مجتمع غلاك - الشوق جاير

مجتمع غلاك (https://www.g-lk.com/vb/index.php)

- القسم الأدبي العام (https://www.g-lk.com/vb/forumdisplay.php?f=17)

- - الشوق جاير (https://www.g-lk.com/vb/showthread.php?t=20053)

الشوق جاير

الشوق جاير .. وجور الشوق لعيونك
والحب بيّن .. بعيني .. يوم حبيتك

يا مبعد .. عناد قلبي .. مايعرفونك
حتى لو إني .. عزفت إسمك .. وغنيتك

ساندت صبري .. وراك .. وطاح من دونك
وجيتك .. وأنا لا بغيت الصدق ؟ .. ما جيتك

أهلكني الوجد.. وأنت أهلكت .. مفتونك
وعلمتني .. كيف أونّك .. لين .. ونّيتك

ياليتك .. تشيل دمعي .. في حِجر .. نونك
أو ليتك .. تردني عن قول يا ليتك

مابين سكر عنبك .. ولذع ليمونك
شربت مرّك على شانك .. وحلّيتك

تكفا .. فديتك .. شوي .. شوي .. على هونك
تراك غالي .. وأنا زوّدت .. وأغليتك

وإن شفت .. أهل بيتك المعمور .. يغلونك؟؟
شف قلبي .. أصدق غلا .. من كل أهل بيتك

لاتسمع الناس .. لو كانوا .. ينادونك
إسمع صدى صوت قلبي .. يوم ناديتك

قل سم.؟.. أو قل هلا.؟ أو قول .. يا عونك ؟
ما تدري إنك.. ليا ناديت.؟.. لبّيتك

لبيه .. لامن ضحكت .. وبانت سنونك
وأخفيت مبسمك .. بين أطراف جاكيتك

حبيتك بعقل .. لين أصبحت .. مجنونك
وذبحت .. شعري .. لأمل لقياك .. وأحييتك

متى على الله .. تضمّ.. عيونى .. عيونك؟؟
وأنشدك بالله قولّي .. ليش حبيتك؟؟

رد: الشوق جاير

ابيآت جزله وقافيه موزونه
صح لسانك وعلا شانك أخي الولهآن
أنتظآر جديدك .

أحترآمي وتقديري ،,

رد: الشوق جاير

•'

حبيتك بعقل .. لين أصبحت .. مجنونك

صح لسسانه
ابياته جميلةة

يعطيك العافيةة

رد: الشوق جاير

اشكركم ع الحضور والتعليق

رد: الشوق جاير

قصيده جميله ..
صح لسآن قآيلها وشكرآ لك على الآختيار ..

-

رد: الشوق جاير

اشكركم جميعا

رد: الشوق جاير

ساندت صبري .. وراك .. وطاح من دونك
وجيتك .. وأنا لا بغيت الصدق ؟ .. ما جيتك

الله

ذوق كااااايف يالولهان

رد: الشوق جاير

ابيات رائع وطرح جميل
يعطيك العافية يارب

~

رد: الشوق جاير

اشكرك يالغلا

رد: الشوق جاير

ابيات شعرية رائعة
سلمت اناملك على الاختيار
بانتظار جديدك

رد: الشوق جاير

اشكركم جميعا