مجتمع غلاك - ( الحلى الأجرامي ) ~••وصفة حلى طبقات بالشوكولاتة

صباح السعادة لي ولكم :11:

الله يحفظ أوزاننا
فيه ناس متحلفين فيني أذا زاد وزنهم عن 3 كيلو بيلعنون جدفي :d:11:

وشكلي بعتزل فقرة الحلى لبرهه من الزمن :d
عاد تدرون وين المشكله
اذا جت فقرة القهوه والحلى بعد الفطور
لفوا علي وقالوا مَ فيه حلى اليوم
اذا فيه هددوا وتنعموا باللذاذه
واذا مَ فيه قعدوا يتحلطمون :d💔💔

شسوي بعمري طيب
جاني أنفصام
أسوي أو لا :d
ف الحالتين مَ راح أسلم من نفحات الشرشحه :54:

الموهم الحلى هذا سويته أمس واليوم لا
وشرشحوني
بغوا يتقهوون علي :d

هو بدون أسم
بس سميته الحلى الاجرامي :d:11:

المقادير :
خليط كيك بيتي كويكر شكولاته أو اي شركة حابتها
نص كوب حليب بارد

الصوص الأبيض :
علبة حليب مكثف
6 جبن كيري
نص علبه وسط قشطة قيمر

صوص الشكولاته :
اللي تحبون
تبون نوتيلا مع قشطه
او جالكسي مع قشطه
او كريمة تزيين جاهزه
مع كريمة خفق وبودرة شكولاته

أنا سويت 2من الحلى عشان عند انشقاق عائلي ناس من فئة النوتيلا وناس لا:d

الاول 7 جالكسي ساده مع قشطه
الثاني 4 ملاعق نوتيلا مع قشطه

وع الميكرويف مع التحريك الدائم عشان مَ يحترق

الطريقه:

الكيك سووه بماعون عميق شوي لانكم بتحطون الطبقات الباقيه بنفس الماعون
المهم سوو الخليط نفس مو مكتوب وضيفوا ملعقه صغيره شكولاته بودره

واذا سويتوا الكيك
اتركوه لحد مَ يبرد بعدين بالشوكه اطعنوها بكل مكان بخفيف
وبعدين شربوها بالحليب
وبعدين الصوص الابيض فوقها وبعدين صوص الشكولاته فوقها
وزينوها زي مَ تحبون
انا زينتها ب الويفر من الاطراف والفراوله والتوت :):11:

صح نسيت اذا حابين تحطون بين الكيك والصوص الابيض
مكسرات او فواكه
ع مشتهاكم
انا حطيت شرائح لوز وفستق :d:11: ( عائله فستقيه ) :54::11:

https://k.top4top.io/p_1936xa05j0.jpeg

وهني وعآفيه :11:

تعبت وأنا أشحذكم مددح :d:11: