ضمني ما دام جيتك خلني بقلبك أنام
-
لآ تعاتبني ترى ما جيت أسمع هالملام.. جيت أصحى شمسي اللي وسط قلبك غافيه جيت لك والبرد كم تراجف له عظام.. جيت لك وأدري يدينك مثل ماهي دافيه يا مواني فرحتي يا أول واخر غرام.. كل أنوإر الاماني في غيابك طافيه وكل أحلام الثواني شوفتك قبل الهيام.. يعلن اللي لك بقلبي من أمور خافيه طفلتك بعدك وحيده ضايعه وسط الزحام.. خايفه تسأل ولا تلقى أجابه شافيه تجلس بذاك المكان اللي حضنا قبل عام.. وطيفك اللي ما ترك أحلامها المتجافيه مرت الذكرى وخلت قلبها يصبح حطام.. والمواجع مرته مثل الرياح السافيه أنتثر دمع الزوايا يوم نادت للغمام.. ليه يهجرني وأنا اللي من عرفته وافيه ليه يسمح للعواذل يفرحون بهاللخصام.. ليه عكر كل حاجه كانت أول صافيه وبعد مازاد العنا والبرد وازداد الظلام.. جت تهمس غيبتك واللي خلقني كافيه ما تشوف إن غيبتك ماخلت بعيني كلام.. ماتشوف إن السهر ماخلى فيني عافيه ضمني ما دام جيتك خلني بقلبك أنام.. ولي سألتك الشمس عني قل تراها غافيه |
رد: ضمني ما دام جيتك خلني بقلبك أنام
مشكوره ع النقل الحلو
ربي يسعدك |
رد: ضمني ما دام جيتك خلني بقلبك أنام
الله يقويك ويعطيك العافية يالغلا
~ |
رد: ضمني ما دام جيتك خلني بقلبك أنام
جدآ رآئعه ..
سلمتي على هيك آختيآر .. وصح لسآن قآيلهآ .. - |
رد: ضمني ما دام جيتك خلني بقلبك أنام
شكرا لتواجدكم
|
رد: ضمني ما دام جيتك خلني بقلبك أنام
يسلم ذوقك عبير
|
الساعة الآن 09:19 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~