مجتمع غلاك - يا دار :

مجتمع غلاك (https://g-lk.com/vb/index.php)

- الشعر الفصيح والنبطي " يمنع المنقول" (https://g-lk.com/vb/forumdisplay.php?f=60)

- - يا دار : (https://g-lk.com/vb/showthread.php?t=12406)

يا دار وين اللي بالأرواح نفديه
أبو ثمانٍ قل بالبيض حلياه

يا دار خشف الريم وينه غدا فيه
قولي لصبٍّ جا من البعد ينصاه

قالت وكن القلب برماح ترميه
خلك رحل يم البصر يم مرباه

رديت والمربى ذواريه تذريه
قلبي عقب عذب النبا مل دنياه

يا ليت عزرائيل جتني مراميه
واللحد ضم الجسم من قبل فرقاه

أقفى فؤادي والمحاديب تتليه
يوم الظعن قدام عيني تمطَّاه

راح الغضي والقلب بالترب ناسيه
هاتوا فتاين واحيوا اللي تمناه

وإن جا وليفي عقب طولة مساريه
والشيب من عقب النضارة تعلاه

قولي أبو بسام لا عاد ترجيه
مرباك ضم اليوم ناحل حناياه

حدر جدار الطين قبره تلاقيه
عند أثلة اللقيا لمن كان يهواه

أول رضيعٍ كلّ عينٍ تراعيه
واليوم حدر الترب والكل خلاه

غدا وحيدٍ دون خلٍّ يواسيه
غير الكفن وأعماله اللي بدنياه

رد: يا دار :

ياهلا بشاعرنا الجديد
وماشاءالله على هكذا إبداع
تصوير ،جزالة، قوة معنى ،قافية جميلة

تشرفنا بوجود شاعر بحجمك بيننا وصح لسانك لين ترضى

دمت كما تحب

رد: يا دار :

أهلًا بالشاعر العذب المعتفس : مرورٌ أعذبَ من أنفاس الصَّبا إذا داعبتْ رياض الرُّبا .

رد: يا دار :

صح السانك شاعرنا ،
ماشاء الله قصيده جداً جميله ،
سلمت حروفك ،

رد: يا دار :

الهيمانة : ممتنٌّ لعذب مروركِ .

رد: يا دار :

ماشاء الله تبارك الله ...
أبدعت ..
وصح لسانك ..وعلا شآنك ..
شعر جزل ورائع ..
أهلا بك أولا وأهلا بحروفك ...
تحيتي واحترامي ..