|
طفلي طلع لي الايرباق حق السيارة كيف اسوي ياشباب؟
صباح الخير
طفلي صغير وتركته في السيارة ونزلت محل كبير ابي اغراض ولدي حط السارة في الدي وصدمت بسياج حديد امام محل كبير هذي الاعمده القصيره اللي امام المحلات ابي نصايح عن السيارة مابي نصايح ليش تركتي طفلك بالسيارة وتلموني اهم شي طفلي بخير الحمدلله بس السيارة تعفطت الرفارف اللي قدام والصدام انعفط كمان وطلع الايرباق كلو من السياره حق السواق انا خوفت وماركبتها ناديت السطحه واخذوها الحوش ماعرف شنو اسوي الان هل ارسلها الوكالة ؟ عشان اصلحها هناك وهي مو موجوده وكالتها بمنطقتي يعني لازم ارسلها بس كذا بتتاخر وبتاخذ وقت او اوديها ورشة بنفس منطقتي ؟ تخدشت مره من قدام وتعفست لازم رش لها وماعرف هل الايرباق يتصلح واجيب جديد ولايركبون نفس الاول محتاره شنو اسوي ماعندي فكره ولا عندي خلفيه عن الموضوع ابداً ابداً وصار فتحه كبير فوق الدركسون ماعرف فهمتوني الان يعني انفصل ذا اللي فوق الدركسون وضعي الان مع السيارة زي وضع الرجال لمن يسالوكم عن ادوات التجميل ." وشاكره لكم مقدماً وانتظر رأيكم ياشباب واللي بنت وعندها خلفية كمان تساعدني الف شكر لكل من اقتص من وقته عشان يجاوبني. |
رد: طفلي طلع لي الايرباق حق السيارة كيف اسوي ياشباب؟
وعليكم السلام وحمدلله على السلامه
الارباق مو سهل تصليحه وقيمته غاليه جدا اذا السيارة عليها تأمين شامل دقي على نجم وتواصلي مع شركة التأمين لارسالها للوكالة لتصليحه على حساب التأمين واذا مو مأمنه تأمين شامل الله يعينك تصلحينها بالوكالة على حسابك لكن الموضوع مكلف واذا تبين تسوينها بأقل التكاليف اقرب محل زين يقص الارباق ويخيط الديكور وينجد عليه وانتهينا بس السيارة تصبح صفر امان واحتمال ما تمشي بالفحص بعد كذا وصعب تجديدها وصعب امور كثيره هذا حل مؤقت لكن اللي يبي يحل الموضوع انك تسوين الارباق سوا بورشه او وكالة وهذا الافضل فيه ورش معتمده من الوكاله سوي عندهم ان شاء الله افدتك وكان كلامي واضح معوضه خير وقدامكم السلامه تحياتي .. |
رد: طفلي طلع لي الايرباق حق السيارة كيف اسوي ياشباب؟
عليكم السلام اذا مامنه شامل ترجعيهآ مكان الحآدث وتتصلي بنجم تبع الحوادث يسوي لك تقرير ان الخطاء عليك وعندك رخصه ساريه بتحملها التأمين واذا موديل جديد العمل بيكون في الوكاله وغير كذا نظاماً مآفيش . واذا مفيش تامين تتصلي بالمرور ويحل لك المشكله وتتحملي التلف اللي بالحواجز ويعطيك ورقه للورشه للأصلآح ومشي حالك والله يعوضك |
رد: طفلي طلع لي الايرباق حق السيارة كيف اسوي ياشباب؟
اخذت ورقه من نجم وقت الحادث وعليها تامين ورخصتي ساريه وكمان السيارة جديدة
|
رد: طفلي طلع لي الايرباق حق السيارة كيف اسوي ياشباب؟
الف شكر لكم
تصبحون على خير |
رد: طفلي طلع لي الايرباق حق السيارة كيف اسوي ياشباب؟
باقي خطوه وحده
تراجعوا شركة التامين او تتصلوا فيهم ويحولكم الوكاله بخطاب بالتوفيق |
| الساعة الآن 05:20 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~