|
لاتخافي ولاتحزني..
السلام عليكم
اخوتي مدري من وين ابدي وكيف اسرد تعبي وحزني نفسيا وفكرياً تعبانه عندي الف هم وهم احمله واني اكتب دموع عل خدي المهم اني زهراء ومتزوجه ماعندي ذريه لي 8 سنوات وماحصل حمل دائما اجهاضات (ربي ينتقم من الي كان السبب) الايام الماضيه كانت واضحه عليي علامات الحمل بس ماكمل زوجي استسلمم وققرر يتركني الانه تعب من العلاج وغير العمر يمشي اني ما اتخيل يوم بدونه او ما اشوفه .م خليت شي ماسويته .جاهدت وتعبت .. العشره و المحبه راحت يمكن …. كل الي سويته له ف حياتي يمر مثل الشريط قدامي هو يبي يصبح اب اني بعد ودي اكون ام اندمرت بشكل م تتخيلوه معاملته تغيرت معي مدري وش بصير الايام القادمه كل واحد ف زاويه واني ما اشوف وجه راسي وجعني من كثر البكي واد سألني شفيك اقول ليش يهمك .. محد داري ولا اهلي درو اني طرحت هشي هنا وانتو اول الناس تدري… وبس ولله |
رد: لاتخافي ولاتحزني..
عليكم السلآم أخت رهراء بدون مقدمات انصحك بمراجعة دكتور متخصص وتتركي المواضيع والكلآم الشعبي موضوعك اسهل من السهل وموجود علآجه دمتي بصحه وعافيه ,، |
رد: لاتخافي ولاتحزني..
أولا مشاعرك ان دلت على شيء فهي تدل على إمرأة كاملة بتقديرها ورعايتها
لزوجها ثانيا تقديرك ورعايتك تخليكي اكثر الناس الساعين لتحقيق رغبة زوجك في انه يكون اب الشيء المؤكد ان العلة ليست فيكي وان حالات موت الاجنة في رحمك كلها قضاء وقدر وان كانت بفعل فاعل فالله لا يضيع حساب احد افضل شيء تسوينه .. انك ماترهقين نفسك ولاتبكين يكفي بكاء .. اللي بكيته الاحين وبسابق ايامك يكفي .. ثاني شي حافظي على حالتك المزاجية لازم ماترهقين نفسك ولاتبكين لانه راح يأثر على الجنين غذي نفسك وحافظي على صحتك البدنية والعقلية افضل شي ممكن اقوله لك انك تتحاورين مع زوجك وتقولين له مشاعرك بدون ماتصيبك نوبة بكاء او شي يخرب من هدوئك بالكلام صارحيه بمشاعرك وقولي له كل اللي بقلبك .. وانك تعرفين انك اكثر واحدة اللي تتمنى انه يكون اب بأقرب وقت .. وانك مقدرة حالته وتعبه .. حاولي ترجعينه قريب منك .. انت قربي منه .. وان حسيتي انه يصدك .. قوليلي له ان شاء الله تكون اب وروحي .. ودايما قوليلي له كذا .. افتحي كل اقفاله برغبتك المخلصة والحقيقية وبعواطفك الصادقة لأنك فعلا زوجة لها تقديرها الثمين لزوجها وانت فعلا دموعك ماكانت الا علشان رغبته ورغبتك انه يكون لكم ذرية ويارب يكون لكم اسال الله العلي العظيم أن يرزقك من الذرية الصالحة وان يتمم ولادتك بخير وبيسر اللهم آمين لاتخافي ولاتحزني بإذن الله كل شي راح يكون بخير راجعي طبيب او طبيبة ولادة .. بالله عليك لاترهقين نفسك وتوجعين قلبك وتبكين بإذن الله كل شي راح يكون بخير الله يطمن قلبك ويرزقك ذريتك وتفرحين فيها انتي وزوجك يارب العالمين كوني بخير ولاتبكين |
رد: لاتخافي ولاتحزني..
يقول الله عز وجل
"لله ملك السَّماوات والأرْض يخلق ما يَشاء يهب لمن يَشاء إناثًا ويهب لمن يَشاء الذُّكُور أو يزوجهم ذكرانا وإناثا ويجْعَل من يَشاء عقيما إنَّه عليم قدير" اذن هي مشيئة الله وكل شيء بقدر ومشيئة الله كيفما جاءت فهي رحمة نشكر الله ونحمده على كل ما اعطانا وادرك يا اختي انك تواقة للذرية وكل مشاعرك ورغبتك هي حق ولكن هذا قدر الله عز وجل لذا احتسبي واصبري اما مابينك وبين زوجك فلعله هو ايضا متأثر بنفس تأثرك صارحيه بشعورك لا تكبتي بداخلك مهما يكن بينكم عشرة عمر ومودة ورحمة وكل هذي ما رح يفرط فيها بالسهل اليسير استهدي بالله وتأكدي محد راح يفهم شعورك قده هو لان هو يعيش شعورك وحالك ومعك الله يسخركم لبعض ويرزقكم الذرية الصالحة ويربط على قلوبكم ويألف بينكم |
رد: لاتخافي ولاتحزني..
اهلا فيكي اختي زهراء والله يرزقك بما هو جميل دائما وابدا
الرزق بيد الله لا بيدك ولا بيده والقران والاستغفار صدقيني حل اكثري من الاستغفار وصارحي زوجك بمشاعرك وانك انتي كمان تبين الخلفه وتبينه هو زوجك وحبيبيك وسندك احتضنيه وخليكم جنب بعض وحاولوا مره واثنين وثلاثه ماهو لا جاكي قلك وشفيكي تقولين له يعني همك كذا يزيد التنافر والا بتعاد قربوا من بعض اكثر العشره مو هينه ماشاء الله لذا اصبروا وصابروا واستعينوا بالله اسأل الله العلي القدير ان يطعمكم الذريه الصالحه الناصحه المعافاه السليمه اللي تبسطكم وتفرحكم عاجلا غير اجل تحياتي لكي .. |
رد: لاتخافي ولاتحزني..
انا اشوف اذا عجزت عنك الدنيا والعلاجات للذرية فري إلى الله
الجأي له والله مايخيبك الحي عليه دعاء بأسماءه الحسنى والله الواحد القادر هو راح يسخرلك القدر تجيبين ذرية حاولي تاخذين ماء زمزم وتقرين سورة الواقعة والطلاق والتحريم والملك والقدر والشرح والمعوذات وسورة الأخلاص وتنفثين على الماء وتمسحي على بطنك وتشربين يوميا تسوينه وقولي أعيذ نفسي بكلمات الله التامة من كل شيطان وهامة ومن كل عين لامة بس لاتتركينه الين ما تجي البشارة الله يرزقك بالتوفيق |
رد: لاتخافي ولاتحزني..
اقتباس:
قراءة سورة محددة من القرآن لاجل هدف ما لم يرد عن النبي صلى الله عليه وسلم شيء من هذا والحديث الشريف يقول كل بدعة ضلالة وكل ضلالة في النار وايضا قال رسول الله ﷺ: من أحدث في أمرنا هذا ما ليس منه فهو رد لا تنشروا امور لمجرد انها متداولة بين الناس وهي غير صحيحة ولم ترد لا في الكتاب ولا في السنة لانكم بتتحملون اثم كل من عمل بها |
رد: لاتخافي ولاتحزني..
اسال الله ان يرزقك الذريةالصالحة
|
رد: لاتخافي ولاتحزني..
،’
وعليكم السسلام و الرحمـــهه , الحمدلله .. من صوبج ,؟ يا قلبــــــــــــيي يا زهرتـــــــي الله يعينج على هالحــال و ربيي يزيد صبر فوق الصبر الي الي انتي فيـــهه ’ الي تقولينــهه ترى مو شوي على الواحـــد يتحمله , كلام النـــــــاس اساس الدمار , الي انتو وصلتو فيــهه من كثر ما اهله و غيرهم يسالونه لين الحين حرمتك ما حملت كملت هالسنين و ما عندك عيال و كثير من كلام الي يسم بدن الواحد , يخلي الواححد يتغير’ شوفي يا زهرة انتي و ريلج , أول شي لازم تقون نفسكم ببعض أكثر ’ و تتحملون و طنشون كلام النـاس الي راح ينقال لكم ’ هو خراب علاقتكم ’ انا بنت وحاسـهه فيجج ’ و اعرف شعور الفراق شي موسسهل ابدا ’ و يخليج تعوفين الدنيــا بالي فيها مجرد تفكير تخيلي تمرين فييج ,’ ي عمري ي زهره قطعتي لي قلبيي حيييل ’ صارحي ريلج ما فيها شيي ’ ترا الشي مب بايدح و لا بايده رب العالمين الرزاق ’ ما تعرفين متى كاتب لكم , كل شي ابيد الله ’ لا ضايقين نفسسج بروحجج ’ ما تدرين وين الخيره لج معاه و لا , ننحن عاطفين ’ يوم نحب الشي ما نبيه يروح منا حتى لو ثقيل على قلوبنا ’ و متعبنـــــا نكون مستعدين نتحمل كل شيي ’ أجلسي معاه و كلميـهه ’ شوفي شو يقول لج , و بعدين قرري شو تسوي اما انج اتمين جيي ترا مو حل , تعرفين اعرف ناس بعد 12 سنه ربي رزقهم ’ و في أكثر ’ و في الي تطلق و كل واحد في دربــهه و كل شخص ربي رزقه بعيال , سبحان الله رغم المحبـه الي بينهم من سنيين 13 مدري اكثر , كل واحد راح في طريق و ربي رزقهم ربي مب كاتين لهم مع بعض ايبون عيال , , . . شوفي اخر حل الواحد يفكر فيه الفراق , . . روحيي صارحي و ريحي قلبج و عينج و بالج , و يا رب قريبب اسمع عنج خبر يفرحج . " في شي ابا اعرفه حطيتي بين قوسين " .....!! شو تقصدين فيه , ؟؟:66: |
رد: لاتخافي ولاتحزني..
اقتباس:
شكرا لك عل النصيحه الثمينه:ff1 (141): |
رد: لاتخافي ولاتحزني..
اقتباس:
الدموع جابت وجع راس حتى قست الضغط طلع تمام الي صار شي رسمي وبس و ماقدر افتح سيرت الاطفال الموضوع حساس عنده طبعا اني ماجبت السيره له احاول اكلمه بشي ثاني يفتعل مشكله من اي شي ف البيت او يقول لي كرهت العيشه معك واني اتجاهله طبعا بعد الي صار حلمت بالايه الكريمه بسم الله الرحمن الرحيم وإن عل رجعهٍ لقادر صدق الله العظيم ودائما ارددها و سبحان لله رجع انسان طبيعي بس بصراحه كلامه جارح يجرح واذ اذكر تتعب النفسيه هو طيب وحنون واعرف معدنه اصيل بس الظروف تسوي ف الانسان كذا واني نفر حساس مااتحمل كلام الجارح وربي يرزقني بالذريه الصالحه … شكرا اخوي عل مرورك القيم و عل النصيحه الثمينه |
رد: لاتخافي ولاتحزني..
اقتباس:
اسمعي لصوت عقلك وماراح تضيعين وان شاء الله الأمور راح تكون بخير الله يسخره لكِ ويهدي حاله ويرزقك بطفل يكون قرة عين لك وله اللهم آمين ان شاء الله الامور راح تكون احسن من اول كوني بخير لاتبكين ولاتحزنين اعتمدي على الدعاء والمعاملة اللي كلها تقدير وتفهم وهذا شي انت فاهمته و مسويته بإذن الله كل شي راح يكون بخير اهتمي بنفسك |
رد: لاتخافي ولاتحزني..
عزيزتي زهره
سبق وعشت شعورك ، وحجم معاناتك مو بسيط لكن تفائلي عزيزتي واحسني الظن بالله ولاتنتظري موضوع الحمل .. عيشي حياتك وجمليها بحسن التبعل بعيداً عن اي أفكار اخرى اي زوج وزوجة يتمنون الذرية طبيعي لكن الاختلاف إن تأثير هالشيء ع المرأة أكثر ربما وضعك النفسي و بكائك المستمر هو سبب بُعده و صدوده عنك .. وفي حال حصل حمل مستقبلا لاتترددي في زيارة الاخصائية النسائية راح تعطيك مُثبتتات والله يرزقك الذرية الطيبه السليمة و يسعد قلبك :123: |
رد: لاتخافي ولاتحزني..
هذا العنوان للأمانه دائما يجذبني بس انسى اجي له
لي عودة ان شاء الله |
رد: لاتخافي ولاتحزني..
لمن كنت زائرة يوم من الآيام صادفت موضوعش والله ,
حتى اخر الليل ذكرتش مع انه مافيه بيننا الا كل خير ان شاء الله والله اني دعيت لش جيتي في البال ْ سبحان الله __ خليني اقول لش عن شغله يمكن ولعل تطمنش وتطمن قلبش , عندنا وحدة كذاا متآخرة حيل في حملها عانت من ضغط نفسي وإساءة من اهل زوجها برضوا وكل يوم مشكلة طالعة كل يوم يقلون لزوجها هي ماتحمل ’ هي ماتجيب ’ هي تسقط الحرمة والله عاشت تحت ضغط كبيررررر ويجي زوجها يقلب عليهآ كله من اهله يشعلون النآر اكثر ف ي اختي مافيه اي راحة وحرفيا ً مسيطرين ع كل شئ يعني الخبث كله عانته ف لمن طلعوا من البيت وانتقلوا ل مكان ثاني سبحان الله حملت , ب حملها الآول بعد سنين ’ الله اكرمها والحين عندها 6 ماشاء الله مااعرف ايش الي بين قوسين لكن ممكن نفس وضعها اختي مافيه وحدة ماتبي تكون آم هالشئ طبيعي تمرين ب امر حساس انتي وزوجك بعد انتو مضغوطين هو بعدْ يطلع اللي فيه بطريقة تجرحك , هذة تعبيراته لشْ ان كانت بينكم فجوة وهالشئ حاصل من كلامش ف حاولي تستجمعي نفسش علشان صحتش النفسية والجسدية وي اختي مثل ماقالت الآخت عيشي حياتش وانتبهي لزوجش لا تقلقي ’ بما انه لنا الله وتوكلي ع الله ي آآختي ’ولاتنسين الدعاء في صلواتش وقيام الليل ْ ب انه الله يعطيش الضنة وتفرحين لاتقطعين حبل الوصال بينش وبين الله ماتدرين ي اختي متى الوقت اللي يآمر الله فيه وتصير معجزة وتفرحين اما لزوجش ف تكلمي معه ب وقت منآسب ْ ب النهاية حبيبة انتي مالش اي ذنب هذا من عند الله سبحان الله ربي دلك ع ايه ك انها بلسم لجرحك وامنيتك ’ في منامش ردديها دائما ً الله يرزقش بشارة الخير بعد صبركم ’ وان شاء الله الله يرزقش ب الحمل ويتمم عليش كلنا نقول لش لاتضعفي خيتي ’ وكلنا مهتمين في موضوعش ’ ومشكلتش الآخوان ماقصروا والآخوات الله يسعدهم الله يسهل عليش ومسحي دموعش تراش خلصتي المناديل اللي في المصنع ههههههههههه نغيير الجو اشووي ’’ العنوان الي اخترتيه فيه تفاءل كبير ’ ع فكرة ! خلش مثل العنوان |
| الساعة الآن 01:27 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~