مجتمع غلاك

مجتمع غلاك (https://g-lk.com/vb/index.php)
-   القسم العام (https://g-lk.com/vb/forumdisplay.php?f=7)
-   -   كبرنا......😢😢 (https://g-lk.com/vb/showthread.php?t=5066)

عاشق البداوه 09-07-2020 10:05 AM

كبرنا......😢😢
 
كبرنا لدرجة صرنا نلبس نفس الملابس يومين وثلات ورا بعض..... وعادي

كبرنا حتى صرنا نخاف على أهلنا بدل ما نخاف منهم .. بطلنا نجادل حدا لما نعرف إنه احنا الصح .. صرنا نترك الأيام تثبت صحة وجهة نظرنا ..
كبرنا لدرجة بطلنا نحكي لحدا شو صار وبصير معنا ، ولا شو وجعنا.....

صرنا نفرح عالسكت ، ونزعل عالسكت
صار عادي شو ما كان نوع تلفوني..
وشو ما كانت ماركة ملابسي.....
ووين ما كنت ساكن.....

بطلت النكت العاديه تضحكنا، لأن إحنا صرنا مو أي شي بضحكنا....
بس ذكريات الدراسه المضحكة مع صحابنا أيام زمان هي الي بنتذكرها وبنضحك عليها عالسكت.

وما عاد يأثر فينا الحكي الحلو، صار بدنا أفعال من القلب

بطلنا نتخوث على العالم زي زمان................. صرنا نحكي (الله يعين العالم )

كبرنا وصرنا نعطي صدقة للفقير بدون ما نحكيله ادعيلنا

كبرنا وعرفنا إنه المظاهر خداعة...يا لطيف شو خداعه
كبرنا وصار عادي اقول لأصحابي... ما بقدر اطلع معكم اليوم لانه ما معي مصاري، بطلت تفرق معنا
وعرفنا كمان إنه فعلا مو كل الي يلمع ذهب .. وإنه حبل الكذب قصير .. وتعرفنا على اللي بيضحك علينا........... وتركناه مصدق حاله...
حتى المعجزات بطلنا نستناها

وتعلمنا إنه ما نستنى شي من حدا .. وسلمنا أمرنا لله....
صرنا ندعي انه الله يسترها معانا ويحسن خاتمتنا
كبرنا وبطلنا نخاف من حكي الناس، لأنه ما عاد يمهنا حكيهم
كبرنا وبطلت تفرق معنا اشتغلنا والا ما اشتغلنا، لأنه عارفين مافي مستقبل ينتظرنا

رآنيا 09-07-2020 10:55 AM

رد: كبرنا......😢😢
 
كبرنا وبطلت تفرق معنا اشتغلنا والا ما اشتغلنا، لأنه عارفين مافي مستقبل ينتظرنا


اخالفك الرأي في هذه النقطة

الله يقويك ويعطيك العافية اخوي

~

عاشق البداوه 09-07-2020 11:08 AM

رد: كبرنا......😢😢
 
اقتباس:

المشاركة الأصلية كتبت بواسطة رآنيا (المشاركة 91405)
كبرنا وبطلت تفرق معنا اشتغلنا والا ما اشتغلنا، لأنه عارفين مافي مستقبل ينتظرنا


اخالفك الرأي في هذه النقطة

الله يقويك ويعطيك العافية اخوي

~

الاختلاف في الرأي لا يفسد للود قضيه
لكن بحب اوضحلك نقطه هنا في بلادي فأنت لا تعرفين عنها
هنا سنويا يتخرج من الجامعات مئات الألوف من أطباء ومهندسين ومحاسبين وممرضين و و و
و95%منهم بلا عمل ولا مستقبل ينتظرهم
العام القادم يتخرج نفس العدد، وهكذا يتراكم العاطلين عن العمل
من يملك واسطه يتعين فورا
هذا العام وبعد صدور نتائج الثانويه العامه، ٧٨ طالب حصلوا على علامه كامله 100%
٢٥٠ شخص حصلوا على 99,9%
يعني ابو ال 98,5% ما بطلعلوا مقعد طب
بتصدقي صرت لما اشوف أهل طالب فرحين لنجاح ابنهم بالثانويه أحزن عليهم داخليا
لأنه سيتخرج من الجامعه وما رح يلاقي شغل ابدا
معك واسطه ابشر بالتعيين
ما معك، الله معك، يعني اقلب وجهك واستنى عشرات السنين حتى يضيع مستقبلك وشبابك
الوضع مأساوي رانيا بشكل كبير
حسبي الله ونعم الوكيل
الله يقوي عزايمك ودينك اختي الفاضله
اشكر مرورك العطر

رآنيا 09-07-2020 11:13 AM

رد: كبرنا......😢😢
 
لا حول ولا قوة الا بالله
احنا نتكلم بالظاهر دائمًا
واللي مو عايش معكم مايعرف الشي اللي تمرو فيه
لكن الله يصلح الحال ويبدله للأفضل يارب

~

عاشق البداوه 09-07-2020 11:20 AM

رد: كبرنا......😢😢
 
اقتباس:

المشاركة الأصلية كتبت بواسطة رآنيا (المشاركة 91418)
لا حول ولا قوة الا بالله
احنا نتكلم بالظاهر دائمًا
واللي مو عايش معكم مايعرف الشي اللي تمرو فيه
لكن الله يصلح الحال ويبدله للأفضل يارب

~

ما عليكي من ظواهر الأمور
المخفي أعظم
اجت كورونا وكملت على باقي مصالح الخلق
الكثير فقد وظيفته وانا كنت واحد منهم.
ولكن الله رزقني مجددا بعمل أفضل من السابق
لأنني أملك سنوات خبره جيده في مجال عملي
الله يبدل حال أمتنا جميعا للأفضل
اشكر اهتمامك اختي رانيا بالموضوع
بتصدقي في ناس عايشه من قلة الموت وأصبحت تتمناه ليلا ونهارا

ملآئكيه 09-08-2020 08:07 AM

رد: كبرنا......😢😢
 
-



سلمتِ على هكذا إنفراد وَ تميُز ..
دام حضورك وَ عطائِك اللا محدود :24g1::ff1 (38):


الساعة الآن 07:22 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~

This Forum used Arshfny Mod by islam servant