مجتمع غلاك - ليلك نثر عطره على شاطي النيل

مجتمع غلاك (https://www.g-lk.com/vb/index.php)

- القسم الأدبي العام (https://www.g-lk.com/vb/forumdisplay.php?f=17)

- - ليلك نثر عطره على شاطي النيل (https://www.g-lk.com/vb/showthread.php?t=6053)

ليلك نثر عطره على شاطي النيل

-

ليلك نثر عطره على شاطي النيل
وأنا ضواني ليل نجد و سريته ..
يا مطول الغيبات ياما أطول الليل
توي دريت إنه سواد و جفيته..
أثر النجوم أكثر من الجدي و سهيل
نجم كتب همي و نجم محيته ..
يا صاحبي عطشان عطشان لك حيل
مظمي و همال السهر ما قويته ..
رد السلام لمترفات المناديل
كحل العيون و دمعك اللي نسيته ..
الدرب ميت و الخطاوي مقاتيل
وإن لاح طيفك مت فيه و حييته ..
الله على الضحكة نهار المواصيل
هاك النهار اللي بعمري فديته ..
قبل أتقهوى من كسالا مظاليل
قبل السلام و قبل جاني و جيته ..
ضم الحشا و أكسر جمود التفاصيل
ما عندي أغلى من خفوق كويته ..
لمصافحك كف و قصيد و هلاهيل
إما زبنك القلب والا خذيته ..
لو يغري القمرا ذبول القناديل
بعت النهار لجيتك و إشتريته ..
يوم إنتثر عطرك على شاطي النيل
أنا ضواني ليل نجد و سريته ..