مجتمع غلاك - الغيم

مجتمع غلاك (https://www.g-lk.com/vb/index.php)

- القسم الأدبي العام (https://www.g-lk.com/vb/forumdisplay.php?f=17)

- - الغيم (https://www.g-lk.com/vb/showthread.php?t=26320)

قصيدة الغيم

..

تعال اسولف لك عن الغيم وأمه
وعن الامل والورد والشعر والذوق

خذ الحياة احساس والصدق ذمة
والعب على اوتار المحبه مع الشوق

روح السعادة ينعش القلب دمه
وروح التفاؤل يرقب الهم من فوق

نسمة هوى صبح المحبين شمه
واعرف ترى وجه الكرامة له حقوق

مشاعرك طفله وتحتاج ضمه
عطها امان البيت لاصابها عوق

غير الشجاعه يمكن تصير رمه
ودون اللكاعه يمكن تصير مطفوق

خلك جبل تاخذ من طويق همه
تنطح سحابه تضرب القاع ببروق

الشمس بنت النور والصبر قمة
وسود الليالي خلها كرت محروق

خذ الصبر عنوان وتزول غمه
والشمس عطها الحب تاتيك برفوق

حلمً تبعثر شد عزمك ولمه
ماقد خبرت الحلم يشرا من السوق

واليا صفعك الوقت لاتقول يمه
مادام دمع امك على الخد مايعوق

البس من الايمان ثوبك وكمه
يثبت لك ان الثوب راعيه مرموق

،
منقول
لـ ساره بنت تركي

رد: الغيم

إنتقاء جميل جدآ ...
وكلمآت كثير حلووه صح لسآن شآعرها ..
وسلمت يدينك على النقل ..
-

رد: الغيم

أختيآر مميز لأبيــآت جمبله
دمت بخيــر،,

رد: الغيم

علي
قصيدة رائعه
صح لسان شاعرها
انتقاء جميل
يسلموا الانامل

رد: الغيم

انتقاء رائع
وكلمات جميله
يعطيك العافيه علي

رد: الغيم

يسلم ذوقك علي

مبدع في اختياراتك

:121:

رد: الغيم

-
الابيات جميله,
انتقائك رائع ..
صح لسان ساره بنت تركي :595:
يعطيك العافيه ,,

رد: الغيم

ماشاء الله ابيات شعرية جميلة و بقوة صح السان الشاعرة

و تسلم يدها على الابيات الجميلة و تسلم على الانتقاء
الجميل و الذوق الرهيب يعطيك العافية و تسلم يمينك علي

رد: الغيم

مشاعرك طفله وتحتاج ضمه
عطها امان البيت لاصابها عوق

ابيات جميله..ربما لان الكاتبه امرأه
احسنت النقل والإختيار علي
يعطيك الف عافيه:497:

رد: الغيم

جميلة جدا
صح لسان شاعرها وناقلها
وسلمت

~