مجتمع غلاك - جهل أو عدم مبالاة ؟!

مجتمع غلاك (https://g-lk.com/vb/index.php)

- قسم النقاش " يمنع المنقول" (https://g-lk.com/vb/forumdisplay.php?f=44)

- - جهل أو عدم مبالاة ؟! (https://g-lk.com/vb/showthread.php?t=13025)

جهل أو عدم مبالاة ؟!

صباح الخير

فيه تساؤلات ببالي وحابه أسمع مختلف الاراء وخصوصاً الامهات والاباء

اللي زرع هـ التساؤلات لموو وميلاف ( حفيداتنا)
كانوا يسولفون علي ببراءة الاطفال وموضوع يجر موضوع الى
مَ جاء طاري الاطفال مَ الاطفال
فقعدت أسولف معاهم أنا بجيب بيبي مَ عنده أهل وبنحبه ونخليه كبير ويكون
أخوكم كلكم ومن هـ الكلام
أنا وحده عندي رغبه من دخلت الثانوي أبي أتبني طفل وبأذن الله راح أحققها
وطبعاً العائله كلها تعرف أمنيتي ذي .

ف عشان كذا سولفتها معهم من الاساس
لأنهم عارفين

المهم أنبسطوا والوضع تمام
أمس الفجر لمو جايه تقول رغوده بتجيبين بيبي مَ عنده اهل ونصير اهله
قلت اي
قالت تكفين جيبي واحد يشبهنا عشان البزران مَ يتطنزون علينا وعليه
أخذته بأسلوب أنه ان شاء الله ابشري
بأخذك معاي تشوفينه قبل

قبل شوي جايه تقول رغوده اذا جبتيه البزران راح يدرون انه مو ولدنا وانك جايبته من مكان حق اللي
مَ عندهم اهل
قلت اي عادي واذا دروا مَ علينا منهم
قالت لا تكفين ( شوي وتبكي ) اذا بيدرون لا
بعدين يقعدون يتطنزون عليه وعلينا

هنا زي اللي ضرب شئ برأسي
كيف طفله عمرها سبع سنين تعرف تميز هـ الفروقات
وشايله هم
ولها يوم تفكر بالامر وتطحن بداخلها

من وصلها للمرحله ذي ؟
من علمها فكرة النبذ ؟
من تركها تشيل هم الاخرين ؟
من علمها اللي مو زيك يعني كخه يعني مَ يسوى ؟

لو مو متأكده من أخوي وزوجته والله أقول تربيه مسيئه لها نفسياً وفكرياً
تلوث عقلي وترسبات لاتُمحى ولاتقل بل تزيد مع زيادة السنين

والله العظيم اني مَ عرفت التمييز بين المذاهب الا بالجامعة
وكنت أتجنب وأشمئز من اللي أشوفها تفرق بين فلانه وعلانه ع احساس مذهبها ولونها

عندنا جيران من جميع المذاهب والالوان والديانات
هنا فِ الرياض والله لنا جبره معاهم أكثر من 20 سنه
صاروا جدات وهم يتواصلون مع بعض
والبعض منهم متبني اطفال الان بعمري ومتواصلين معاهم
ومن كنا صغار نشوف اشكالهم تختلف وفهمتنا أمي الموضوع
وعادي الوضع عندنا
بالعكس كنا نبكي نبيها تتبني :11:

ولنا أصحاب فِ دوله عربيه من الديانه المسيحيه عارفين كم لنا ع معرفه معاهم من يوم عمري سنه
يعني 23 سنه
اذا جينا لدولتهم يفضون لنا بيتهم ويشيلون كل شئ يمس ديننا أو لايجوز نصلي وهو موجود
ويجهزون السجادات

والله العظيم اني مَ كنت أقارن أو أفكر أو أتعصب أو أو

وكنا نموت فيهم ولازلنا
كل مَ جينا نرجع الرياض هم يبكون وحنا نبكي 💔

والله عشنا طفوله سليمة سوية متزنة
طفولة بمعنى الكلمة
والله مَ أدعي المثاليه وأني كامله وملاك طاهر
لا لا أكيد فيني خلل فِ موقع ما
أكيد فيه أفكار مغلوطه
بس ع الاقل الى الان احس براحه داخلياً وسلام داخلي ومتصالحه مع العالم الخارجي كله
واحس بالامتنان لامي وابوي والله

ولكن الان الاطفال اللي يفرقون ويتعصبون ولايفوتهم اي امر
بالله اذا وصل سن الرشد
كيف بتكون عقليته !
كيف بيربي جيل جديد واعي وراكز !

اصلاً من الاساس ليش تقتلون الطفوله والفطرة السويه
الطفولة يعني براءة يعني نقاء يعني لون أبيض گالقطن

ليش تطمسونها وتخلونهم أطفال بفكر بالغ متحيز

ترى ع فكرة الطفل يخزن ويحتفظ عقله اللاواعي بمايسمع
ويطبق ويلفظ من دون ادراك .

الكلام قدامهم وخصوصاً الكلام بالالقاب والالفاظ العنصريه واللي كلها سخريه وتقليل شأن

وغير كذا الام او الاب اللي يتكلم عند اي احد ع طفله
شعره كانه
خشمه كانه
لا مَ كانه ولدن لنا
اي عشانه أفتح منا
أو عشان أسمر منا
ووووووو ……

ليش تسمحون ان احد يصنف عيالكم وفق عقليته الغبيه والنتنه
لو سمع الكلام الطفل ترسخ بباله وترسخ بباله الصوره المشينه للوصف المنسوب
ولو سمع طفل اخر بعد نفس الشئ

يعني فعلاً تساؤلات محيره ؟!
كيف وليش وعشان ايش تعلمونهم هـ الاشياء او تسمحون لشخص يزرعها فيهم ؟

أنيروني بوجهات نظركم وإجاباتكم :155:

رد: جهل أو عدم مبالاة ؟!

أهنيك على طرحك وماعرفتك صراحة
اختلفت كليا عن خفايا فقسم الألعاب
واتضح جانب من خفايا كله اتزان وحكمة

وياخفايا مقاطع اليوتيوب الطفولية ..إذا بزرانكم يتابعوها فلاتستغربين ولاتتعجبين

وربي شفا الاماراتية ولمار اللي مع ابوها
عندنا اطفال ماتعلموا الكلام الا عن طريقهم وحتى بعض الحركات
رغم انهم يقولون الجوال يأخر الكلام بس عيالنا جن يشذون عن هالقاعدة خخخخخ
ويازين شفا ولمار ..والله ان عيالنا استفادوا منهم رغم انهم فتحوا عقولهم على اشياء بغير قصد منهن نفس افلام الكرتون ..عدنان ولينا كان يوحي لنا ان عدنان يحب لينا يعني مفتح عيونا على الحب من واحنا صغار..برضو جورجي وغيرها كثير وتوم البس يوم يخق مع بسه بيضا وجيري يوم ياخذ الشفة من بسه حلوة
ابك انا وين رحت جودوني يارياجيل احس شطحت عن الموضوع هع

والله ياخفايا لاتبالغين الطفولة مايقتلها شي بس لانهم منفتحين على جيل
غير انفتاح جيلك انصدمتي والا هو شي عادي
وبس

:10ل0:

رد: جهل أو عدم مبالاة ؟!

ومن قالك هذاصح ؟!
مقاطع اليوتيوب اعذرني بس هذا يرجع للأهل
مفروض الرقابه الرقابه
وهاذي اشياء تتحكم فيها انت
الحريص حريص
والمهمل مهمل

وقبل مَ نشوف شئ الا برقابه
استحاله نتفرج ع شئ
بدون مَ يدرون أهالينا ع شنو نتفرج
وشفا ابداً مَ وراها فايده
ولايُستفاد منها نهائياً

بس هاذي الافكار المسممه والفروقات الشنيعه اللي بتلازمه الى
مَ يكبر
وراح يربي اطفاله ع كذا
اذا الاهل حاولوا يجنبونه هـ الاشياء
طفل فلان وعلان مَ راح يقصرون لانهم مَ شاء الله يعددون الفروقات العشر

لا والله مَ أبالغ يَ المعتفس
وفيه قتل للبراءة بالمصطلحات والافكار والاوصاف

رد: جهل أو عدم مبالاة ؟!

<المشكلة حتى هو يتابع شفا:e268aa680f:

اذا مايتابعون مقاطع اطفال وش يتابعون؟
وانا ماقول لك يعني يتابعون برامج وفيدوهات اطفال بدون رقابة
اللي مايراقب أطفاله مافيه خير لهم
لكن برضو التشدد والحرص الزائد مافيه خير

اقدر أخلي أطفالي ينفتحون على العالم انفتاح معقول ومهذب
ومع انفتاحهم أدرسهم فتحفيظ قرآن وأعزز ماكتسبوه منها بأسلوبي وعلمي
وبكذا لا حرمتهم من الدنيا ولا الهيتهم عن الآخرة

لايكاد جيل ياخفايا يخلو من الوساخة اللي تحاول تجذب الأطفال حتى جيلنا
لكن المتربي صح مايأثر فيه ولاينجرف لها

دمتي(:

رد: جهل أو عدم مبالاة ؟!

فعلاً

لا فيه مقاطع اطفال جد تربي وتزرع قيم
مَ قلت كلهم سيئين
بس شفا سيئه الى ابعد حد
اجل م فيك طب مدامك تتابعها :d

ومَ قلت عيشهم ببوتقه وأعزلهم عن العالم الخارجي
لا ابداً
بالعكس الفعل هذا ضرره أكثر من فائدته

لكن فيه أهالي يعلمون أطفالهم ع هـ الفكر والمصطلحات
أو يسمح بأن أحد يلقنه ويعلمه لاطفاله او يمارس ع اطفاله
هنا التساؤل
وتساؤل عميق ؟!