بخصوص السوالف في المواضيع
 

سلام عليكم شباب / شابات نفر نفر ونفره نفره
بتكلم في شغله وانا صراحه في مقدمتكم
وعلى رأس القائمه :d
واول واحد فيكم راكبني الغلط من راسي لرجولي
واسولف واهذري في المواضيع واتجاوز التعليمات

صح ندري انه احنا في منتدى وكل واحد
يجي يبي يتسلى ويطش همومه ويمشي
بس احيان السوالف تطول
سواء في المواضيع المطروحه في الاقسام
او مواضيع مجلس غلاك والالعاب

واحيان نفسها المواضيع ذي تبع مجلس غلاك
والالعاب تطول فيها الردود والسوالف
وتروح الشغله لاتجاه مو مرغوب

فياليت اذا مره مره الواحد شاف شغله
وماقدر يتجاوزها وقعدت تاكل وتشرب معه
وحب يعلق عليها مره ثانيه بأدب
وعدم خروج عن النص نقول مايخالف
يلا رد يفوت ولا حد يموت


بس اذا شفنا المرادد ذا بيطول وبروسنا سوالف
ماانطحنت فعندنا موضوع في الالعاب
باسم شات الاعضاء
نروح له ونطحن سوالفنا هناك ونحطها في اكياس بعد:d
بس طحن مؤدب وفي اطار المزح اللي مايزعلنا من بعض
مو نقلب ابوها هوشه وشل ابوك .. حط ابوك :182:

وقتها ماراح ينفع موضوع الشات وراح نضطر
نفتح موضوع سجن غلاك من جديد :d

واذا شايفين في كلام اخوكم غلط اقنعوني فيه
ومالكم الا طيب الخاطر

وبس وسلامتكم

رد: بخصوص سوالف المواضيع
 

،.

خلاص يلا نمشي نطحن في شات الأعضاء:d:

كلامك ممتاز
يعطيك العافيه
نايف
:123:

رد: بخصوص سوالف المواضيع
 

واضح حبيبنا
وعلى العين والراس سلمت
وابد مافيه زعل القوانين وظيفتها
تنظيم وترتيب المنتدى من الفوضى والعبث
لهذا وجب التذكير

ماقصرت يعطيك العافية

رد: بخصوص سوالف المواضيع
 

_



كلامك مية مية ي مدير
يعطيك العافية

رد: بخصوص سوالف المواضيع
 

الله يسلمك اخوي نايف :594:
كلامك كله صح مافي غلط :819:
ربي يعطيك الصحه و العافيه ..:595:

رد: بخصوص السوالف في المواضيع
 

انا اشهد انك على راس القائمة :m1:
وتمام مديرنا

عشان مايصير تمادي
يعطيك العافية

رد: بخصوص السوالف في المواضيع
 

كلام سليم

:11:

رد: بخصوص السوالف في المواضيع
 

القوانين حلوة وتنظم المنتدى
والكل بيلتزم فيها دام انه يحترم المكان ويحبه
بس احيانا السوالف تكون شوي ردين ثلاثة واحيانا خمسة مافي مشكلة
لأنه الشات يحفظها والي يقلب فيه يلقى الكلام من طقطق للسلام عليكم
والاغلب محد يحب ذا الشيء :m1:
المشكلة مش هنا
المشكلة اني اضيع المواضيع
في اقسام داخلها اقسام
وقسم الالعاب اضطر افررر بيدي ع الشاشة كم زحليقة عشان يطلع معي
لولا انه مجتمع المدونين بالاحمر امامي والأ ما شفته
غريب انه القسم كذا بعيد
حتى يكون بعد قسم التقنية والمجلس العام ومدري وش
ارفعوه لنا فوق عشان نعرف نسولف
اعرف خبطت الحابل بالنابل
بس ما عرفت وين اروح واقول كلمتي

بوركت جهودكم ^^

رد: بخصوص السوالف في المواضيع
 

انا شايفه ناس قالبين المكان
فوق حدر سواليف ىَ استاذ نايف
لكن القوانين صايرة عنصرية ناس عن ناس
عموماً ع البركة
منتداكم وحقكم
تقررون مين يسولف
ومين يسكت
:474:
ومين يبقى
مين يفل
بالتوفيق للجميييع :11:

رد: بخصوص السوالف في المواضيع
 

صح ي مودير اتفق وانا أول الشعب :532:
خلاص نصير مؤدبين هو القرار من قبل موجود
بس وجب التذكير لان اعدادات الذاكره مخربطه

يعطيكم العافية وان شاء الله ننضبط
بس حطوا لنا رادا مدري ساهر هنا
عشان تجمعوا مخالفات من هنا وهناك هههه

حتى هنا استغليت الفرصة اسولف :433:
نعتبرها ختامية لنظام العلعه :d
ودي وتقديري

رد: بخصوص السوالف في المواضيع
 

هلا نجمه حياك
اولا : حتى كلمة قوانين والله ماودي اجيب طاريها
لانه احس حتى في نطقها تعطي انطباع
القيود والتكبيل والحصار

بس انه ياخوك فيه ناس تتضايق مثلا انه نفتح سالفه
بمواضيعهم وودهم يكون الموضوع للرد على
الموضوع وبس

ثانيا : الاسترسال في الردود مرات يشطح بين عضوين
بينهم حزازيه او اختلاف على تصرف ما ويقلب زعل

ثالثا : برضه السوالف تخلينا نشطح عن محتوى الموضوع
كليا وتصير المواضيع كل بوها تتشابه مجرد سوالف
تختلف في العناوين فقط

بالنسبه لسؤالك عن الموضوع تبع الشات هذا هو
https://g-lk.com/vb/showthread.php?t=21508&page=534
وماكنت اقصد صندوق المحادثات اللي قصدتيه

بعدين حبيت اوضح
جاني تقييم انه سبب فتح الموضوع مقصود
فيه فلان وفلان
لاوالله هذا مو من طبعي انه افتح موضوع كامل
عشان والله شخصين بس حطيتهم براسي
عادي اذا المشكله بشخصين اروح واكلمهم
بيني وبينهم وانتهى الموضوع
وانا اول شخص جبت طاري نفسي اني مشارك
بنفس الفعل والتصرف

واخيرا اللي حكيته اعتبروه رأي تنظيمي شفت انه
بيكون احسن لو اخذنا فيه
ولكم حرية ابداء ارائكم اذا شفتوا في كلامي اي خطأ
في الاول والاخير المنتدى منتداكم
وانتم اللي تساهمون في اشراقه او افوله
والكل له احقية ابداء رأيه من اجل الوصول الى
تكامل مشترك يؤدي لنجاح الجميع

وشكرا من القلب لابداء رأيك
ومرحبا بك مجددا ان رغبتي في ابداء اي ملاحظه اخرى

رد: بخصوص السوالف في المواضيع
 

ههههههههه
ابد همس مسموحه بعد ماقلنا مرا نصير طرمان
بس مانروح مره مره
وتصير صفحه كامله ردود على بعض
بعيد عن محتوى الموضوع هذا اللي قصدته
اما موضوعنا هنا مسموحين لو 20 رد
لانه فتحته كتذكير وبرضه نتناقش
اذا فيه شي تشوفونه مو صح في كلامي
نورتي خيتوو

رد: بخصوص السوالف في المواضيع
 

بيلندا صراحه انا دائما اكره تبني مواضيع التنبيه
مادمت ماذكرت شخص بعينه
ولو على قولتك الدعوه عنصريه
كنت قلت تعالي بيلندا ترين اقصدك ومافيه
الا انتي اللي يسولف في الردود
فياليت ماتحطين نفسك لوحدك في دائرة القصد
والمنتدى منتدى الجميع
والجميع معنيين بنجاحه
فياليت مانشطح كثير في التأويلات

رد: بخصوص السوالف في المواضيع
 

اولا صباح الخير
ثانياً : خذني على قد فهمي
او على قد عقلي
ولطفاً منك
وتكرماً
توضح لي شهور طويلة
ماشفت في مشاركاتك تنبيه
بالعكس رُقي وادب ومو متشنج
بس جيت انا ونجمة
وسولفنا يمكن بثلاثه ردود
صار كيييذا
احنا اليوم 31اكتوبر
2024
ابي المشاركة اللي كتبتها تنبيه
مابقول خلال السنة الماضيه اللي انا ماكنت موجوده
لا
بس ابي ثلاثة الشهور الاخيرة هُنا قبل اكتوبر
فاعتبرني عليا قل فهم وكرماً منك فهمني
برابط انتا كاتب فيه توضيح من شهراو اثنين او ثلاثه
ممكن ؟ مدام سمحت لنا انو نتناقش وانتا صاحب مكان
تقدر كمان ماتسمح لنا نتناقش هذا حقك
واحنا مجرد عابرين هِنا
لاكن لاتستخف بعقل احد وتحسب الناس ماتفهم
وتسميها تأوييييل
ممتنة

رد: بخصوص السوالف في المواضيع
 

صباح النور بيلندا
انا تكلمت كأخ للجميع وغلطان من ضمن الجميع
لكن بما انك مصممه
انك السبب وماصار احد تكلم الا وقت انتي
سولفتي فتفضلي هذي قوانين المنتدى قدامك

رد: بخصوص السوالف في المواضيع
 

شكرا استاذ نايف سياسة تكميم الافواه لا تليق بكَ
صدقني ...
ممكن انا الوحيدة اللي اجيك واقولها لك بوجهك مش في ظهرك
انا نقاشي وطلبي منك كان واضح
كان واضح جداً
قلت ابي رابط تنبيه في خلال الشهور الماضيه
ماقلت روح انسخ لي قوانين المنتدى وحط احمر
عشان تسكتني
بس نقطه اخيره ؛ انتا تقدر ماترد ولا تناقش هذا حقك وهذا مكانك
إحنا مُجرد عابرين المكان لك وانتا حُر
عندنا مثل جنوبي : ( يقول من قال حقي غلب )

وهذا حقك ولعلمك انا مااعطي وقتي احد
ولا اناقش احد
يعني انتا تُعتبر من الناس المحظوظين اللي رديت عليهم
وعطيتهم خاطر وعطيتهم من وقتي
انتهى ماجبت لي رابط جبت لي نسخ ولصق
وبدون تاريخ
عُمر الادارة ماكانت كذا ابداً !...
إستخفاف بعقل احد او فكروو .

رد: بخصوص السوالف في المواضيع
 

شكرا لك وشكرا لحظي الجميل
اللي حطني على قائمة المحظوظين
وعطاني جزء من وقتك الثمين
وتنازلتي تردين وتتناقشين معي
وانا بعد راح اوقف هنا
مالي في الحوارات الجدليه صراحه
وراضي بحكم الاعضاء
اذا فهموا اني اقصدك انتي بس
فلك علي حق الاعتذار وقدامهم بعد

رد: بخصوص السوالف في المواضيع
 

اوك تمام :140:

فوتكو بعافيه .

رد: بخصوص السوالف في المواضيع
 

أعترف إني من القوم اللي صارو شوي ثرثارين الفترة الأخيرة
و لا أُبرئ نفسي من الخروج عن الموضوع أحيانًا
:522:

عُلم وإن شاء الله ما نثرثر :d

رد: بخصوص السوالف في المواضيع
 

عادي لو صار خروج في حدود المعقول خيتي
في النهايه ماحنا روبوتات
والا يجي وقت ونشطح شوي في رد ردين
انا اقصد انه بس مانفلها سالفه مره وحده
وتروح لردود على صيغة سالفه ماتقضي
هذا اللي قصدت
وشكرا لتفهمك

رد: بخصوص السوالف في المواضيع
 

اهما اشي بدي اكياس ورديه لزيزه للكلام اللي رح اطحنه طحنا ناعما :540:

وبدي بيعه في السوق السوداء :540:

ولا هلله رح انطيك يانايف ياصاحب السجن :292:

ويلا ارقص هله هيك :444:

رد: بخصوص السوالف في المواضيع
 

انتي بالذات لاتروحين الشات
على طول شيلي عفشك ع السجن :182:

رد: بخصوص السوالف في المواضيع
 

والله ي ريت تشوف لنا موضوع التنظيم ذا حقيقة
بيسهل علينا الوصول لمواضيعنا وللاقسام الي نحبها
او اذا في خاصية لتثبيت اقسامنا المفصلة في اعلى الصفحة مثل بعض المنتديات ياريت
تنورنا

جزيل الشكر

رد: بخصوص السوالف في المواضيع
 

عاد تدري توي من يومين لما كنا نسولف في موضوع نبض

كنت بقول اذا طالت السوالف جانا تنبيه من الادارة ابقول انو مالي شغل

كله منك انت :156: ههههههههه لانو اعرف انو ممنوع الشيء هذا

فـ العذر و السموحه منكم و من نبض على تخريب موضوعك

هذا بالنسبة لي اما بالنسبة للموضوع فـ هو ماقال لكم

خيطو افواهكم و الا تعلقون على الموضوع بس هو قال لا تردون على بعض بالمواضيع قصده نفس كذة انا وهو هنا ردينا على بعض

كأس الملك: الاتحاد ينهي مغامرة الجندل بثنائية البيشي والعبود
هو المقصد انو ما نخرج من صياغ الموضوع و نخرب الموضوع

بنقاشاتنا و ردنا على بعض لانو مو الكل يتقبل الشيء هذا

انو تصير نقاشات بمواضيعه الخاصة ذا المقصد

و بالنسبة للاخت بيلندا فعادي انو مايكون في

مناقشات كثيرة بالمواضيع و مخالفات من الاعضاء في الفترة السابقة

وصارت فترة تواجدك هذا ما يعني انك المقصوده بذا الشيء

و انا ابصم لك بالعشرة اكثر الاعضاء بذا الفترة اكيد انهم

تجاوزو المحظور نقاشاتهم و حواراتهم كثيرة بالمواضيع

على كذة الكل بيأخذها على نفسه و بيقول انا المقصود

و انا اولكم و اخوي نايف و الكثير الكثير من الاعضاء

على العموم الكلام يطول و انا اعتذر على تدخلي بينكم

كون مالي حق و الكلمه الاول و الاخيرة لادارة و العذر و السموحة من

الجميع <<و شكراً لي و عفواً لي بعد و سلامتكم:504:

رد: بخصوص السوالف في المواضيع
 

هلا نجمه
مدري صراحه ايش التنظيم المطلوب
لكن ياخوك يصعب تصنيف المفضلات
وجعلها في المقدمه
نظرا لاختلاف التفضيل بين الاعضاء
هناك من يعشق المنتديات الادبيه
وبيقول ابيها في المقدمه
وهناك من يعشق مواضيع التواصل
وبيقول ابيه في المقدمه
وقيسي على ذالك

وعلى هالاساس من الصعب حصر اقسام
مفضله للكل
وتوضع في المقدمه ويتفق عليها الجميع

رد: بخصوص السوالف في المواضيع
 

اهلا احساس وكلامك سليم
وفيه الشيء الكثير من اللي قصدته فعلا
اذا تكررت الردود في صلب الموضوع
او احيان من باب الميانه والممازحه
وخلق جو اخوي دون تأثير على الموضوع
وتكرر رد او ردين بالموضوع مافيه مشكله
في النهايه احنا مانسعى لتطبيق القوانين حرفيا
والتضييق على الاعضاء لا والله
يهمني الناس تدخل وتفرفش والنفوس تكون
قريبه من بعض
ولا حنا في ميدان عسكري لازم كل واحد
يدخل ماد بوزه وكل المطلوب منه تنفيذ قوانين
ويطش رد ويمشي ولا يكلم احد ولحد يكلمه
احنا نتكلم بس فيما زاد عن الحد ويشوه المواضيع
او يقلبها دردشه بالمعنى الحرفي

رد: بخصوص السوالف في المواضيع
 

حاضر جهزت بقشتي ع راسي :)

ومعي نجمتي مااقدر قاوم وحشة السجن بدونها:540:

https://d.top4top.io/p_32269humd0.jpeg



اما كتاكيتها يبقون عندك امانه يانايف لغاية موعد الإفراج عنا :292:

رد: بخصوص السوالف في المواضيع
 

وراك ي حلوة ؟
اطلع وانا حرة وارجع وانا محبوسة ههههههه
:383:

رد: بخصوص السوالف في المواضيع
 

رد: بخصوص السوالف في المواضيع
 

ههههههههههههههههههه
بالعكس انتي دائما في السليم الله يسعدك
ولا جاء منك الا الطييب
والكل والله في مجتمع غلاك ينحطون ع الجرح يبرى
والكلام اللي قلت ماينقص من خلقهم الرفيع مقدار ذره
ولا نبهت عشان قصور او خطأ
القصد بس انه مانجعل المواضيع تختلف في العناوين
وتتشابه في المحتوى فقط لاغير
نورتي Maristella

رد: بخصوص السوالف في المواضيع
 

كلامك ينبع من اهتمام عميق
لجعل هذا المكان افضل
ويظهر بصوره تليق بالجميع
فعلا
الدردشه في المواضيع تفقدها الهويه
من وجهه نظري اي عضو لا يلتزم
ترحل ردوده لموضوع الشات
ثم تنبيه
ثم حرمان من المشاركه ثلاث ايام اقل او اكثر
المنتدى مثل بيتك اللي تسكن فيه
كل ركن خاص بشئ معين
اذا انعدم النظام حلت الفوضى
ولا بقاء في ظل الفوضى .

:10: