مجتمع غلاك - المواجهة الاولى ( الجوهرة

ثقتك بالناس مبنيه على ايش؟ وهل انتِ من الأشخاص الي تثق بسرعة؟؟
الثقة عندي كبيرة كبيرة ،مو اي احد اقدر اثق في حياتي ودايم تكون مبنيه على صدق الافعال اذا افعاله تسبق اقواله
اذا وعد كان قد هالوعد
اكيد لا ، انا شخص لا يثق بالاشخاص بحياته

اذكريلنا ثلاث مواقف غيرت من شخصيتك للافضل؟
المواقف كثيره غيرت بشخصيتي واي موقف في حياتي ضروري يكون له تأثير كويس فيني مهما كان مؤلم

من المواقف اللي اعتقد لها التغير الاول في حياتي لما كنت صغيرة بعمر 8 سنوات كنت من الاشخاص الخجولين مره اللي مستحيل يطلع صوتها
لو حقي ياخذونه اسكت لاني الاخت الكبيره في البيت ، كان فيه بنت اسمها جميلة كان لها فضل على تغير هالشخصية بشكل مجنون .

الشيء الثاني دخولي للجامعة كان بشكل صعب كثير تمرمطت لين قلت بس لما دخلتها حقيقي حسيت بطعم الانجاز اللي اول مره كنت احسه وقتها
بس من دخلتها وتغيرت شخصيتي للأفضل دائما احاول واسعى اطور نفسي ومااوقف مهما تعبت وشفت صعوبات قدامي .

الشيء الاخير واللي له تغيرجذري فيني من برا ومن جوا للأمانه ، الصداقة عندي لها مكانه كبيرة وصديقاتي يعرفون هالشيء
كان لي صديقة قبل اكثر من 9 سنين كانت علاقتي فيها قوية جدا جدا عميقة من جميع النواحي قبيلتي كلها تعرفها صدمتي فيها كانت قوية وقتها
حقيقي جلست فترة طويلة مالي علاقة في احد وارفض اي شخص يدخل حياتي
لكن تغيرت للأفضل اني صرت شخص قوي ، راضي عن نفسه ، يحب نفسه ، مكتفي بنفسه ، اعرف اني شخص مايتكرر
واشياء كيثرة لها ايجابيات كثيره في حياتي لو كانت موجعة وقتها

لوً كان بيدك دستور دولة ايش اول ثلاث انظمة حتفرضيها على شعبك؟
يالله بدأ شغل المحاميه هه :170:

- العدل فوق كل شيء
- المخطي ينال جزاه مهما كان منصبه
- اوظف كل العاطلين عن العمل

اعتقد اني جاوبت بكل صدق وشفافيه :507: