بسم الله الرحمن الرحيم
وبه نستعين
الفصل الرابع
حزم عمه منصورحقائبه هو وزوجته وابن اخيه محمد استعداداً للسفر غداً اولاً لضمان تحقيق حلمه ويشوف ابن اخيه في الجامعة وثانياً اجراء فحوصات علي زوجته بالخرطوم لانه هناك في الابيض من نصحه بالذهاب للخرطوم واعطاءه عنوان دكتورة ممتازة لها عيادة خاصة حتى يطمئن علي زوجته ؟ وعند وصولهم نزلا مع ابن خال منصور وعم محمد الذي يسكن امدرمان ويملك ورشة لتصليح السيارات ومتزوج وله من الابناء ولدين وبنت واحدة البنت الكبرى فى اولى ثانوية والاولاد توام في الصف الرابع ابتدائي رحب بهم ابن خاله ادم وزوجته وشرح منصور الي ابن خاله ظروف حضوره الخرطوم اولاً قبول محمد بالجامعة وعمل فحوصات لزوجته ؟ وسال ادم ابن اخيه ليه مجموعك ما بدخلك جامعة الخرطوم ؟ ويرد محمد الحمدلله ياعمي مجموعي كبير يدخلني اي جامعة اريدها ولكني فضلت جامعة القاهرة الفرع حتي يكون سفري لمتابعة تعليمي في مصر اسهل رد عمه ادم ان شاء الله خير يا محمد ربنا يوفقك يا ابني وتبقى لفتح ابواب الجامعة اسبوع وذهب منصور مع ابن اخيه لمقابلة ادارة الجامعة من اجل التعارف وبعدها شرع عمه منصور في البحث عن عيادة الدكتورة ووجدها واخذ زوجته لها بعد الكشف عليها اوضحت الدكتورة لهم ان شاء الله الامل موجود والعلاج ممكن بس عليها اتباع التعليمات وتنفيذها بدقة وفي خلال شهرين يمكن ان يكون هناك حمل ان شاء الله ؟ رجع منصور وهو فرحان بهذة الاخبار السارة وضرب تلفون الي الجماعة العاملين معه في المحل بانه سوف يتاخر شوية عشان علاج زوجته ؟ وقال آدم الي ابن اخيه محمد اسمع يا ابني انت حتروح الجامعة من البيت يعني مافي حاجة اسمها داخلية البيت كبير وعندك غرفة ليك براك حتى لو عندك زميل عاوز تسكنه معاك علي كيفك وهاك دا مفتاح غرفتك سر كثير محمد وحمدالله وعاهد نفسه بان يكون في المقدمة دوماً حتي يسعد اهله ولا يخيب ظنهم فيه وفتحت الجامعة ابوابها ؟ وكان اليوم الاول للتعارف بين الطلاب مع بعضهم والاساتذة ؟ ووجد محمد احد زملاءه من ابناء مدينة الابيض كان معه في المدرسة وعرف انه يسكن مع عمه ايضاً في امدرمان ؟ ومرت الايام ومحمد يتقدم في كليته وعمه منصور وزوجته مع الدكتورة والان اصبحت احسن وعمه آدم في ورشته وابناء عمه في مدارسهم ؟ وحان موعد عودة عمه منصور الي الابيض بعد ان قاربت زوجته من الشفاء ؟ وعد منصور ابن اخيه في الاجازة القادمة انه سوف يحضر معه اخوه دليل وامه لزيارته هنا في امدرمان بدلاً من سفره هو الي البلد وكمان يجوا يشوفو امدرمان ويغيرو جو ويعرض اخوه دليل علي الدكاتره هنا عشان يشوف الالم الذي يشكو منه من زمان في جنبه اليمين ؟ وسافر عمه منصور عائداً الي الابيض وان شاء الله لو كان في العمر بقية نكمل