مجتمع غلاك - خلية النحل بحشوة الجبن

مجتمع غلاك (https://g-lk.com/vb/index.php)

- مطبخي " يمنع المنقول" (https://g-lk.com/vb/forumdisplay.php?f=61)

- - خلية النحل بحشوة الجبن (https://g-lk.com/vb/showthread.php?t=23809)

خلية النحل بحشوة الجبن

مساكم نحل ي احلى اعضاء
قصدي عسل
هلاء خلصت من عمل صينية خلية النحل
وقلت لازم احكيلكم الطريقه
مع اني بعرف انكم كسالى وما بتجربوا اشي
بس بتتفرجوا
https://l.top4top.io/p_2929ftf3q0.jpg]

المكونات
كاستين ونص طحين
ربع كاس زيت
كاس ماء
3ملعقه كبيره حليب بودره
1 م كبيره خميره
اعجني ع ايدك او ع العجانه
لحد ما تصبح عندك عجينه متماسكه
خمريها من نص ساعه ل ساعه حسب الجو

جهزي الحشو
انا شخصيا بحب حشوة الجبنه المالحه
لكن بنقعها لحد ما يخف ملحها وتصير وسط مش مالحه ومش حلوه
بصفيها من المي منيح
وبهرسها بالشوكه

بس تخمر العجينه بقطعها كرات صغيره
وبحط بكل قطعه شوية جبنه وبسكرها
وبرتبها بصينية مدهونه بالزيت
بدهن وجهها بالفرشاية بشوية حليب ورشة سمسم مش محمص
وبتركها شوي ترتاح قبل الخبز
عشان احصل ع الشكل اللي بدي اياه
وهو انه القطع تتلاصق ببعضها بعد الخبز وتصير متل خلية النحل
بخبزها بالفرن من تحت لحد م تتحمر
بعدين بشغل الفرن من فوق لتاخد لون اشقر حلو

بكون جهزت القطر وتركته يبرد
وبصبه عليها لحد ما تتشرب منيح
وبسس