نص جميل وقعت عيني عليه
وانا اتصفح حساب المتألق عبدالعزيز المخلفي
نشارككم إياه
يطل الصبح
ما تبهج خفوقك
شوفة اشراقه
وتقرأ شطرك السابق
قبل عامين
خطيته
قبل عامين
كان الحزن
يشوه صورة ايامك
يلبسك السواد احيان
يدنس صورة الابيض
يقول ان الفرح عابر
وهذا الصبح
تلويحة وداع لليلك الهادي
يقول ان الفراش غراب اذا رفت جناحينه
تحرى صرخة الناعي
يقول الورد
محبوب المقابر والمشافي وال....
يلفك صمت
وتتجاوز حديث الذاكرة والامس
تقلب دفتر
اشعارك
هنا كان
البحر هادي
هنا كان عن
الامل ربان
هنا كان
الفرح صورة بعيدة تشبه احلامك
هنا كان
الغرام اصدق
هنا كان
الوجع انسان
مضى عامين والدفتر
اسير لحيرة ايامك
تخافه تطلب وصاله
وتتسائل
من اللي يشبه الاخر
من اللي والكلام اشواك
قدر يعبر
مفازات الوجع حافي
من اللي
كل ماقالوا تجلى يستشير الصمت
من اللي
تحطب حروفه من ضلوع الندم والخوف
من اللي
يسكن الاخر
وتتذكر
ثمان سنين مرت بك
ثمان سنين ما اقساها
نسيت ان الشعر صاحب
نسيت ان الحروف تريح
نسيت البوح والتلميح
وتتماهى
مع الليل الطويل وحزنك الفارع
تحاول تدفن احزانك ولا تقدر
ثمان سنين مرت بك
بدون تعانق الدفتر
وليلة كانت الاسوأ
عرفت ان الهروب ان طال
بقايا من عذر كاذب
وأنك قد ما تهرب تبي ترجع
حزين تعانق الدفتر ..