مجتمع غلاك - تبدين مثل المستحيل

مجتمع غلاك (https://g-lk.com/vb/index.php)

- أدبيات وجماليات اللغة العربية (https://g-lk.com/vb/forumdisplay.php?f=17)

- - تبدين مثل المستحيل (https://g-lk.com/vb/showthread.php?t=11456)

تبدين مثل المستحيل

-

آخر عباراتي وداع ..وآخر مشاويري رحيل
جيتك وبي لفحة ضما واقفيت كبدي ناشفه

اصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه

وأنتي بمتناول يدي ... تبدين مثل المستحيل
في عشرتك صوت العقل يقتل طموح العاصفه

الحب ماهو كل شي إليا وقف حظٍ بخيل
قلوبنا مثل العسل بس الظروف مخالفه

لاللندم ..لاللعتب .. أوشي من هذا القبيل
وانتي ماجا منك خطا حتى تقولي اسفه

من غير ليه .. استسلمي ..واستلهمي صبرٍ جميل
ولاتسأليني وش جرى مالك بطول السالفه

قولي لهم ياعزوتي ماعابنا موت النخيل
اللي يوافيها الأجل وتموت لكن واقفه

آخر عباراتي وداع آخر مشاويري رحيل
جيتك وكبدي ناشفه واقفيت كبدي ناشفه

رد: تبدين مثل المستحيل

صح لسان قايلها
وسلم من نقلها
مشكوره حبيبتي

رد: تبدين مثل المستحيل

الله يعطيك العافيه
سلمت يداك ودام عطائك

رد: تبدين مثل المستحيل

الله يقويك ويعطيك العافية يالغلا

~

رد: تبدين مثل المستحيل

إختيار روعة

تسلمين

رد: تبدين مثل المستحيل