واعاني
انا ادري انه ودعك وانت حاير
لو هو على كيفك تجيبه عياني
جازان داره والقرى حول . داير
الله يسقي دارهم في . جيزاني
عز الله لو بالكيف باجيك طاير
واخذك يمه يا عريب المجاني
لكن تراه الوقت يالقرم .. صاير
مثل عقارب ساعتك .. بالثواني
عيدك مبارك والمعايد .. شعاير
الله لو تدري عن الحال .. ياني!

رد: ... العيد جانا ...
 

صح لسانك شاعرنا ..
قصيدة جميلة
لاعدمنا بوحكٌ :10ل0:

رد: ... العيد جانا ...