مجتمع غلاك - موضوع الملـــــيون رد ( قصائد , خواطر , حكم , مواعظ , ادعية )

قالو تنام وقلت ودي على النوم
أود من ود الودود لولدها
ينام من قلبه خليٍ من هموم
مافيه ليله فاتته مارقدها
ماهوب مثلي دايم تقل مسموم
مستقبل مر الأمور ونكدها
الليلتين اللي مضن وامس واليوم
عيت تنام العين من ماهجدها
قضيتهنّ من لذة النوم محروم
أحل في حبآل الرجاء واعقدها
من حال ما عندي على هذي عزوم
ومن حال ازرع للعزايم جهدهـآ
لو نمت مـآسويت شين مع القوم
وان نمت تدوشني .. المزون برعدهآ
والمزنه الي وبلهآ وبلّ يحموم
فلوق رآسي كلهآ من بردهــآ
غصب علي أسكـر السمع واقوم
مآ طولنآ نقدر عليهآ وحدهـآ
عساني الحقهآ قبل تبعد الحوم
مآ تنلحق لو ينطلق قيد يدهآ
قبل العلوم اللي تجي بعدهآ علوم
واللي تجي بعدهآ من رودهآ
ما فات ما ينفع به الهوش واللوم
لا بدّ من دفن الأمور بمهدهآ
أنا علي اجابه الفرس والروم
والي على غيري يثبت عمدهآ
الاوله عقب جرح وكصوم
عدت وبقت درس للي بعدها
ان كان ما قلناه واضح ومفهوم
عليك يا المعني بها .. تعتمدها
الى متى باقي على جوك غيوم
نفسك ذلولك يمة الخير قدهآ
الطيب تجرة والردى مزرعة ثوم
وقال المثل من عزّ نفسه وجدهآ
وختامها تصبح على خير وتدوم
واعيدها لو قلت يافلان عدها

فرحان بن دبل العنزي
https://youtu.be/ZQR_-lDWqSk?t=31