الله يرحمك يا أمي
 

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
وكنه حلم قدامي يقيدني من الصرخات
ابي اصحى ولكني عجزت القى ال يصحيني
فداك القلب يايمه ومهما قلت من كلمات
صغيره في كبر حقك بس اتمنى تعذريني
تجول عيونهم فيني تفصل مني قياسات
وتشيح وجوههم عني وكني غيرت ديني
وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات
وصار الهم عكازي اباكيه ويباكيني
عطيتيني بدون حساب ولا سمعتك تقولي هات
يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
واصلي الفجر في وقتها قبل منتي تصحيني
يايمه ارجعي تكفين وطفي شمعة الآهات
ابيك انتي ولا غيرك على موتك تعزيني
وضميني وداويني مثل ما كانت الهقوات
ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

رد: الله يرحمك يا أمي
 

الله يرحم جميع موتانا وموتى المسلمين
آصعب شعور فقدان الوالدين . خاصـا الأمم

يعطيك العافيـة غالينـا لنقلك للأبيات
صح لسان كاتبها وسلمت يمناك
أسعدك البـارى

رد: الله يرحمك يا أمي
 

رحمها الله
ورزقك الصبر والسلوان
وجميع موتا المسلمين

رد: الله يرحمك يا أمي
 

اللهم آمين
صح بدنك سيدتي
يسعدك ربي
شكرا لك

رد: الله يرحمك يا أمي
 

اللهم آمين
شكرا لعواطفك

رد: الله يرحمك يا أمي
 

الله يرحمها ويرحم امي واموات المسلمين

فقد الأم فقد للحياة الله يجمعنا بهن في جنات التعيم اللهم امين

نقل جميل يعطيك العافية ~