رد: #صومعة_توماس_العامرة
 

ايها السادة الكرام الاشاوس والاشاوسيات >> الاشاوسيات ليست فئة اخري من الشركسيات ولكنها المؤنت حق الاشاوس

برضو ادري انكم اول مرة تسمعون باللغة جمع الاشاوس


كل عام وانتم بخير وصحة وسلامة

انقطعت عنكم لفترة من الزمن

لا يوجد بينكم من تذكرني بدعوة بظهر الغيب >> هذي اصلا غاسلن يدي منها انتم زين تدعون لانفسكم جيدين اما نوم والا طحن بالسمبوسة والفطاير

لكن عاد اذكروني هنا

قولوا وينك يا توماس

الله يذكرك بالخير

ابد حسيت اني بمنتداكم بنقالي جاي بتأشيرة وما مشت اموره ثم سوى له كفيله خروج نهائي

على العموم فاتكم العيديات لو متذكريني

وانا بصير اطيب منكم واقول لكم

كل عام وانتم بخير

رد: #صومعة_توماس_العامرة
 

الان انا اتمتع باجازة قصيرة

ما ادري وش اسوي فيها

اي احد عنده اقتراح ؟!!


الناس مدارس ودوامات وانا ما غير اتسدح لحالي

رد: #صومعة_توماس_العامرة
 

انصح اي واحد يدعي الدهاء والحنكة والمكر ان يطارد نامسة ( بعوضة) في غرفة النوم

اصلا هي بس تسوي فيه مناورة بصعود عمودي او افقي افلقني اذا شافها :220:

رد: #صومعة_توماس_العامرة
 

بنت الشيخ بالمسلسلات البدوية لها ولد عم خبل

رد: #صومعة_توماس_العامرة
 

. هنا


https://g-lk.com/vb/showthread.php?t=24972

رد: #صومعة_توماس_العامرة
 

عندما تسدد الشماتة ركلتها لك مباشرة وتخسر الجولة

العنوان الشماته

انصحكم بعدم الشماته
ولدي صغير سن قبل يومين ساق سيارتي بدون اذن وصدم بها

لا ادري هل اضحك ام ازعل

يقولون شر البلية ما يضحك

كنت بالدوام وعم الولد اتصل علي وجيتهم
بموقع الحادث
العم ذكرني اني زمان صدمت صدمة خفيفة بنفس الموقع بالضبط

ضحكت ضحكة صفراء لان السيارة كانت متضررة

هذي ليست الاعجوبة والحتوتة

في رمضان ولد اختي برضو صغير <<< العايلة ما عندهم كنترول

صدم بنفس الموقع

ولدي هذا جلس يتشمت عليه وتخبرون الصغار

يقول له ما يعرف يسوق وغشيم ووووو

وطفشه وقهره

ولد اختي برمضان يقولون يدعي وهو ساجد على ولدي انه يصدم

من كثر ما هو متحامل عليه

ولدي صدم في نفس الموقع بالضبط قبل يومين

ولد اخت المدام يعلم خالته انها دعوة من المذكور

تواردت الانباء، كلهم يقول انها دعوة

انا اعرف ان ولدي استفزازي بامتياز

لكن عاد الشماته ما احد يرضاها

بالحلقة الاخيرة الحمد لله على كل حال والخسرانيين انا واختى الله يعوضنا