المشاركة الأصلية كتبت بواسطة رآنيا (المشاركة 1212322)

اهلا وسهلا باخي وشريكي في مصنع الشموع واللي ماخذ نص حلالي :d
ان شاء الله دايما تكون رايق ونشوفك هنا

_ لو كانت حياتك بلاحدود وش الشي الي بتسوينه ؟
السؤال ذا خطير
لانك بتعرف من خلال اجابتي امور عميقة ولازم اسوي نفسي غامضة :d
لكن خلينا نقول بشكل عام اذا كانت بلا حدود
راح اتعلم اكثر واجرب اشياء مختلفة
راح اجول العالم حتى اكتشف اشياء مجهولة
راح أبني عالمي بطريقتي
راح تكون لي انجازات كثيرة وماراح اتوقف
حقيقة تفكيري دائمًا في تطوير نفسي في كل الاوقات والاحوال لكن اذا كانت بلا حدود فراح اكون حرّة اكثر في اختياراتي وهذا اللي افتقده

_ هل تعيشين بحياتك الحاليه مع توافق تام بمعتقداتك ومبادئك(محيطك الشخصي اقصد)
نعم
رغم اني مرّيت بمحطات شك وتحديات داخلية وتجارب كانت تهزّني من العمق
لكن كل مرة كنت أرجع لنفسي وأرجع للي أؤمن فيه وأتمسك فيه أكثر
ما أجامل في قيمي ولا أعيش دور ما يشبهني
أقول لا لأي شيء يخالفني وأمشي في الطريق اللي يمثلني حتى لو مشيته لحالي

_لو ماتعرفين عمرك الحالي كم تعطين عمرك؟
يمكن أقول إني أكبر من سني في الوعي
وأصغر منه في الحلم
في داخلي طفلة تندهش من الأشياء الصغيرة وتفرح بتفاصيل يمكن غيري ما يشوفها
وفي الوقت نفسه فيني نضج عمره مو مربوط برقم

_(هل حياتك هي حياتك)؟
ايه اكيد حياتي هي حياتي
صحيح انو مو كل شي فيها مثالي ولا انا اللي وصلت لكل اللي تمنيته
لكني امشي فيها بطريقتي
اطيح اقوم واجرب واغيّر وارفض وأبدأ من جديد وكله على طريقتي
ما اعيش حياة غيري ولا البس توقعاتهم
لاني اولا واخيرا ابني ايامي على مبادئي وقيمي واقرر الشي اللي اسويه بنفسي وبدون تحكم من احد حتى لو كان غلط :562:

اسئلتك جميلة جدا وفتحت لي بعض الابواب المقفلة لكن استمتعت جدًا وانا اجاوب
وفصّلت اجاباتي اكثر عشان نخليك تقرأ بما انك تحب قراءة الاجابات وانا احب القرقرة :d

حياك في اي وقت اخوي سعود ربي يسعدك

~

المشاركة الأصلية كتبت بواسطة رآنيا (المشاركة 1212190)

هلا حبيبتي دانه
نعم حسيت بالعجز
مو مرة بل مرات كثيرة والعجز له صوره واشكاله المختلفة
لكن العجز اللي مريت فيه هو زي اللي يخليك تحسين إنك تبين السلام من جوا
لكن الدنيا برا مو ماشية معك
اللي تحاولي فيه وتقدّمي وتتعبي
وتلقي الكل ضدك ويحاربك
والسبب ؟ احيانا اتساءل وما القى اجابة
تصيري كأنك تمشي في طريق ما له نهاية واضحة
او بالاصح كأنك تمشي وانتي نائمة

وكيف تصرفت ؟
سكت
كنت اسكت كثير
اراقب واستمع واشوف ايش يدور حولي وانا ساكتة
واحيانا افرغ اللي بداخلي بالكتابة
لكن سكوتي واكتفائي بالمشاهدة علمني كيف اتحكم بانفعالاتي وكيف ارد ومتى!
وايش الشي الصح اللي المفروض اني اسويه وكيف اقدر اطالب بحقوقي

وأنا من النوع اللي ينعزل إذا انكسر
بس ما اسمح لنفسي أطول في هالعزلة
ادعي ربي دائمًا الى ان يهوّنها علي وسبحان الله في كل مرة ارجع افضل واقوى
حتى ان كل شخص يعرفني يستحيل يتخيل ان وحدة مثلي تمر بكل اللي مريت به

سؤالك جميل
ويبدو ان اجابتي هنا كانت اطول اجابة في الموضوع
اشكرك على هذه المشاركة يالغلا

~

المشاركة الأصلية كتبت بواسطة سعود . (المشاركة 1212380)

هلا بك
قطعتي نصيبك بنشر غسيلي
كنت فاتح حراج ع الي داخل بوكي بالمدونه
بس راحت عليك والعرض عندي لمره وحده وينتهي

هههههههههههههه طيب يالغامضه فاهمتني غلط
كان سؤل بريء بنيه خبيثه هههههه حليها عاد

اجاباتك تفصيليه وتحليله الله لايغير عليك
ولايحدك ع مسار مو من مشهاك

المشاركة الأصلية كتبت بواسطة دانة (المشاركة 1212777)

صح كانت ايام صعبه
بس لو حسيتي بالعجز
ماعرفتي تصرفين

المشاركة الأصلية كتبت بواسطة رآنيا (المشاركة 1214873)

ههههههههه ياويلي حلالي طار يعني

صح صح كثّر لنا من هالاسئلة البريئة وبنردها لك
~> رايحة تدور موضوعك فينه :116:

اللهم امين ربي يسعد قلبك ويحفظك اخوي سعود

~

المشاركة الأصلية كتبت بواسطة سعود . (المشاركة 1214960)

ياااوجه الله الاسسسك حقي قده ضايع
بالصفحات الاولى /خاف من التنبيش

ويسعدك يارب ويحفظك ويخلي لك عيالك