|
فرقة حسب الله الوردية ~
السلام عليكم ي الربع والربايع
الله يسلمك يحكى ف الزمنات كان فيه 5شباب يمشي ع زندهم الجاموس ال 5 (عبدالعزيز ومحمد ومشاري وعبيد ونشمي) https://g.top4top.io/p_2550mk2xg0.jpeg @This Aziz يقال ان كبيرهم أعقلهم والعهده ع الرواي وعزالله انه م صدق :d المهم كبيرهم (عبدالعزيز بن عجِيب )يحب الاكل والدب بالخمس واذا عزمته احسب له ذبيحه لحاله لان م راح يسلم منه لاشحم ولا لحم وغير كذا فيلسوف لكن من جنبها يجيبها شاميه عاميه وفلسفته تصك الرأس يعني سلك له وانت ماشي لا يجلس عليك وتفطس وسر كثافة شعره ياخذ سمن غنم كل ليله ويتلطخ به واما نعومته ف مسوي بروتين درجه ثانيه المهم عبارته الشهيره اذا سمعتوه طبوا وهجوا " بنظره أطيح عشرة " https://h.top4top.io/p_2550fip9h1.jpeg @مختلف..! نجي للي اقل منه عمراً (مشاري بن عتريس ) هذا رومانسي بشكل الله لايورينا رومانسيته من زود الرومانسيه ياكل الورده ويقدم الغصن لك واذا سالته قال عشان نص الورده معك ونصها ببطني وتذكرني واذكرك رومانسيه معفنه لكن الشكوى لله :54: طبعاً يحب يتشقلب ف الروضات والبراري وف كل بقعه تلقي حفر محفوره لاتظن انها للبحث عن النفط لا هاذي كرشته لازم يحفر له ويريحها مقولته الشهيره " فيه مجال ي غزآل " ف اذا شفتوه قفلوا البيبان من دونه وصيروا ثعاله وابتعدوا عن الغزلان واطلقوا سيقانكم للريح . https://i.top4top.io/p_2550adoyj2.jpeg @طُليْطل اللي بعدو (عبيد بن مصلح ) هذا عاد حكايته حكايه هذا تبيه يجيك من اقصاه شغل له عتاب وهي تدق رقبه :d وتراه ياكل الخضر واليابس لو تهديه ورد أكله كله بس حاله مسموم م يبان فيه ابد الاكل يفقد فائدته اذا دخل جسمه وغير كذا تراه يسمع ف الرومانسيه ولاهو بعارفها ويعنني مع الخيل شقرا وصورته تدل على ان الرومانسيه مار جنبها ولا وصلها وهو لو تسأله عنها طرى عليه مظبي الرومانسية ومقولته الشهيره " ي بقلاوة " وهو م يعرف الا الصنف اللي محد يأكله ف البقلاوة الشعيريه اللي تكسر الضروس لذلك اذا سمعتوها قرطوا بثيابكم وعباياتكن وهجوا وصيروا حليب الموز والقرع عشان يفحط جنبكم ويروح . https://j.top4top.io/p_2550lkk0l3.jpeg @cLaudio نجي لِ الچعده يقولون ختامها مسك ولكن هنا ختامها تسذب (محمد بن طاحوس ) هذا اللي يروح النادي وبدال م يعضل يحت شعره من البروتين اللي يجغجغه ويقال انه نقزت عضله بوسط كرشه ف نبارك له وعقبال م تحس ع دمها البقيه ونشوفك بعد 25سنه معضل هذا يُقال أنه يحب يسمع الشيلات بكل أنواعها ومن محبي حبيبي شرب شاهي بنعناع ولكن لانه مره شرب شاهي بحبق طنقر بن طاحوس وأصيب بصدمه وزاد حت شعره واذونه طارت وشلعت من قوتها حساس لدرجه لو يسمع صراخ قعد يجاغر مو متعود ع العصبيه وأيضاً ع حسب م قيل أنه يحب يدوج ف الخلا الخالي اذا قعد يجاغر وم يرجعه الا عبدالعزيز لانه الوحيد المتعافي ويقدر يشقله من رجوله ومقولته الشهيرة " بيالة شاهي ع الماشي " ويغمز بعيونه الثنتين الله يخارجنا منه ومن غمزاته فاذا شفتوه ادفنوا اعماركم واختنقوا نصيحة من محبة :d https://f.top4top.io/p_2550y6dg30.jpeg @محال نجي ل (نشمي بن صنهوت )هذا ولدعم محمد بن طاحوس واكبر من عبدالعزيز بقرن كامل هذا اللي يمشي ويعترض ويناقش ويحرض وهو م عنده م عند جدتي أصلع ونظره -5 اذا جاء يكلمك يطالع جنبك كرشته مترين قدام ونازله لركبه من كثر النعمه تلقاه ليل نهار يعلچ وهو عبدالعزيز ف الليل يسرون زط زط زط هذا اذا جاع هج عادي يمصع رقبتك ويتعرمشها :d ومن النوع اللي يتروش ف العطر اذا مر جنبك جتك ازمة ربو مشكلجي درجة اولى ويعنني سي السيد بس هوش له يروح يخم محمد ويتباتسون ولاتسمع الا جغيرهم يصدح اي صح لسانه طويل ع كثر م ينقص ينبت مره ثانيه لا اله الا الله الظاهر جته مناعه م عاد يتأثر من كثر القص ومقولته الشهيره : " خيال م يهاب " اذا سمعتوه اندسوا باقرب شئ لانه خيال مَ يراك ممكن يتوطى ببطنك وهو ف طريقه لاصطياد فريسته ع باله طعس زغيرون :d واذا شافك م يهدك هو م يقدر يصيدك لانه م يشوفك يعني بيخليك لا مقيد ولا مفكوك وزبدة الامر اذا شفتوا الورديين جوو يمكم ناموا ادفنوا أعماركم صيروا مجانين اللي تبون بس النحشه النحشه :d :283: |
رد: فرقة حسب الله الوردية ~
:21::21:
اضحك على مين واخلي مين بس :d كل واحد فيهم حاله خاصة وربك بدعتِ يارغد كيف حالكم وكيف الاجواء عندك :d ماعليكم بتتخطون ان شاء الله :21: تستاهلين الختم .. 300 نقطة |
رد: فرقة حسب الله الوردية ~
ههههههههههههههه فصلتهم تفصيل آلأسمآء ههههههههههههههههههههههه يآخي خفآيآ ضحكتني :103::103: |
رد: فرقة حسب الله الوردية ~
:54: :54: :54:
ايش المواهب المدفونه ذي رغيد :54: والله طلعتي اديبه وقاصه فريده وبتحكي شروي غروي يابنت :d الصراحه الابطال والاسماء انتقاء فاخر وراح ينطلقوا في سماء الشهره من تحت ايدك اديبتنا يابختهم :ff1 (205): |
رد: فرقة حسب الله الوردية ~
اقتباس:
اتمنى من كل قلبي يتخطون اقتباس:
جعل عدوك لِ الغم اقتباس:
محد معطيني حقي كله يهاوشوني يهاوشوني م تركوني افجر مواهبي ف جيتهم من آقصاي :54: ي الله سماء النجوميه تناديهم يستاهلون ابطالنا الكويسين :d :283: :283: |
رد: فرقة حسب الله الوردية ~
اقتباس:
والله انا اللي لاني مقيد ولامفكوك ماعرفت هالموضوع مفاجأه ولافاجعه ههههههه اضحك ولا اعصب اقول الله يسعدك ولا مالت عليك اشكرك على الموضوع ولا اتوطى ف بطنك علميني وش اسوي <= محتار ينصفها او يقصفها ههههههه اول شي كاتبه شلة حسب الله الورديه انا لوني مو وردي ولا مقهوره انك مو قادره ع اللون :256: ثاني شي انتي متابعه ابوعجيب واخوه <= اصلع ونظره -5 و يطالع ع جنبك هههههههههه ثالث شي التنمر ليش وش مسويه لك كرشتي يالمروحه بعدين الكذب ليش انا ماعندي عطر اساساً وليتني اتروش بالماء ههههه عاد الباقي واضح انك خراطه ماعدا خيال مايهاب هذي حقيقه وهالحقيقه هي اللي بتشفع لك لأني استخرت ومابلغت عليك كلنا أمن <= لو بلغت بياخذون رانيا وتنفذين بجلدك هههههههههههه وبالنسبه لشلة حسب الله الورديه <= طلع نفسه مااقول الا الله لايحطني مكانكم وكثفو الدعاء والله والعالم ان الجاي ادهى وأمر عليكم وبالنسبه للأخ نايف <== حتى ردود الاعضاء مركز فيها ههههه ابشرك بتظهر موهبتها ف القصص ع حسابك المره الجايه تعبت وانا اكتب وأخر شي احب اقوله : الله يسعدك خفايا الروح امتعتينا وانبسطنا جداً والله يديم روحك المرحه واستمري ع طول كذا وسوي استثناء خاص لخيال الأطراف هههههههههههه والف شكر والله ضحكت هالصباح وروقت ومن زود الروقان ماداومت وبس والله <== انت خليت شي ماقلته ههههههههه تحياتي للجميع اخوكم : بن صنهوت <= والله ماعرف احد بهالاسم هههههه |
| الساعة الآن 11:25 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~