((يا من يشيل الصاح في راحة الراح))
 

هنيت من يلقى شريكه ...... بالارواح
يفهم مرامي خاطره حب . واحساس
والا وقع في قاعة الجب .... ثم طاح
تسفي عليه من المعاصير .. واطعاس
يا كم عزيز صاح من همه ....... وناح
من قلة اللي يفهمه بالملا ........ ناس
يا من يشيل الصاح في راحة .. الراح
يرتاح باله مع خليله قبل ......... ياس
يطرق بسمعه يحفظ السر ..... ما باح
صافي بوده بالوفاء يرفع ..... الراس
زود على زين الحلا ........ عنبره فاح
وأخلاق مع ملمس زهى زين الالباس
مع مبسم يشفي مغاليل ..... واجراح
ونور يشعشع يشرح النفس . وانفاس
اطمح لنوعه يا ملا بين ....... الاملاح
النادر اللي شوفته تدفع ........ الباس

القارظ العنزي

رد: ((يا من يشيل الصاح في راحة الراح))
 

أرويتنا شعرا بهذه الرائعة

صح لسانك ملايين

رد: ((يا من يشيل الصاح في راحة الراح))
 

صحة أيامك يالغالي المعتفس

رد: ((يا من يشيل الصاح في راحة الراح))
 

صح لسانكـ
ماشاء الله
قصيدة جميلة ~

رد: ((يا من يشيل الصاح في راحة الراح))
 

انت الاجمل كلمات
صحة روعاتك

رد: ((يا من يشيل الصاح في راحة الراح))
 

قصيدة رائعة ومميزة مِن شاعر مبدع ومميز
صح لسانك واعتلى شانك شاعرنا القارظ

~