|
احب واحد من ستة سنوات
السلام عليكم ورحمة الله وبركاته
انا حبيت واحد من قلبي ومن 6 سنوات وهو كانت الظروف حقته صعبة مايقدر يتقدم لي ويوم حصل وظيفة تقدم لي المهم انا كنت موافقة وامي كانت موافقة عليه وراح طلبني من عمي طبعا انا يتيمة الاب وعمي هو ولي الامر حقي طبعا عمي كان جالس يسأل عنه وعن حياته وطول في الرد عليه وانتم تعرفون العادات والتقاليد عندنا المهم بعدين جلس اسبوعين وراح سحب نفسه وقال ما ابي اكمل لان عمك طول في الرد وانا بروح اتزوج انا حسيت اني انكسرت من قلبي وباقي الى الان حزينة وابكي واذا نمت احلم فيه واذا صحيت اتعذب من الذكريات مافي احد جالس يحس فيني حتى اهلي صبرت 6 سنوات من اجل هذا الشيء كنت احبه بصدق ومن كل قلبي كنت بس ابي اعيش معه وماكنت افكر في الفلوس ولا اي شيء |
رد: احب واحد من ستة سنوات
مافهمت السالفه لها ٦ سنوات وانتي لازلتي تفكري فيها؟
والا حبيتيه لمدة ست سنوات وبعدين تقدم لك والسالفة توها جديده ؟ ^ هذا اللي مافهمته أما اللي فهمته إنه زعل لأن عمك تأخر عليه وحبيبك ماقدر يصبر أكثر من أسبوعين! ليه هو سلق بيض ؟ هذا ماله علاقة في العادات والتقاليد ..هذا زي تحليل قبل الزواج شي لازم منه للناس اللي مانعرف عنهم شي وعمك مايعرف عنه شي وانتي أمانه فرقبته ومن حقه يتأنى في السؤال عنه..واسبوعين يمكن ماكانت مدة كافية لعمك في السؤال عنه بسبب انشغاله أو لسبب آخر..وعادي بس حبيبك مسوي فيها ..ولو يبيك صدق كان ماتنازل عنك عشان اسبوعين ومريض صراحة فكبرياءه آذا يعتبر إن اسبوعين تمس كبرياءه ورأيي بعد إن ربي فكك منه ..إذا سبب تافه زي كذا ماقدر يصبر ويتمسك بك لو تزوجتيه وش بيصير..كل شي تقولينه وتسوينه بيسوي فيها كبرياء مايصلح لك هذا رأيي إلا فحال إذا السالفه توها جديدة وغرضه بس عشان عمك يدري ان حبيبك قرر يكنسل زواجه منك ويوافق عليه بسرعة ..فهذا شي ثاني يجوز خانه تخطيطه وخليه يعطي عمك وقته في السؤال عنه إذا هو واثق إنه كويس والله يوفقكم ويجمع بينكم |
رد: احب واحد من ستة سنوات
صبرت 6 سنوات من اجل هذا الشيء كنت احبه بصدق ومن كل قلبي كنت بس ابي اعيش معه وماكنت افكر في الفلوس ولا اي شيء
^ معليش توي انتبه إن السالفه جديده مو مضى عليهاست سنوات نفس كلامي الاخير اذا هو عشان يعجل عمك فخليه يصبر عشانك واذا ماعاد فيه صبر وعافك فانتي الربحانه اتركيك منه |
رد: احب واحد من ستة سنوات
ما يناسبج وراح يجي غيره وأحسن منه
ولا تبكين ترى اللي يحبج ما يخليج تبكين و أحمدي ربج أن عمج تأخر أسبوعين ترى مثل هالمواقف تبين إذا كان صدق متمسك ولا لا بس الواضح أنه ما يبيج شكله يجامل وجاي يخطب عشان أنتِ تحبينه بس ما توقع أنه شعور متبادل ! |
رد: احب واحد من ستة سنوات
الله يخسه هذا ما كذب خبر الحين اسبوعين تسميه تاخير
يابنت الحلال لا ينكسر قلبك ولا شي هذا واحد بياع الحين اسبوعين في نظره تاخير ياخي لا تعلق بنات الناس 6 سنوات ويوم يجي وقت الجد تتحجج الله يلعنكم اشباه رجال الله يعوضك باللي احسن منه |
رد: احب واحد من ستة سنوات
عمك يمكن يوم سأل شاف انه غير جدير ( مع احترامي وتقديري ) بس ممكن حب يرفضه بدون ما يحرجه ولو تتكلمي مع عمك تعرفي سبب عدم الرد حتى الان يمكن يوضحك السبب اللى شايفه
مع اني متحفظ من كلمته يوم قال مابي أكمل , لو كان فيه خير لبقى وسال حتى يأتيه الجواب الصريح والله يكتب لك اللى فيه الخير , |
رد: احب واحد من ستة سنوات
صبرتي 6 سنين وهو ماصبر اسبوعين :ff1 (154):
اقرأي مواضيع فك التعلق حتى تقدري تطلعي من اللي انتِ فيه هو لو فيه خير ماسحب عليك وزيما قالت روح واضح انه كان يجاملك المفروض شخص تحبيه تعطيه 6 شهور بس ان ماتقدم حتى لو ماكانت عنده وظيفة انتي اللي المفروض تتركيه وخليه يرجع يوم يقدر يتقدم الرجال معروف عنهم اصحاب مسؤولية ولو يبغا الشي مايرده حاجة يقدر يطلع وظيفة لو من تحت الارض عشان يتقدم لك وياخذك ان كان يحبك بصدق مو قاعد يقضي وقت فراغه وانا اقول هالشي عن حقيقة اشوفها قدامي لكن ضيع من عمرك 6 سنين وهذي اخرتها ! احمدي الله على انو ظهر على حقيقته من بدري وقبل مايطيح الفاس ع الراس بتلقي اللي زيه بعد الزواج بكل سهولة يسحب عليك او يتزوج عليك ويحط الغلط عليك لا تضيعي باقي عمرك على شخص مايستاهلك ولو تقدملك شخص صاحب خلق ودين تزوجي وانسيه ~ |
رد: احب واحد من ستة سنوات
ماراح ازيد عن معظم الردود هنا اختي
لكن صراحه اعتبريها خيره واحمدي ربك انها جت منه بها الوقت وقبل ترتبطين بشخص ممكن يتخلى عنك بسهوله بعد مايوقع الفاس في الرأس وبمثل هالبساطه اللي تخلي فيها عنك الآن ماني شايف فيه شي يستحق منك التمسك فيه |
رد: احب واحد من ستة سنوات
.
ما يصلح لك اتركيه لـ غبار الزمن انسان قليل صبر لايعتمد عليه وغير جدير بـ الثقة وتحمل المسئولية .. |
رد: احب واحد من ستة سنوات
هلا حبيبتي شوفي عيني خذي نصيحتي من اخت تحبج
اذا صدق يحبج و يبيج بيصلر عليج لو شو مهما صار ..دام عرفتيه بالبدايه و الله انتي الربحانه و هو الخسران و الله ربج راد لج الخير ترى ..لا سمح الله يمكن خذتيه و انصدمتي فيه بعدين ياللي يحب يوفي من كل قلبه حتى لو شو مهما صار ..بعطيج مثال واحد من اهلي حب وحده صدق حبها من كل قلبه تقدم لها اكثر من مره لانه صدق شاريها و يباها بالحلال لانه كانت امها ترفض بحكم انها تهتم فيها و عقب اخوانها تفاهموا ويا الام و الحمدلله كتب لهم الزواج و عندهم احين بنت و ولد ..و الحب مهما كان و عمج يبالج الخير ترى يمكن سمع شيء مب زين و خذيها نصيحه من اخت تحبج دام ماشي نصيب برايه انسيه و استانسي ربي بيعوضج بأحسن عنه المهم اسمحيلي اذا ما عيبج كلامي بس هذا الصدق يا ما قصص نسمع هذا و هذا ..المهم شوفي توكلي على ربج و عيشي حياتج و لا تفكرين بوهم ..ادعيلج من كل قلبي عسى ربي يرزقج بالزوج الصصصصالح عسى ربي يسسسعدج و يوفقج يارب و بالنهايه هذي خيره من ربج اشكري ربج عليها مليون مرهه عسى ان تكرهي شيء و هو خير لج حبيبتي |
رد: احب واحد من ستة سنوات
اي علاقه كانت تاخذ حيز في حياتك
ادا فقدتيها شي طبيعي تحسي بالم ست سنوات مده طويله فطبيعي تحسي باشتياق لجو العلاقه اللي كنتي تعتقدي انها حب اسألي نفسك هل يستحق ؟؟ اسبوعين انتظار مده لا تاكد تذكر مقابل ست سنوات انتي بتنتظري من الواضح ان هذا الشخص اما ان قدراته العقليه محدوده او شخص لعوب والعم خايف عليك بيسأل بيهتم انو يعرف بعض التفاصيل عن هذا الشخص اللي ارتعدت فرائسه بعد اسبوعين من السؤال واضح انو خايف من شئ وسكره الحب الوهمي اعمت عينك عن هذا الشي فاحمدي الله ان بعض الامور تكشفت قبل لا تتورطي في الارتباط وتكون الخساره اكبر الانسان هذا احساسه بالمسؤليه متدني وهذا عبء على قلبك واعصابك فيما لو تم الارتباط في المستقبل فالحب بمفهومه الضيق لا يكفي لبناء علاقه يتلاشى مع صعوبات الحياه خذي بالك انتي تقعي تحط ضغط احتياج عاطفي وفي الغالب اللي بيشعرو بهذا الاحتياج يقعو ضحايا العلاقات الخاطئه من وجهه نظري احساسك ليس حب حقيقي ولكن احتياجك لملء فراغ داخلي هو الذي يشعرك انه حب الحب يخرج اجمل مافينا هذا هو الحب راحه وسكينه وعطاء متبادل اما التغاضي عن عيوب كارثيه في الطرف الاخر فهذا احتياج وسد فرغ تماما كمن يبني قصور من الرمال مع اول موجه لا يبقى لها اثر . |
رد: احب واحد من ستة سنوات
•'
و عليكم السلام و الرحمـهه ، يالله الحُب يوم ينحط في قلب صادق يتحمل كل شي و يصبر ، اولا ، لابده من زعل لن الحُب من بينكم عشرة ، لا تزعلين ابد ابد من الي صار لجج هو الشي مو سسسهل ابد، مثل ما ربي زرع حُبه في قلبجج يباله وقت حتى تستوعبين ان مو كل شي نحن نباه نحصله و مو كل شي ننتظر شي يكون مثل ما نتوقعه شوفي هذا درس لجج ، انتي صبرتي كثثثثثير عشانه و تحملتي ، و كيدز رفضتي الله يهديج بس لا تزعلين ، لان هو اسبوعين ما قدر يصبر على عمججج ...!! واضضح ان ما راح يتحملج مع الايام كثر ما انتي تحملتي لا تقول ذكرياته في بالي كيف انساه. ، كل الي تسوينه يا قلبي عيشي حياتج لا تفكرين كيف انساه و كيف و كيف واجهيي الشي خلي كل شي مثل ما هو ، لان مع الاايام راح يصير الشي عادي عادي جدا بعد ، تجاهلي مشاعرج صوبه قولي لو كان خير تم لي اقنعي نفسج طار الشر عنج و هذا بفضل ربي اختار لي شي الصح ، و راح تذكرين كلامي بعد ، عطيتي شخص و علمج درس و هذا الدرس راح يخليج قويه و تفهمين الحياه مو كل شخص يستاهل تتحميل عشانه الي يعطيج عطيه اما شخص ما عطاج لا تفكرين تعطينه اعتبري حلم و انتهى ' عطيني نفسج دافع بالشي ايجابي اتجاه الي صار لجج ، حتى ترتاحين نفسيا ، و تكونين قوية ، ربي يكون ف عونجج ، :215: |
رد: احب واحد من ستة سنوات
مع الاسف شخص مايستاهل جالس معك 6 سنوات وعلى اسبوعين قرر ينحسب بحجة عمك تأخر
عادي خليه يتأخر من حق عمك يسأل اذا كفواولأ اسألي عمك شوفي ايش صار معاه وفي النهايه الزواج قسمه ونصيب واستخيري ربنا ولاستعجلي ماتعرفي الخير وين عيش حياتك وانبسطي |
رد: احب واحد من ستة سنوات
يمكن ربي مو كآتبه لك حتى لو انو كنتي تحبينه من ست سنوآت ..
يعني هـ العلآقه ربي مو كآتب لها مستقبل اللي هو زوآج .. ربي مو كآتب لكم تكملون مع بعض وهو لو يبيك فعلآ كآن تمسك فيك .. حآرب عشآنك آصر سوا اي شيء مو ينسحب بكل بسآطه والفتره كلهآ آسبوعين بس .. الله يعوضك ب اللي آحسن منه .. - |
رد: احب واحد من ستة سنوات
يابنت
الله عرفك من يكون وباقي مااجتمعتوا هذي خيره وبعدين اللي ما يبغاني مع السلامه ابكي واحزني وقومي مانتهت دنياي معه :209: |
رد: احب واحد من ستة سنوات
وعليكم السلام ورحمة الله وبركاته ..
اللي قدر يصبر 6 سنوات، على أمل القى ، كان يقدر يصبر على اسبوعين ! عموماً بخلاف اللي صار بينكم اين كان وضعه .. تأكدي انه كل شيء قسمة ونصيب ، والله سبحانه وتعالى مأراد هالزواج يتم ، وهو خيره لك وله .. ربنا ارحم واحن على عبادة من البشر ، الله عز وجل يعلم الغيب والنوايا لو كان هالزواج فيه خير وبركه لكم، لكان كتبه بينكم . فنصيحة لاتزعلي او تحزني على شيء بأذن لله راح يعوضك بالافضل .. وراح تكون هالعلاقه مجرد وقت عابر عشتيه لااكثر .. اسأل الله ان يصبرك ويقويك ومرحله وتتخطيها إن شاء الله ، التزمي بأذكارك واكثري من الاستغفار وواضبي على وفروضك وربنا بيعوضك لانه الجاي عند الله دائم أجمل .. واحمدي الله على كل شيء، ممكن كان هالزواج شر وصرفه الله عنك . وتاكدي دايم الجاي افضضل .. دمتِ بخير |
رد: احب واحد من ستة سنوات
طيب يمكن سمع شي من عمك ؟
ولا ايش ؟ مدري عن قناعتي لو هو صبر عليج 6 سنين و انتي نفس شي فهالحاله حرام ، ماعليج خيتوو العوض فالله خير وعسى ان تكرهو شيئاً وهو خيراً لكم :85: ولا تضايجين المكتوب راح يصير لج ، ربنا ماينسى عباده حبيبي ، |
رد: احب واحد من ستة سنوات
انا اشوف ان عمك مب سبب
والاكيد لازم يسال عنه ويشوف وضعه بالضبط وهذا متعارف عليه عند الناس ولكن شكل خطيبك مل منك ولكنه خطبك مجامله فقط والا كيف واحد يحب وحده 6 سنوات وبالاخير ينسحب بهدوء هذا انسان لعاب جلس معك وقت يعشمك وبالاخير اختفى بلحظه الزواج قسمه ونصيب وماكتب الله لك الزواج وان شاء الله تحصلين اللي يحبك |
رد: احب واحد من ستة سنوات
بجي نصيب احسن منه
|
رد: احب واحد من ستة سنوات
الله يعوضك يا قلبي وصدقيني مو شاريك واصلا مو رجال . . لاتزعلين نفسك ولا تفكرين وعليك بالدعاء . . واللي زيه ما عليه حسوفه توك صغيره والعمر قدامك والحياه . . عيشي حياتك واطلبي ربي يرزقك ويعوضك بأحسن منه وعمك ماغلط لأن اسبوعين مو كثيره .. الله يوفقك ويرزقك ويعوضك يارب :229::229: |
| الساعة الآن 09:43 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~