|
بين الحق و العيب } ,,, ~
عندما يُسحب الحق بحجة عادات و تقاليد !! أمور من حقك ان تحضى بها لكن العادات والتقاليد ترفضها !! هنا نتكلم عن الحقوق المباحة شرعاً و لا يحرمها الدين ؛ * محاور النقاش: - كيف تقنع المجتمع ان يزيحوا العادات و التقاليد عن الحقوق المباحة ؟ - كيف تتعامل حين تريد شيء من حقك لكنه في دستور العادات والتقاليد عيب ؟ - متى يحق للشخص كسر العادات والتقاليد لكسب حقوقه ؟ - مساحة حرة لرأيك ؟ |
رد: بين الحق و العيب } ,,, ~
اولا طرح راقي اشكرك عليه
ثانيا بتكلم بشكل عام .. عن كسر بعض العادات الموجودة بالمجتمع انا من الناس اللي أحاول أقبر بعض العادات اللي ماحنا ماخذين منها لاحق ولاباطل .. ولاحظي ترا قلت أقبر يعني ذبحت وقتلت وخلصت بس باقي أقبر .. طبعا اتكلم عن نفسي في عادات كثير أكرهها بمجتمعي المحيط فيني .. على سبيل المثال التكلف في المناسبات والزواجات والعانيات والخ .. الناس قاعدة تخلط بين الإسراف والكرم وأصبح كوكتيلا ممزوجا لا يفرقون بينهما .. في عادات عند الحريم مثل اللي ماتبلس اللبس مرتين ماتبي احد يشوفه عليها مرتين !!! هذي عادة موجودة وهذا تخلف عقلي وعدم ثقة بالنفس .. طبعا حربك ضد بعض العادات راح يجعلك تسير ضد التيار وقد تصبح منبوذاً عند البعض .. لكن شخصيا أكون منبوذ ولا أتعايش مع عادات متخلفة . تحياتي |
رد: بين الحق و العيب } ,,, ~
انا اشوف ان العادات والتقاليد فيها شي كثير من الدين بغض النظر عن القليل منها الشاذ
ومافي شي اسمه حقوق مباحة لأن الاصح حقوق شخصية وحرية ذاتية للفرد ولو فكرنا شوي بهذي الحقوق اول شي يخطر على البال واللي نشوف دارج في منصات التواصل الاجتماعي هو الحب كثير يطالبون حق ممارستهم للحب وكثيير يرثونه بسبب العادات طيب و الدين ؟ مافكروا فيه طبعا زي ما كل واحد منا صلاته شي خاص بينه وبين ربه حتى تصرفاتك شي خاص بينك وبين ربك واذا ماخفت منه لاتخااااف من الناس هذا مثال بسيط على احد الحقوق الاكثر اثارة للجدل في وقتنا هذا. المجتمع محد يقدر يقنعه بشي لان لكل شخص فيه له وجهة نظر خاصة عشان كذا كلن يسوي اللي يبيه بالحدود المسموحة برأيه سواء كان دين او عادات او حتى قناعة خاصة وعشان هالسبب برضو قلت لك مستحيل نسميها حقوق مباحة. بالنسبة لي التعامل مع العيب على حسب الشي مثلا اغلب مجتمعي المحيط يرفض قيادة السيارة لكن زوجي يشوفه ضرورة نحتاجها بيوم من الايام اذا دام انا ابي الشي هذا وزوجي موافق ف طز بالمجتمع وفعلا اسوقها تحت اشرافه ههههه كسر العادات ذكرته اذا ماخفت من ربك لاتخاف من الناس واذا اقرب الناس راضين عنك لاتبحث عن رضا الاخرين لكن نصيحة لاتكسرها على معصية ولا عن شي يمس دينك . وبس والله.. |
رد: بين الحق و العيب } ,,, ~
صح نسيت اكتب مثال على بعض حقوق النسويات ههههه
والله مدري ايش جابهن ع بالي:54: هذي كسر للدين وللعادات والتقاليد مشكلتنا نشوف المجتمعات الغربية ونبي زيهم واحنا مانقدر نكون زيهم احنا يحكمنا الدين حتى لو كسر العادات وكلامي مو بس على الحب بالعكس كثير اشياء يشوفونها حقوق وهي حقوق علينا ماهي لنا مثل المحرم والولاية اللي حتى البنات الصغار صاروا يتكلمون فيها ومقتنعين فيها بأسم حقي وحريتي هذرت حيل ادري:54: بس الكلام سحب بعضه |
رد: بين الحق و العيب } ,,, ~
ماحد يقدر يقنع أحد بشي هو يشوفه صح ومتوارث العيب عندهم أكبر هاجس
لكن اللي متعلم هو اللي فعلاً نلومه على شيء هو عارف أنه خطاء دام انا على ديني الصحيح وماسويت شيء خارج هذا النطاق الباقي مو مهم |
رد: بين الحق و العيب } ,,, ~
حياكِ الله كلمات
جل عاداتنا لاتخرج من مظلة الدين ولله الحمد خاصة في وقتنا الراهن نعم كان هناك عادات سيئة بفضل الله شبه أنعدمت إن لم تنعدم حقاً كالعضل (حجر البنت) لأبن العم أو تزويجها دون رضاها وقناعتها اما الملاحظ حالياً صوتها مسموع اما العانيات في الزواج فهذه عادة طيبة نشدد على ان تستمر ففيها شعاع تكافل اوترابط كذلك مايعرف في عرف القبائل (بالفرقة) حين يحدث عارض لشخص منهم كحادث نتج عنه وفيات أو اصابات مما يلزم شرعاً بدفع الديات واعود لسوألك مايقره الدين ولاتقره العادات يضرب به عرض الحائط ولا يلتفت له مع ان الدين اقر الجل او الكثير من العادات بوركتِ |
| الساعة الآن 01:32 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~