.

























صباح الخيريا رفاق:28:..!


ممممم
تصدقوا احس مغبونة من حاجة.!
نمت الساعة 3 ونص الليل
ع اساس م اتنح ف المحاضرة 8
قمت7ونص <<معجزة ترى
واكتشفت الساعة 8:05
إن المحاضرة ملغية :/
والمشكلة ماعندي غيرها اليوم
لو دريت كان كملت نومي
هاليومين أخلاقي مو سيئة بس
تحت السوء كمان .!
مالي خلق لشي...
بس اقتنصت الفرصة
وكملت رسائلي لصاحب الظل الطويل:28:
صراحة
مدري وانا اكتبها من الدفتر
أحس فيه خلل فعلاً..!
فيني شخصياً ..
معرف فين الخلل بالضبط .!

المهم
صباحكم جميل يارب..

.





























لن يشعر أحد بما تشعر به،
حتى لو أمضيت ساعات تشرح لهم شعورك وما تمرّ به ،
فهم لم يلمسوا قرارة قلبك
ولم تصلهم حرارة دموعك،
إياك أن تلجأ لصدور الخلق لتنفض عن نفسك غبار الكتمان ،
فصدورهم أضيق من أن تتحمل زفراتك،
ليكُن الله ملاذك هو يحلّ على صدرك برد الاطمئنان،
فقط قل يارب.

.

























الخيال لو يتكلم كان قال لي انت ماعندك واقع يشغلك عني.

.























أنا جييييت
<<جيتي ولا رحتي
شوفوا مابديت خبال والله
اسمعوا
ولا اخليها سر.؟
امس الليل هببت تهبيبة
ياليتها ضبطت معايا
كلو من راس اختي
عبت راسي بافكار شيطانية
خلاص بعلمكم
بسخلوه سر بيننا
اختي علمتني طريقة
وما كانت متأكده منها
قالت لي لاتجربي يابنت ياويلك
قلتلها فارقي بالله بجرب لازم
تعرفوا اش الحركة.؟
إني أدخل برمجة صفحة البلاك بورد
وأغير درجاتي ع كيفي
وربي هي ضبطت بعد تناحة مني
بس ضميري ما ساعدني اكمل
وقفلت الصفحة
<<أالأخوات دواهي لمن يجتمعوا :54:
هههههههههههههههههه

تدروا نايمة بس 5 ساعات مدري 4
وليه صحيت
مدري
بس وضعت لي كم هدف ان شاءالله
انجزهم الليلة
<<ترى كلها كتابة محاضرات:54:
بس وربي كتير :(
خلاص استسلام .!
لا مافي استسلام ياحلوين :28:
مسائكم كودرد تفاح
<<مدري من فين اخترعتو..!

.

























"يا عالمًا بالذي أخفيتُه أملاً
هوّن، وقل لمراد القلبِ فلتكُنِ".

.
























"لا حياة لمن يظل واقفًا على الضفاف،
خائفًا من الأمواج والأعاصير، الحياة لمن يتحرك،
يُقدِم، يُقبِل، يخوض، يتعثر، ينهض، يصبر، حتى يظفر أخيرًا."

.
































I love people who value silence and peace and don’t have to be talking all the time.

.

























2:20 صَ
سايّروا مشاعر الليّل بكوب قّهوة ♥️

.






























يقول الشاعر ؟ \
مشاعر حق انا رجع .

هههههههههههههههههههههههههه
وربي جلطني...

.



























Be sure to understand that every person deals with you according to your importance, no less or more

.





























Everything will be fine , just leave all thing to God

.


































نفسي انام واسوي سكيب للمحاضرة والدنيا كلها ..

>


























صباح الخير ياحلوين :28:

شفت تقييم لوحدة لطيفة
وقسم بالله ضحكت ضحك ..

اقتباس:

"صدمة . . التدوينة هذه مكتوبة 11 الصبح .. سمووووو في حد ينام الصبح؟؟ .. كائن حي غريب الأطوار جد �������� . . حاولي تاخذي ساعات نوم كافية بالليل عشان تصحي نشيطة، ومساء الفل."

اكتر كلمة ضحكتني
"كائن حي غريب الأطوار جداً
هههههههههههههههههههههه
أعترف بهالشي والله ياصديقتي

صباحك حلو يارب
عاد نمت الليل والنهار كمان :54:
<<مالي طب

يختي أحبك :28:

.





















صباح الخير يارفاق..

كيف أصبحتم.؟
انا مو مستوعبة ان الساعة 7:30 ..
بقلكم حاجة
بس ياويلكم تضحكوا عليا...
الساعة 4:30 الفجر ..
كنت اتابع مع اختي "عهد الأصدقاء"
الحلقة الي توفى فيها "ألفريدو"
ما ادري كيف قدرت اتحمل
وأكتم دموعي لين يختفي الوالد واخواني
وفعلاً
اول ما راحوا يصلوا ع 5 وشوية
انا تركت دموعي تنزل
اختي جنبي كل شوية تطالع فيني
بس ماديتها بال
كانت تكتم ضحكتها وفجأة تضحك
شويتين وقفت الحلقة وقمت
كنت ابكي واضحك عشان أبين ان مافي شي
بس للاسف
رحت أغسل وجهي
وكنت اضحك وابكي
مدري إيش جاني وربي 10 دقايق كده وضعي
رجعت لأختي قلت لها ياويلك تعلمي أحد
قالت ابشري انا اوريكِ كيف ما اعلم أحد الله يفشلك
وقعدت تضحك وانا كملت بكا
بعدها الساعة 6 جاني الوالد كلمني ف شغلة
واول ما اختفى
جريت لأختي واقفة واقولها حابكي
تقول لا مو من جدك
وربي ما مسكت نفسي بكيت وبالقوة سكتّ
كملنا الأنمي 7:15 وقف وانا أبكي
أختي تقول إنتِ هاليوم مستحيل أنسالك هو ..!
كيف أوقف انا
ما ادري إيش صابني اليوم
دموعي للبيع ياعرب
ع السوم كمان :54:
<<المشكلة اكتب وبرضو أبكي خلااااص

كنت أبا اكتب هالحدث لصديقي صاحب الظل الطويل
لكن اتوقع ما بتكون زي باقي الرسايل
حتكون اللهجة مختلفة ومابخرب الموضوع
ايش تشيروا عليّ
أكتبها لو ولا بيتبرا مني زي أختي .؟

.
















وربي حالتي مستعصية علي اليوم
ياخي بس ابكي
ع اي كلمة
مو طبيعي والله
اش اسوي
المشكلة الي يشوفني
يقول مجنونة
ابكي ولا اضحك
انا نفسي ما اعرف .!

لحظة دحين احنا صدق عندنا خزان دموع
ولا دا تعبير مجازي؟؟؟!

,
























أ) جهاز السمع يتطور جنينياً قبل جهاز البصر
ويتكامل وينضج حتى يصل حجمه في الشهر الخامس
من حياة الجنين الحجم الطبيعي له عند البالغين
بينما لا يتكامل نضوج العينين إلا عند السنة العاشرة من العمر.

ب) يبدأ الجنين بسماع الأصوات في رحم أمه
وهو في الشهر الخامس من حياته الجنينية
ولكنه لا يبصر النور والصور إلا بعد ولادته.

ج) تتطور وتنضج كل المناطق والطرق السمعية العصبية
قبل تطورها ونضوج مثيلاتها البصرية بفترة طويلة نسبياً.

سبحان الخالق ..!

ثبت علمياً أن الأذن الداخلية للجنين تتحسن للأصوات في الشهر الخامس،
ويسمع الجنين أصوات حركات أمعاء وقلب أمه،
وتتولد نتيجة هذا السمع إشارات عصبية سمعية في الأذن الداخلية،
والعصب السمعي والمنطقة السمعية في المخ،
يمكن تسجيلها بآلات التسجيل المختبرية،
وهذا برهان علمي يثبت سماع الجنين للأصوات في هذه المرحلة المبكرة من عمره.
ولم تسجل مثل هذه الإشارات العصبية في الجهاز البصري للجنين إلا بعد ولادته.

هالمعلومة أول مرة أعرفها ..حقيقة عرفت ليه التأمل عبادة:28:
فيه إبهار ف التأمل ..صدمات لكنها من النوع اللطيف على القلب .

وقت حزنكم جربوا تتأملوا حاجة من إعجازات الله
صدقونيتنسوا حزنكم حتى لو لفترة مؤقتة :28:..!

.




























I Thing I'm not bad

.
























غالباً الكتابة هي الوجع اللذيذ :28:.!

.





















في إحدى الحوارات قال لي مُلهمي
"بالتعود كل شي يصير"..
لم أكن أدرك المعنى حينها جيداً ..
أو إلى ماذا ستؤول له تلك العبارة ..
الآن مُدركة تماماً عمقها ...
ولكم عانيْت حتى أدركت ذلك.!

Sheem

.












"روحي سوف تكون بجانبك دائماً:82:"

.
























-5:55
-قدّم قلبك لذلك الشخص الذي يحاول الحصول عليه أيضاً .

.












おはようございます
أوهاااايوه = صباح الخير :28:

خدوا نفس عميق
انظروا للسماء
ابتسموا
خلوا الابتسامة ع محياكم
لاتعبسوا ابداً يا رفاقي
امضوا للأمام
ستجدوا الطريق حتماً:28:

.












فيني ضجيج بداخلي
لا أعلم سببه
فيني ثرثرة
تحتاج ان تتحرر
فيني غموض
يحتاج ان يتضح
لا أعلم بالضبط مالذي اريده...!

قلمي..


كنت كاتبتها عام 2018 :r-q-7:
يوم18 شهر 12 ميلادي

.








عادي اتحلطم .؟
ولا بتضيع هيبة التصبيحة
الي قبل شوية.؟

باتحلطم مالي دخل
ضغطي انرفع من اخوية ومدرسو
كرهوني ابو الانقلش وربي
اخوية المبجل
يقلي ساعدني
طيب ياخوية ايش الجزئية عشان افهم
يقلك مدري
وانا اضيع بين الوحدات
والاستاذ مخلي المدة ربع ساعة بس
اووووووووووووووووفففف
وقسم بالله متنرفزة
كيف ماعصب
لا كيف اتبلد
لا كيف مانفعل.؟


لاتقروها خلاص سوو سكيب

.













لقيت موقف
لليوم الكل ماسكينوا عليّ:54:..!




بما اني فايقه كده
باكتب موقف حصل معايا ايام الاختبارات النهائية ف الترم الاول ف أولى ثانوي

طبعاً كنت م اتواصل مع بنات ابد
وفيه اسباب تانيه بس احتفظ فيها ...

المهم قالوا لنا الجدول بيكون
اول يوم الاحد // كيمياء

وباقي الاسبوع يوم وايوه ويوم لا

وتاني اسبوع اول يوم رياضيات
والاثنين اوف والثلاثاء اخر يوم حلو...!

المهم اعتمدت انا ونظمت نفسي ع اساس ابدا ف مواد اول اسبوع وفعلا بديت....!

بحكم ان عندي اسبوع ازاكر فيه
خليت خميس وجمعه وسبت قبل ليلة الاختبار يعني للكيمياء

والباقي قبل يصير ليلة الاختبار اسوي مراجعه سريعه

الموقف هنا يبدأ

دخلت المدرسة وشفت قروبي وبعد السلام
قلت: ها بنات بشروا كيف الكيميا؟؟؟
شفتهم كلهم طالعوا فيني متنحين << طبعاً لين دحين م انتبهت للي ف يدهم انا

قلت لهم وانا ااشر بالكتاب لهم: فين رحتوا اقولكم الكيميا مو اليوم اختبار؟؟؟

قالوا : من جدك انتي ولا تمزحي...!

قلتلهم والله جد زاكرت كيميا انا

قالوا ي مجنووووونه اليوم رياضيات

تعرفوا ف هاللحظة احس انقفل كل شي ف وجهي والله توترت بشكل مووو طبييييييعي ابدا ابدا

قلت لصحبتي ايش اسوووي م فتحت الرياضيات ولا طالعت فييييه؟؟؟
متخيلين 5 وحدات معانا ف النهائي واغلبها رسم وزوابا وو

قالت روحي بسرعه قبل لاندخل القاعات للابلة وفهميها ايش صار
وفعلا اجري جري لدرجة اترك درجتين وانا طالعه
المهم دخلت واضح وجهي مخطوف
ابلتي قامت وقلت لها اكده وكده وكده
قالت يعني من جدك م فتحتي الرياضيات ابد؟؟

قلت لا لا والله ولا فكككرت حتى ع بالي انو الاسبوع الجااي

قالت والله ماني عارفة ايش اسوي لك ...!
وبعد ثواني قالت ادخلي القاعه وسمي بالله ولا روحي قبل للوكيلة وكلميها
المهم انا م رحت للوكيلة ودخلت القاعه وقلت يارب توكلت عليك

اخدت الورقة مقلوبة
<< مقلوبة ولا مصقعه هع:54:
المهم فتحتها ع اساس باكتب اسمي وابدأ << كنت عند الجدر تحت المكيف بالضبط
إلا شفت ابلتي << معلمة المادة اقصد
جات ونادتني

خرجت معاها قالت لي اسمعي
شوفي كتاب وحدة من صحباتك وزاكري وخدي الوقت الي تبغييييه وبعدين ادخلي القاعه

والله ي جامعه تعرفوا كمية الخوف الي فيني مدري كيف اوصفها
<< انا من النوع الي لو انحطيت ف موقف صعب مستحيل افكر باقولكم ليش ف الاخير

المهم والله م كملت ربع ساعه بالتماااام ودخلت
بس مريت ع القوانين سريع يعني

لمن دخلت وربي اني بديت احل الحمدلله
وغير كده ابلتي مرررره م قصرت ربي يسعد قلبها
وربي لليوم مو ناسية جميلها تعبت تعبت معايا مره
رغم اني م سألتها غير مرتين والله
إلا انها كل خمس او عشرة دقايق تجيني تسالني اذا فيه شي صعب عليا

خرجت بدل الساعه 10 يمكن 10:45
وهنا المشكلة الي قلتلكم اني م استخدم عقلي ف بعض المواقف ،،
بابا جا ع 10 وانا مره م جا ف بالي اتصل عليه
وافهموا يعني بالهرجة الي حصلت ..... يعني لابد تهزيئة محترمة صح :)


المهم الاحد الي بعدوا قلت الكيميا خلاص مزاكرتوا وبس مراااجعه
واختبرت وخرجت وعدت النهائيات

بس اقولكم شي م تصدقوه؟؟؟

جبت ف الرياضيات 96 ٪ الحمدلله
وجبت ف الكيمياء 75٪ ههههههه

الرياضيات مادة مرة مرة مرة ممتعه بالنسبه لي بس ايام الثانوي
لدرجة اني كنت ف السمستر
الي حصل لي الموقف فيه اقوم كل حصة اشرح مع الابلة
والله بالذات انو كمان كان جزء هندسي ورسم احب هالشي مررره

اما الكيمياء اساساً م كننت احب الابله ابد ولليوم دا م احبها
درست الترم الي فات اختي وكل يوم م غير تجي تتشكى لنا منها


سبحان الله كل معلمة لها بصمة مرررررة مختلفه ف قلبي

.





















و عن الاماني من كثر ما تخليت
احس ما كانت حياتي / حياتي

ابعدت عن نفسي بنفسي . و ردّيت
صحّحت بعض أخطائي و سيّئاتي

كبّرت فـ مراح الاوادم و صليت
عنهم ما عاد انشد ولا عاد احاتي

انا تغيّرت و كبرت و تعاليت
و اذا بغيت احب / بـ احب ذاتي

<< صح لسان من كتبها
حرفياً كانوا يتكلم عني ...!

.




ههههههههههههههههههههههههههههههههههههههههههههه
والله مو قايلة حرف
<<ميتة ضحك من هالتقييم
ههههههههههههههههههههههههههههههه

>



























おはようございます :82:

.




















أنا مصدوم

.























لكل الذين لا يسعهم أن يكشفوا لنا عن نواياهم الخبيثة
أرجو لكم يوم مليء بالمطبات والعقبات والانكسارات .

.
















تكسرنا الدنيا ...
وتجبرنا آية :82:..

.

















حصلي موقف اليووم
معرف موقعوا من الاعراب
كنت استنا هالشي زمان قبل 3 اشهر
وفقدت الامل منو
ولمنحدث اليوم فجأة
ابد ابد ابد ماتفاعلت مع الحدث
بس انصدمت
لان شي مستحيل كان ...
من هالموقف عرفت حاجة
اطلب من الله المستحيلات
مابتندموا والله:82:

صحيح اليوم ماكتبت لصديقي
احس الرسالة بتكون بعنوان
"رسالة سماجة" :54:
عشان كده باهجد

.














https://b.top4top.io/p_1777e0k891.jpg

5:00

.

























" هي بإذن الله و ليست بإذن البشر ."

.
























وفي صباح الـ15من نوفمبر ...
تظُن أنّها النهاية، وفاجأةً يُصلح اللّه كُل شئ ♥️♥️ .!

.

















يارب ...


أشعر بالغضب والغضب وفقط الغضب ..

.
























"في علاقتي بالآخرين... أحب ع الدوام أنن يظلوا آخرين".

.




















وبعد,
بخاطري شيء
لا أعلم ما يكون..
لكن ع كل حال
سأدركك قريباً
لا مفر لك مني ..!


صباحكم قهوة يارفاق..

.















حركة عجية صراحة .. واكتشفت ان حبي للازرق مو بس كلام ,,,
عن طريق ميلادك يطلع لونك متخيلين.! ولوني >>
ياحبني :r-q-7:

https://h.top4top.io/p_1781cle6t1.jpg

23 هو اليوم
05 الشهر بالميلادي
98 اخر رقمين من عام ولادتي
واضيف كلمةcolor وتطلع النتيجة

جربووا ..!

.