المشاركة الأصلية كتبت بواسطة .stella (المشاركة 801448) يا هلا الله يشرح قلبك وخاطرك ويثبتك يارب عالصلاه اول شيء شفتي هذا كله عشان ما تحافظين عالصلاه :888: يا قلبي اول شيء الصلاااااه تدرين لو حافظتي وضغطتي على نفسك ؟ ودحرتي الشيطان ؟ والله العظيم إنك اسعد وحده :82: تدرين ؟ ولالا ؟؟ جربي الوتر لو ركعه وادعي ووسولفي مع ربي هو كل شيء لك :82: قولي يارب يا حبيبي يارب تولني بلطفك ورحمتك يارب يا ودود ياكريم ياحنان يامنان يا ذو الجلال والإكرام قولي ب اسماء الله الحسنى , يارب غير حياتي للأفضل يارب علقني بالصلاة حببني بالصلاة يارب علقني فيك ولا تعلقني بالدنيا’ يارب ياحبيبي تعلم بحالي وضعفي وإنكساري فرج همي واشرح صدري وقوني يارب قوني ادعي وابكي وابتهلي وكرري الدعاء:82: يا حبيبتي لو تدرين الدعاء شلون سلاح المؤمن ؟ ابدي يومك بالصدقه لو تعطين اي احد علبة موية .. كل اللي فيك من ضعف او اكتئاب تقصيرك ,لو تجبربين تحافظين وتضغطين على نفسك والله العظيم ما تاخرينها دقيقه:ff1 (203): ربي يحبببببك :82: يبي يسمع صوتك وانتي تناجينه وتدعين له تدرين ؟ قريت مره مقوله " ما ادري صح او غلط " يارب اذا غلط اغفر لي بس اذا قمتي لصلاة الليل وحافظتي عليها او فرضك تركضين لصلاتك وتحافظين عليها ربي اختارك فعلا انك ماتكونين من المقصرين ؟ وبيسمع صوتك ؟ تدرين ان ربي سبحانه غفور ؟؟؟ ورحيم ؟؟ تدرين لو بس دعيتي ونزلت دمعه منك ربي استجاب لك :82: ( وَقَالَ رَبُّكُمُ ادْعُونِي أَسْتَجِبْ لَكُمْ ) تمعني ب هالآية :82: بس ربي بيسمع صوتتتتتك :82: فييه كتاب اسمه " لأنك الله " ل علي بن جابر الفيفي الكتاب جمييل , إنتي تقولين ماتحبين تقرين اقري هالكتاب كل اقتباسات صغيره بس المعاني جميله وشوفي الكلام وتمعني :82: وتذكري بس لو وقفتي وصليتي انتي توقفين لله :82::296: ما ابي اكثر بكلامي , بس عليك بالدعاااء والله يحببك ويثبتك وادعي ب اوقات استجابة وان كنتي فالبيت الفراغ متعب , ادخلي دورات او معهد بتتغيرين باذن الله الله يشرح صدرك ويقويك يارب ويحببك

-

اولا وقبل كل شي انا جالسه اكلم اختي وابدا لا تعتبريني شخص غريب جاي ينصحش
انا هنا انصحش وانصح نفسي قبلش لان كلنا بشر والنفس البشرية ضعيفه وانا اختش
من جد اقدر فيش صراحتش صدقيني مو اي شخص يقدر يعترف بهالشي للناس
وبما انش سويتي هالشي صدقيني انا متأكده هذه اول خطوه لش في التغيير
ولا تعتبري اللي سويتيه شي عادي لا ابدا حتى انا صدقيني ما اقدر اسويه


((احس ربي ما يحبني احسه نساني وتركني))

يا قلبي انتي بإذن الله ان ربي يحبش صدقيني لو ما يحبش ما جيتي وتكلمتي.. صدقيني لو
ما يحبش كان ما فتح عينش على هالشي.. صدقيني لو ما يحبش ما سخر لش كل هالناس يكلموش وينصحوش
والاهم اريدش تعرفي انه لما ننصح ما يعني اننا نحن احسن منش صدقيني كلنا نظل مقصرررين كثييير
ما حد كامل ولكن الله الغفور الرحيم ولكن الواحد يحاول يجتهد ويستعين بالله في كل شي يسويه
هذا الشيطان هو اللي يصور لش هالافكار وانه الله ما يحبش صدقيني الله يحب كل عباده
وصدقيني لو انه على الشيطان وده ما حد يعبد الله ويوسوس لهم ويصرفهم عن عبادته.


عادي عادي جدا طبيعي لما الواحد يحاول يبدا طريقه الجديد رح يواجه صعوبات وجدا طبيعي انه يطيح
لكن كونش طحتي لا يفرض عليش تبقي مكانش بالعكس لما تطيحي قومي كملي طريقش واكيد رح ترجعي تطيحي
بس ارجعي من جديد وكل ما تطيحي خلي هالطيحه دافع لش انه تكملي بس بعد كل هذا رح تحسي بالفرق
ورح تكملي ويمكن تتراجعي كم من خطوه بس هذا ما يعني خلاص الباب تسكر قدامش
لا ابد كملي كملي كملي وحاولي حتى تحققي اللي تبيه... مثلا اذا صليتي كل صلواتش وصلاة لا
هذا ما يعني خلاص ما تقدرين ... اذا اليوم التزمتي وبكره تكاسلتي في بعض الصلوات
هذا ما يعني انه خلاص الله ما يحبك بالعكس هذا اختبار لصبرش في سعيش إليه
[[ اختي انتي في صراع مع الشيطان وانا واثقه فيش انه بيجي يوم وبتغلبيه وبتلتزمي
بفروضش كلها وهو اللي رح يخسر وهذا اليوم قريب جدا ان شاء الله]]
ومن كل قلبي أسأل الله ان يردش إليه ردا جميلا وان يبعد عنش وسوسة الشيطان...
اهم شي كثري من ذكر الله الإستغفار والحمد والتسبيح وشوفي فيديوهات دينيه
وصدقيني تقدرين صح ممكن تشوفيها صعبه بس مو مستحيله تقدرين

صدقيني في القرب من الله سعاااادة كبيير ما تحصليها في كل امور الدنيا ..
اما بالنسبه للحياة وانا اختش ما حد حياته كامله مهما شفتي الشخص مبسوط يظل
في جانب خفي ما نعرفه عن هالشخص ومتأكده لو تشوفين حياة كل واحد فينا بتحصلين كثيير أشياء
محد عارفها بس الحمد لله كلنا تجينا فترات انه خلاص حياتنا ملل وكئيبه وهذا شي طبيعي بس لما نوصل هالمرحله
نحاول نسوي أشياء جديده مثلا لو ما تقومين الصباح عدلي جدولش وقومي طلعي شمي هواء
تأملي في خلقة الله سبحانه او دوري لش اي حاجه تحبيها سويها اشغلي وقتش بشي انتي تستمتعي فيه

اما بالنسبه لوزنش ابدا مو مشكله ولا يهمش اللي حولش ولا كلامهم انتي حلوه مثل ما انتي وسوي رياضه
مثلا كل يوم امشي عشرين دقيقه ولا نص ساعه ومع الايام تزودين المده تدريجياً والوزن لا تقيسيه كل يوم
والرياضه أساساً حلوه للنفسيتك مو بس الوزن فلا تحطي الوزن شغلك الشاغل
اما سالفه الجوع لا تحرمي نفسك من الاكل خليه على فترات وكميات معقوله..
ومع الوقت بينزل وزنك وما شاء الله نزلتي تقريبا خمسه مدري سته كيلو صدقيني مو الكل يقدر يسويها
فـ حلو استمرري واهم شي حبي نفسك مثل ما انتي وركز على الأشياء الإيجابية في حياتك

واهم حاجه لا تحطين في بالك انه 70 او 60 هو الوزن المثالي صدقيني اعرف واجد في ثمانينات وتسعينات وحلوات
ما شاء الله يجننون بس انتي استمري واهم شي لا تحطي نفسك تحت ضغط وبكذا حبه حبه
وبتوصلين لحاجه حلوه ان شاء الله
واهم حاجه وانا اختش صلاتش اهم من الدنيا وما فيها بكره كلنا بنروح من هالدنيا ما حد باقي فيها
الله يسعدش ويوفقش دنيا وآخره ويكتب لش كل خير