مجتمع غلاك - الترفه رغد

مجتمع غلاك (https://g-lk.com/vb/index.php)

- الشعر الفصيح والنبطي " يمنع المنقول" (https://g-lk.com/vb/forumdisplay.php?f=60)

- - الترفه رغد (https://g-lk.com/vb/showthread.php?t=18353)

الترفه رغد

..

أكثرالأحيان.." يالتَّرْفه "رغَد
............لو تشوفيني معِك ماني معي

للهجوس فْراسيِ أمطار وْرعَد
........كيف مايْضيع الوعي ف اللاوعي؟

من ثمان عْجاف في همّ وْجلَد
...............ماتعدّى طير حلمي أضلعي

لاقدرت أَصعد معا من هو صعَد
........ولارضيت أنزل واغضْ عن واقعي

كلِّ ماقلت: اقترب يوم السعَد
..........هبّت رْياح الزمن عكس أشرعي

في زمان الضبْع يخشاه الأسد
..............للطموح شْلون بيودِّي سَعي؟

ولوّ،، مالي في البلد خلّ وْسند
.......يكفي إن جنِّ الشِّعِر رهْن اصبعي

رغْم إني ..واحد مْن اهْل البلد
........... عايش الغربه ومنفى موقعي

،،

"رغد"بنت أمورة صغنونة فثالث متوسط
كان تحب تلعب معي فمنتدى زمان بس دايم تزعل لني أنسى كثير وأحيان أرد على غيرها وماأنتبه لردودها
يمديها تزوجت الحين (:

دمتم

رد: الترفه رغد

ماكل مايتمني المرء يدركه تجري الرياح بما تشتهي السفن

رد: الترفه رغد

ماشاء الله عليك يالمعتفس ،
صح السانك يالشاعر،
قصيده جميله ، ابدعتتت ،

ختم + 200 نقطة

رد: الترفه رغد

قصيده تختال برشاقة المفرده
وجمال الاسلوب
ابدعت وارويت الذائقه
صح لسانك وعلا شأنك
‏شاعرناالمتألق

رد: الترفه رغد

ياهلا فيكم

شاكر وممتن:9457:

رد: الترفه رغد

•'

وانا اقول وين منوره الدنيا علينا
اثري عفيسان ،
منزل شعر

صح لسسانك ،
خلاص عرست و عندها عيال و عيالها يسلمون عليك هههه

مالي ف الشعر ابد ،:please2:
لازم اقرى مرتين عسب استوعب ،

في انتظظار يديدكك