ردي على قصيدة الشاعر العذب .. القارظ العنزي .. ليت أبو ضاوي يلتهي بإعتكافه ..
 

السلام عليكم يا آل .. مجتمع غلاك .. ورحمة الله وبركاته ...
مبارك عليكم الشهر الفضيل وكل عام وأنتم بخير يا رب ...
هذا ردي على قصيدة الشاعر العذب والراقي صديقي .. القارظ العنزي ..
... ليت أبو ضاوي يلتهي بإعتكافه ...

يقول .. نجم ضاوي ..


يقول . . نجم ضاوي . . بأيام إعتكافه
في . . شهر رمضان .. لعباده . . وصوم


ما اتغزل . . في عيون . . وفي رشاقه
لا . . ولا صدر ن .. ولا ردفن . . يعوم


ترى إللي ذكرت .. اشوفه في الوصافه
لا هي مثل الوصف ولا هيه من القوم


راجع عدد خمسين في كل الصحافه
وشوف وصوف اللي تلالي كالنجوم


هذاك حبيبي يا الذي .. صابك خرافه
ما تلاقي . . وصفها . . في أي قوم


أما حبيبك خشن وفيه بعض الجلافه
كل شي عندي . . يابو سلمان معلوم


خل عنك .. الفذلكه .. وخلي الحرافه
إختيارك .. شين .. والذوق .. معدوم


العشق ماهو .. خفيف دم .. وضرافه
العشق يا اخوك . . عند الله مقسوم


آه . . وا غبني . . عليك ويا حسافه
عايش ابديره .. وفيه الزين معدوم


... وسلامة الجميع ...

رد: ردي على قصيدة الشاعر العذب .. القارظ العنزي .. ليت أبو ضاوي يلتهي بإعتكافه ..
 

صح لسانك نجم ضاوي
ابيات رائعه

رد: ردي على قصيدة الشاعر العذب .. القارظ العنزي .. ليت أبو ضاوي يلتهي بإعتكافه ..
 

الرد قوي :ff1 (187):
صح لسانك شاعرنا نجم
ومتاكدة ان مبدعنا القارظ سيكون له رد كذلك :d
سلمتم ودمتم بكل خير

~

رد: ردي على قصيدة الشاعر العذب .. القارظ العنزي .. ليت أبو ضاوي يلتهي بإعتكافه ..
 

صدقت والله يا خوي فيها جلافة
لكن اخوها يذبح الحيل .. والكوم
ما ينفع المزيون عنق ..... الزرافة
كان المعادن بينها زنك ... وسموم
تشوقني الدبة وعكس ... النحافة
يا زينها كان الوفاء حاضر .... دوم
وش ينفعك زين معاها ..... خرافة
راتب شهر ما يكفي للزينة . هدوم
انا مزاجي مختلف ......يالصحافة
خل الصحافة تنفعك والزم الصوم
اركع ثم اسجد والفطور ... الكنافة
وانا عجوزي عزوتي تكسر . القوم
لي قعدة معها تزين ....... السلافة
والضحكة اللي تجلي الغم وهموم
وش ينفعك زين الحلايا . وظرافة
وصبي العين تبدله لحظة .. النوم

طبت وطاب مرورك وحضورك ومجاراتك
ابو ضاوي تقبل الله منا ومنكم صالح الاعمال

رد: ردي على قصيدة الشاعر العذب .. القارظ العنزي .. ليت أبو ضاوي يلتهي بإعتكافه ..
 

صح لسانك يالشاعر القدير
صاحب الحضور المهاب
نجم ضاوي
رد قوي وجزل من شاعر جزل

وصح لسان الشاعر العذب
المبدع اينما كان
القارظ العنزي

تنيناتكم كتبتم باحتراف وفن

ودي وباقة جوري

رد: ردي على قصيدة الشاعر العذب .. القارظ العنزي .. ليت أبو ضاوي يلتهي بإعتكافه ..
 

ماشاء الله تبارك الله ...
صح لسانك نجم ضاوي ... على أبياتك الجزلة ..
وصح لسانك أخوي القارظ ...
علا شآآنكم ...
على روائعكم العذبة ...