|
رد: حكــاية قصيــرة ❥
صباح منعش، مليء بالنشاط المصطنع :ff1 (198):
كفاية دلع و تعب خل نرجع للحياة الطبيعيه،، الحالة اللي تبي تعيش فيها او المود،، لو مثلتها و ضليت تكرر هذا الموضوع راح يكون اسلوب حياتك.. و بعد فتره راح تصدق نفسك انك كذا،، طبعاً مثلوا اشياء حلوة و سعيدة تنعش حياتكم،، يعني قبل فتره كنت تعبانه، و كل ما اقول انا تعبانه صرت اتعب اكثر،، بس الحين تعبانه صح مو زي اول،، اخف،، بس لازم ارجع لحياتي الطبيعيه جالسه امثل النشاط و امارس اي شي يسعدني عشان انتعش :507: و حالياً انا نفضت الكسل عني و نازله اسوي كوكيز :ff1 (133): و صباحكم انتعاش :lo2: |
رد: حكــاية قصيــرة ❥
لما تجيني عميلة،، معتقداتها نفس معتقداتي،، و ميولها زي ميولي،،
يووه انسى نفسي معها،، نجلس نسولف و ننسى العالم حولنا.. هذول الناس انا منصته لهم و مستمعه جيدة جدا لهم.. حلو لما تتكلم مع شخص واعي هو فاهم ايش جالس يصير حوله و ليه جالس يصير.. فاهم نفسه قبل ما يحاول يفهم غيره.. عايش بحب و سلام و مسلم امره لله.. :lo2: |
رد: حكــاية قصيــرة ❥
الحمدلله على كل شي قاعد يصير،،
نعم الله كثيرة اعجز عن شكرها،، قد تكلمت مره عن افكارك كيف تقودك.. لي فتره مركزه على شغله معينه،، و اسعى فيها و الله ارسل لي انسانه على هواي،، و على مودي،،. و مبحره في الشغله اللي انا مركزه عليها،، الله يعرف اني صادقه و مركزه بكل صدق و اخلاص.. و ارسل لي هالانسانه.. الحمدلله.. اليوم كان سعيد بدرجه مبهره :507: و تصبحون على ما تحبون :lo2::10ل0: |
رد: حكــاية قصيــرة ❥
تعلمت في حياتي ان الاشياء اللي تأذي روحي و تكدرها احاول ما اركز عليها ,
ممكن تجي عيني عليها بس التركيز وقتها يكون صفر , لاني مقرره ان هذا الشي ما يزعلني ,, كل شي في حياتك هو نابع من قرارك , بعد مشيئة الله سبحانه و تعالى انت تقدر تصير , سعيد او حزين بالمعطيات اللي حولك و انت كيف تعاملت مع المواقف , كل شي يزعلك او انه يأثر عليك , حط له حد بالطريقة اللي تناسبك سواء بالتجاهل او بالكلام , المهم انك تحط له حد و تصنع داخلك مقاومه لهذا الشي و اي شيء يسعدك افتح له الباب على مصراعيه , و استقبله بحب و لا تبخل على نفسك بالسعاده او بالتعبير عن هذي السعادة مثلا انا سعيده من امس , و حاولت قدر المستطاع اني اعبر عن سعادتي بالطرق اللي احبها ,, و هذي السعاده , رجعت لي طاقة الكتابه ,, لذلك دائم الاشياء السعيدة ترفعك فوق فوق :507: راح ارجع و احكيكم عن اللي اسعدني يوماً ما الى ان تترابط الافكار في عقلي ,, مدام كتبت اليوم ب اريحيه لن اجهد روحي اكثر .. و انا ممتنه لها :lo2: لكن بيجي اليوم اللي اتكلم فيه عن اللي صار لي , و اللي ممكن البعض يعتبره هلوسه ,, او يعتبره افكار من صنعي و من خيالي لكنها بالنسبه لي حقيقة و ممكن هذا الشي ما يكون ذا اهمية عاليه , لكنه بالنسبه لي مس روحي بدرجه كبيرة ,, يسعد صباحكم , ي احبه :507: |
رد: حكــاية قصيــرة ❥
شعور غريب لما تلمس ضعف شخص و يجي ينهار قدامك..
كانت متماسكه الى اخر رمق و لم تعد تتحمل الوجع.. و انا لمست فيها احتياج لشيء ما،، لمست فيها التماسك رغم ما تعاني منه،، صغر سنها و ما تعانيه و ما تكابر عليه، مؤلم،، اذا الله اراد الخمس سنين الجايه راح تكون تحررها من كل شيء مؤذي.. لو سلمتني نفسها :ff1 (198): على الطاري تذكرت سالفه.. انا و امي اليوم تهاوشنا مين فاهمه الحياة اكثر :ff1 (101): اقولها انا فاهمة الحياة صح و اكثر منك،، تقولي و الله انك داجه.. بس فاضيه تقولين انا سعيده و انا سعيدة.. و انتي من جنبها،، قلت و الله انتي اللي فاهمه غلط خخخ <- شفتو اكثر من كذا مكابر و عناد خخخ طبعا امي فهمها غير عن فهمي لذلك اختلفنا و تهاوشنا خخخ و انا افهم هالاختلاف و لا يزعلني.. |
رد: حكــاية قصيــرة ❥
لا تعيش حياة مو حياتك .. لا تكبر المواضيع و لا تختلق احداث ,,
ممكن هي صارت فعلاً , و انت عقلك يبهرها و يكبرها ,, و يسوي لك افلام و يوهمك انك منكسر و ضعيف .. العقل الباطن يعرف كيف يخبرنا بما نريد ,, انت دورك لازم تعرف تتحكم و تدير مشاعرك كيف! يعني انت جالس تقول لنفسك انا حزين و منكسر ,, و كل شي حولي ما يساعدني و كل شي ضدي .. تلقائي عقلك الباطن صدق ,, و قام يوهمك انك فعلاً حزين ,, و تصير هالحاله تتلبسك و خلاص كل الاحداث حولك راح تشوفها ضدك .. و الحاله المعاكسه لها ,, انك تقول لنفسك , انا سعيد و كل شي حولي يمشي لصالحي ,, و انا كل يوم ازدهر و في صحه جيدة حقيقي راح ينعكس على روح و تكون احسن و احسن ,, انت فقط انتقي الكلمات اللي تقولها لنفسك صح ,, غذي روحك بالكلام الايجابي و الحلو .. كن كما تريد انت ,, بس قلنا نقولكم كلمتين جميله ,, و صباحكم جميل :lo2::10ل0: |
رد: حكــاية قصيــرة ❥
ما تعوق معي :ff1 (198):
https://l.top4top.io/p_2045r7zuk1.jpg The Age of Adaline) هو فيلم رومانسي وفنتازيا:507: الفلم شفته في الطيارة و انا احاول اتسلى ,, مودي هذي الافلام ,, يعني اللي يعرف افلام زي كذا يعلمني عليها :ff1 (101): يصير عليها حادث و يتوقف عمرها عند عمر معين و لا تكبر .. و لكم ان تتخيلون الشعور و الاحداث <- و تعييييييط :ff1 (198): |
رد: حكــاية قصيــرة ❥
ف اعتقادي، ان صاحب الخيال الواسع، متخم بالشعور..
و الخيال، حياة آخرى، لا ينتهي، إلا اذا فقدنا الذاكرة، عمداً |
رد: حكــاية قصيــرة ❥
بعد سبات دام عدة ايام، و لازلنا نقاومه و نحاربه،، لانه يدفن طبيعتنا الحلوة
اقولكم يسعد صباحكم و عساكم بخير،، :10ل0: |
رد: حكــاية قصيــرة ❥
ان تستيقظ، و انت مطمئن، معك من يشعرك بهدوء الحياة و انها لازالت بخير،
يبث فيك الروح التي افتقدتها لأيام، حولك عائلة جميلة تشعرك بالأمان.. تبتسم للمرآة، تحدث نفسك بكل شيء جميل و سعيد، يختفي المك و يزول، نضعف احياناً و نعود،، فقط نحتاج لصفعة :568: و انا عطاني الدكتور اقوى كف بحياتي.. بكل بساطه قالي انتي نصابه و جلس يضحك كل شي كان واضح قدامه بكل التفاصيل، بس ما حب انه يكبر الموضوع اكتشفت بعدها احنا اللي نكبر المواضيع و نجيب التعب لأنفسنا.. بمجرد تقول لنفسك انا تعبان انت تتعب بجد،، بس تغير طريقة تفكيرك و تغير الالفاظ اللي جالس تقولها لنفسك.. انت شوي شوي راح تلقى نفسك تتغير،، بطل تنتبه للاشياء الصغيره المؤلمة، و انتبه للاشياء الحلوه في حياتك.. و صباحكم سعيد :1201: |
رد: حكــاية قصيــرة ❥
ان تبكي و تملأ الارض دموعاً ,,
هذا لا يعطيك الحق ان تموت ! انت حي ما دامت الروح تتنفس ما دمت تستيقظ كل صباح و احبابك حولك و تمارس التفاصيل البسيطة تعيش و تنبهر , و تُدهش صباحكم حب و سلام :1201: |
رد: حكــاية قصيــرة ❥
عندما صافح قلبه قلبها ,
وضعو كل شيء جانباً ’ و بدأت الاحاديث تتوالى , هناك ما يقال و هناك ما لا يقال , لكن في تلك اللحظه تساوى كل شي , بدأت ترسم الصورة امامه و هو مغمض العينين , لونها بدقه متناهيه , و كأنه كان يبصرها .. الوانه الجميلة , كانت مشابهه للحقيقة . لولا تلك البقعة السوداء التي كانت تتوسع كلما اقتربت هي , علمت ان اقترابها يزيد الامر سوء , و فضلت ان تقف كالمتفرج , حتى تنتهي الحكايه ,, |
رد: حكــاية قصيــرة ❥
نشكر الله كل دقيقة و ثانية على كل حدث يصير بحياتنا سواء جيد ام اقل منه ..
ما حبيت اقول سيء , لان حياتنا مسيرها الله على ما يحب و يرضاه .. شهرين مروا في حياتي عدو على خير ان شاءالله ,, اعطيت نفسي كامل الحريه بالشعور بالتعب ,,ابد ما قاومته و سويت نفسي قويه لان جسمي كان يحتاج لشوية دلع .. و اتدلعت كفاية و اجازات و تسدح و تبطح ,, و ربي حط في طريقي دكتورين من افضل ما يكون .. يساعدونك نفسيا و جسمانيا <- دكتورين كيف الدلع بس خخخ انا قررت اتدلع يعني اتدلع ...(الفيس اللي احبه ) <- رانيا وين راح جيبيه لي و الا اصيح عليك ترا الدلع ماسك خط يا تجيبينه يا اخرب عليكم المنتدى ... دخت و انا ادور عليه و عصبت و راسي بدا يعورني <- كيف بس الحركات خخخ والله جاني غثيان مالقيته خخخخ انا بس اروح و ارجع تضيعون اغراضي <- دراما كوين خخخ طنقرت بجد خخخ <- الايجابيه رايحه فيها هاليومين :ff1 (46): |
رد: حكــاية قصيــرة ❥
:ff1 (198):
لقيته .- العصبيه شينه خخخ و الله عصبت ما شفته :568: رانيا حطي لي اختصار سهل <- رانيا بتعلقك مع اذنك :ff1 (46): الظاهر الحبوب بدا مفعولها خخخخخ |
رد: حكــاية قصيــرة ❥
اقتراب هذا الشعور يشعرني بالحزن، يشعرني بأن الحياة ستتوقف بين لحظة و اخرى، تموت كل اللحظات الجميلة في اوج اندفاعها و يتصاعد دخانها بلون وردي قاتم، و تميل كل الوجود الى العبوس إلا وجهي تعلوه نظرة تائهة و ذهن مشتت، و كبرياء يكاد يقتل كل من اواجه
تحذير، هناك روح قابلة للاشتعال، الرجاء عدم الاقتراب |
رد: حكــاية قصيــرة ❥
بعد نوم متقطع حاولت اني ما اصحى بدري ,, و انام ساعات اطول ,,
كنت اصحى كل ساعة و ارجع انام الين صارت الساعه عشرة لكن ما استفدت من هالنومه الا جسم مكسر و اخلاق خايسه خخ مره ثانيه اتوب و اذا فتحت عيني اصحى على طول زي دايم :199: *فقرة الحلطمه |
رد: حكــاية قصيــرة ❥
لا يوجد في حياتنا عقبه لا نستطيع تجاوزها , اذا اردنا
ف الحياة تضعنا في مواقف , و تمر علينا احداث , تعلمنا و تزيد من وعينا تجعلنا نفكر اكثر , نحاسب انفسنا , و نعيد من ترتيب الامور مررت بظروف كثيره , و احداث جعلتني احكم عقلي اكثر من العاطفة , لولا ان العاطفة كانت تحاول ان تغير من طريقة تفكيري , لكن تمت السيطره بنسبه كبيرة ,, و بالرغم من هذا الجانب القاسي من الحياة , هناك جانب لطيف , جانب جميل يستحق عاطفتك اكثر من اي جانب اخر في حياتك ,, جانب العائلة و الاصدقاء , يظهرون لك الحب و تبادلهم نفس الشعور هذا اللي يخلي حياتنا متوازنه , و صحية اكثر , يخليك تنسى كل لحظه الم و ضيق مرت عليك , تعرف ان وراك سند و عوض من الله ما اقول الا الله لا يحرمني من الناس الطيبه و الجميله اللي ف حياتي :11: |
رد: حكــاية قصيــرة ❥
نحتاج اوقات لراحة طويلة، بدون صوت و لا كلام و لا ازعاج..
و هذي الراحه ما تتحقق الا بالنوم.. امس كنت نايمة طول اليوم،، اصحى اصلي و اكل و ارجع انام،، صحيت الصباح الفجر،، و كملت نوم الى الساعه ٦ و نص،، يعني فللت نوم :n1: <- ي روحي ي الاختصار ممتنه ي رانيا.. لما صحيت،، كنت كل ما اطالع لنفسي ف المرايه القاني مكشرة و حزينه.. و قررت وقتها ابتسم لي،، و تلقائي لقيت نفسيتي تنشرح شوي شوي.. و حسيت اني جالسه اطبطب على نفسي.. رحت الدوام و كل شي جالس يصير لي جالس يزيد من طاقتي و يخفف التعب.. انا عارفه ان كلامنا لانفسنا و افكارنا هي اللي تصنع يومنا.. لكن الشخص طماع يحتاج ناس تقوله هالكلام و ترفع من معنوياته.. و انا تحقق لي هالشي من ثلاث اشخاص اليوم.. و اكثر شي اثر فيني،، اني كل ما حسيت بالراحه و الهدوء قلت الحمدلله و ربي جالس يزيدني من فضله الحمدلله :n1: و رانيا الشخص الرابع اليوم سوت لي اختصار لفيسي المفضل شي سهل و ما انساه و ينتمي لي،، و اخواتي اليوم بيدلعوني و يطلعوني مكان.. فيه اكثر من كذا دلع <- الظاهر انك تعودتي على الدلع خخخ يالله الحياه وحده و لازم نعيشها صح :511: |
رد: حكــاية قصيــرة ❥
لا تجهد نفسك بتفكير ما يجيب لك نتيجه، و لا يرفع من نفسك و روحك..
بهذا الاجهاد راح تتعب نفسك.. و تنزل من طاقتك و يزيد خمولك اشغل تفكيرك كيف تكون احسن، كيف تزيد من طاقتك و حماسك للحياة.. ما اقول هذا الكلام من فراغ،، انا تأذيت من هذا الاجهاد.. الى ما بديت اغير من تفكيري.. و ما كان هالتغيير سهل و بين يوم و ليلة.. اخذ مني وقت و كان عندي دافع اني ارجع اكثر حيويه و لازلت احاول،، الحياة و الاشخاص اللطيفين من حولنا يستحقون اننا نحارب و انت في النهاية تساعد نفسك .. فضفضه صباحيه، و صباحكم جميل :ff1 (12): |
رد: حكــاية قصيــرة ❥
^
انا مو بس ما اجهد نفسي،، انا ما افكر خلقه :n1: كذا بالقصد مقضيه حياتي نوم و دوام الين الله يفرجها خخ و الاجواء حولي تساعدني على كذا.. هدوء و جسمي خامل يساعد ع الخمول اوقات ودك تعيش حر حتى من التفكير،، و انا عايشه هذا الجو بس كذا انتهى شهر اوقست الكئيب.. الحمدلله و راح نبدأ شهر جديد ان شاءالله انه شهر خير و عافيه علي و عليكم يومكم سعيد :11: و صباحكم اجمل |
رد: حكــاية قصيــرة ❥
من زمان ما حسيت بفرحة الخميس،،
كانت الايام تعدي علي زي بعض،، و الخميس هذا مدري ليه احسه مختلف خميسكم فله :ff1 (126): |
رد: حكــاية قصيــرة ❥
اطمئنان، راحة و حُب..
اشعر بها اليوم.. اطمئنان : بأن الله مدبر امرك، كتب لك في كل خطوة خير لك.. رسم لك حياتك بشكل اجمل مما تخيلته راحة : بعد اطمئنانك، على نفسك و على من تحب.. انك بخير و هم بخير حب : كمية الحب اللي وصلتني من اعز ناسي،، خوفهم علي،، دعائهم لي.. تخليني احس بشعور لا يمكن اوصفه.. حب للناس اللطيفه اللي حولي،، الله لا يحرمني منهم |
رد: حكــاية قصيــرة ❥
صباحكم جميل، و هاديء و رايق،،
ودي اسولف،، بس ما عندي سالفه :n1: احس عقلي جديد ما فيه و لا فكرة و لا سالفه خخ قد حسيتو هذا الشعور؟.. تحسون كأنكم ولدتو من جديد.. توكم تتعرفون ع الحياة.. كل شي يمر عليكم كأنه اول مره يمر.. امس امي تبي اسوي لها شغله في جوالها،، قلت لها ما اعرف قالت انتي دايم تسوينها لي،، قلت نسيت استني شوي اتذكر.. :n1: الحين ابرمج عقلي زي ما ابي <- خخخ و ابدا اتعرف على الناس من جديد :ff1 (137): عرفوني على نفسكم :532: |
رد: حكــاية قصيــرة ❥
:ff1 (12):
يالله كيف تكون الحياة هاديه و رايقه اذا كنتو بخير،، كيف في لحظتها ننسى كل الاوجاع اللي مرت.. و ما نذكر منها الا اللحظات اللي كانو الناس فيها يساندوننا و يدعمونا.. هذا كله بفضل الله علينا.. و يعلمنا الصبر و كيف ان كل لحظة ضعف راح تمر بسلام.. ممتنه للاشخاص اللي دعموني، و ساندوني،، و دعو لي.. :ff1 (12): بدون العائلة و الاصدقاء.. نضعف و ننهزم.. و هم مصدر كبير للتشافي :ff1 (12): الحمدلله :ff1 (12): |
رد: حكــاية قصيــرة ❥
هل الافكار اللي جاتني الحين بكرة بصحى و انساها او يفوز علي الكسل!
ي خبر اليوم بفلوس،، بكره يبئا ببلاش :n1: الفترة هذي كثير كذبت على نفسي و صدقتها :ff1 (137): صدقتها لاني ابي اواسيها و احسسها انها لازالت منتجه و زي ما كانت.. مدري هذا الكذب زين و الا شين بس انه مناسبني :n1: يالله تصبحون على ما تحبون :ff1 (12): |
رد: حكــاية قصيــرة ❥
اقتباس:
ابشركم النوم فاز علي :n1: بس يالله بكرة خير دامني بخير :ff1 (12): كيف اصبحتو ان شاءالله بخير،، و اهدي نفسي اغنية عوافي ي قلبي تعبت :ff1 (12): و صباحكم لطيف ان شاءالله |
رد: حكــاية قصيــرة ❥
https://k.top4top.io/p_2078d8q4y0.jpg
و انا اتصفح المفكرة في جوالي.. لقيت هذي الرسالة كنت كاتبتها لنفسي قبل سنتين.. و كان عندي هدف لما يصير عمري اربعين اكون متحرره من اي شعور مؤذي بعد ما جربت كل المشاعر اللي ممكن تتخيلونها في الحياة و سامحت نفسي و سامحت ظروفي و تصالحت مع الماضي.. فعلاً هدأت روحي كثييير، حلو تكتب لنفسك رساله، و تقراها في الوقت اللي تحدده رساله تكون محفزه و متفائلة،، و مليانه مشاعر حب لنفسك حتى تجذب كل شي جميل لك.. :ff1 (12): |
رد: حكــاية قصيــرة ❥
زمان كنت احب اقرا في الابراج , و مؤمنة ب ارتباطها بصفات الشخص ,
بس اكيد في عوامل تغير من شخصية الشخص , يعني ممكن صفة البرج ما تطابق الشخص لانه ممكن تأثر بعوامل اخرى من ظروف شخصية و غيره ,, و مؤمنه ان شخصياتنا و صفاتنا لها علاقة بالكواكب و الفلك ,, لان ارواحنا جزء من السماء ,, و جزء من الارض بعد ,, تقولون لي كيف ! <- بدينا الهلوسه خخخ شخصيتنا لها علاقه بالورد , كما لها علاقة بالاحجار الكريمه <- نتكلم فيه بعدين خلونا في الورد :ff1 (137): اللي اثار هذا التفكير , موقع طلعت لي دعايته يسوي سلاسل بزهرة شهر ميلادك .. رحت ابحث عن هذا الموضوع ,, و لقيت كلام يناسب مزاجي <- ي ليل الليل :98: بوريكم زهرتي اسمها : زنبق الوادي اسمها العلمي هو Convallaria majalis. هي زهرة الاول من شهر مايو , و يقال انها ترمز للحظ و السعادة ممكن لانها من الازهار المعمرة ..! بس اللي استغربته انها زهرة سامة , متناقضه لحد كبير , لذلك حسيتها قريبه من شخصيتي :n1: و لازم تكون صبور عليها لانها ما تزهر بسرعه ,, تاخذ سنوات حتى تزهر .. و تنمو بشكل افضل في اماكن الظل ,, https://l.top4top.io/p_2079svxf21.jpg https://www.magltk.com/wp-content/up...8%AF%D9%8A.jpg و هنا يتكلمون عن الزهرة ك برج : زنبق الوادي حساس وهش. يمكن الخلط بين الحاسم في حد ذاته إذا كان حازما. نادراً ما يكون هؤلاء الأشخاص قادرين على الدفاع عن أنفسهم ، وغالبًا ما يكونون حزينين. هؤلاء أناس متواضعون وخجولون ، وغالبًا ما يكون لهم صوت هادئ ومظهر رائع. غالبًا ما تصبح الزنابق في الوادي معلمين ودعاة - وهم قادرون على نقل خبرتهم ومعرفتهم. الاجتهاد هو السمة المميزة لهذا الشخص. زنبق الوادي هو رجل عائلة حقيقي يجد الدعم والحماية والاستقرار في أقربائه. تحب زنابق الوادي أطفالها كثيراً ، وتحميهم لفترة طويلة ، وهم قلقون للغاية طوال حياتهم. بس حبينا نتفلسف و نهلوس على روسكم خخخ اذا عجبكم الموضوع اعطوني تواريخ ميلادكم و اطلع لكم زهراتكم :568: الدعوة فله و وناسه , و لحسة مخ لحد يدقق :n1: |
رد: حكــاية قصيــرة ❥
ممتلئة جداً بتفاصيل كثيرة ,
دقيقة جداً و حساسة , لا تُثار ,, لانها ستنسكب دفعة واحدة و لا تستطيع ايقافها , |
رد: حكــاية قصيــرة ❥
يختار لنا الله اشكالنا، اسمائنا، و اقدارنا،
يسيرنا كيف يشاء، و نرضى بكل شيء، و يجب ان ننظر لحياتنا بأنها افضل حياة على الاطلاق.. مهما واجهت، و تعثرت، تغيرت الظروف،، لابد ان تعود و تستقيم، و اخلق من التفاصيل العاديه و غير مهمه، شيء مبهر و صباحكم حب :11: |
رد: حكــاية قصيــرة ❥
https://l.top4top.io/p_2086t9seq1.png
لبى السرطان اللي متعبني و يسعدني في نفس الوقت ,, انا وياه ترا حكاية حب عميقة لو تدرين :1115: بيننا تقبل و مناوشات كثيره ,, بس اكثر شي يتعبني معه مزاجيته العاليه ,, و الدراما اللي يسويها خخخ <- بنتي سرطان عشان كذا انا حافظتكم :ff1 (127): يؤ طلعنا عن لب الموضوع :n1: https://d.top4top.io/p_2086m8piv1.jpg زهرة شهر يونيو الورد (الاسم العلمي: Rosa) تدل التواضع واللطف وترمز أيضا للعودة للسعادة مجددا. .. لها اشكال عديدة , و مواطن كثيرة ,, اي انها بكل مكان تزهر ,, و هذي شخصية السرطان وين ما تحطه يبدع و يزهر .. و بسبب مزاجيته انت ممكن تشوفه بوجوه كثيره و مختلفة عن بعض ,, محاط بكثير من المحبين و ايضاً كثير من الحاسدين .. حساس مررره و ممكن يتأثر بكلام الناس ,, بس لازم يعود نفسه يصير قوي و يواجه الحياة ,, بس ذكي و يعرف نوايا الناس ,, و هذا اللي ممكن ينقذه من مواقف كثير .. جميل جداً ,, و ذا رائحة زكية بالتالي بأي مكان يكون موجود فيه يترك اثر .. اشكالها و الوانها المختلفه https://b.top4top.io/p_2086uxj4e1.png هذي وردتك ي @رآنيا و انا عارفة انك بتحبينها :ff1 (127): و ترا الموضوع و الكلام اجتهاد شخصي و تأمل في الشخصيات ,, بالاضافة الى معلومات جالسه اقرا فيها ,, و اقارن بينها و بين اللي اشوفه .. و اعدل عليها باللي اشوفها مناسب ,, و بعضاً من الهلوسه :n1: يعني خذو و خلو :138: :النور: |
رد: حكــاية قصيــرة ❥
مريت بمرحلة في حياتي،،
خلتني احب العزله،، احب اجلس لحالي،، اجلس مع الناس الحين ما القى كلمات،، كأني نسيت كيف اسولف كيف افكر، و كيف افتح مواضيع،، صرت اميل للكتابه اكثر من الكلام،، صح انا مرتاحه في هذا الوضع،، بس احتاج ارجع زي اول،، :n1: و مع الايام برجع :ff1 (138): |
رد: حكــاية قصيــرة ❥
اجتهد و اعمل حتى يكون تأثيرك طيباً
صباحكم خير :87: |
رد: حكــاية قصيــرة ❥
صباح الحب و صباح السعادة..
الرسايل الصباحية مهمة جداً بالنسبة لي احبها بشكل ما تتخيلونه.. فما بالك تجي من اشخاص انت تقدرهم و تحبهم و لهم مكانه خاصه عندك... فآجأتني رسالة الصباح مضمونها " احبك" من انسانه قريبه من روحي حقيقي صنعت لي صباحي.. https://l.top4top.io/p_2090d6zvx0.jpg من بنتي الروحيه :11: سمو المجد حاولت انها تسوي فيني مقلب بس تناحة الصباح حالت دون ذلك :n1: خخخ حاولت انها ترد لي مقلب سويته فيها بس قلبها الرهيف ما ساعادها <- مقالبهم زي وجيههم خخ اكيد حلوه،،، :ff1 (13): ممتنه للاشخاص الحلوه ف حياتي :11: |
رد: حكــاية قصيــرة ❥
في كل مره اشعر ان الحياة ضدي , كنت اختفي عن الانظار حتى ارمم روحي ,
الا في هذه المره , انا اواجه الحياة , بكل بجاحة :ff1 (204): |
رد: حكــاية قصيــرة ❥
لا تزرع بداخلي فكرة
و تطلب مني ان افكر بعكسها،، عندما كنت انا نقطة تحول لك، كنت انت مصدر قوتي و ثباتي،، :1201: |
رد: حكــاية قصيــرة ❥
تذكرت حلم حلمت فيه اليوم زعلني شوي :n1:
حلمت اني قصيت شعري :r-q-7: ان شاءالله انه خير،، و اول تفسير طلع قدامي كان مريح.. و عندي قناعه ان التفسير الاول للحلم.. يقع :1115: اللي زعلني اني جالسه اهتم بشعري،، و اغير اللوك للشعر الطويل بس الحمدلله انه حلم :n1: |
رد: حكــاية قصيــرة ❥
تذكرون قبس من نور و الا ما تذكرونه :n1:
بعذركم لو نسيتوه .. لان قصرت بحقه كثير ,, و كنت بحاله ما اقدر اعطيه حقه ,, لكن اليوم عندنا موضوع نتكلم فيه ... " قَبْسٌ مِن نُور " اهلاً ب اصدقائي الاعزاء ,, من واقع تجربه , راح اتكلم اليوم عن الانجاز .. " الانجاز " كيف تكون منجز في حياتك ,, و كيف تنهي الاشياء و الاعمال اللي انت اجلتها بحجة ان عندك مشاغل , و ما عندك وقت و الى غيره من الاعذار اللي اعتبرها واهيه و ايش شعورك بعد الانجاز , و ايش الاحساس اللي يخلقه فيك الانجاز .. اول شي ممكن تسويه , تكتب مهامك , و لو كانت صغيرة و تشوفها تافهه ,, لما تكتب القائمة الطويلة اللي تعتقد بعد كتابتها انك مستحيل تنجزها ..! النقطة الاولى :قسّم المهام على ايامك ,, بالتالي لما تقسمها تهون عليك و ما تشوفها كبيره .. النقطة الثانية :, تراعي الاولويات .. ايش المهمة اللي راح تنفدها اول ,, و النقطة الثالثه: و الاهم , انك تتنازل عن الكسل و التخاذل .. و هذي النقطه هي المشكله الازليه لنا ,, احنا مبدعين و عندنا افكار كثير , بس الكسل يخلينا نتخاذل و انا منكم .. و ممكن اعتبر اكثركم كسل ,, يعني لي كم يوم و انا ابي اصور شي عندي ,, و مهم اني اصوره بس كنت كسلانه .. بس لما حللت اهمية هذا الشي و اهمية تصويره ,, انا تشجعت و قلت يا بنت بلاش كسل هذي ثلاث نقاط من وجهة نظري و اشوفها الاهم ,, بالمقابل ايش تحس لما انت تنجز , كم شغلة في وقتها المحدد .. ايش شعورك ,, لما انت كتبت المهام ,, و قسمتها , و نفضت عنك الكسل و انجزت ,, " شعورك " راح تفخر بنفسك , و هذا الشيء يزيد ثقتك بنفسك , و يزيد عطائك راح تشعر بالسعادة , انه واو انا سويت كلها هذا ,, خططت و انجزت شعور السعادة هنا مختلف تماماً عن اي سعادة اخرى و شعور اخر حاجه ترفعك لفوق .. و تقويك , تحمسك و تخليك تنجز اكثر , كثير مننا ما يكتب اهدافه , و لا يعلقها قدامه و يخليها ف راسه ,, و انا كذا اوقات .. بس شعور لما تكتب و تنجز ,, ترا مرره مختلف تماماً و انا مجربه هذا الشيء شيء يحسسك انك قوي و قادر , و هي حقيقتاً احنا اقوياء و نقدر .. بس ما نعطي انفسنا فرصة .. اعطي نفسك فرصة , اكتب مهامك , و انجز , راح تحس بشعور جميل , و سعادة مختلفه ,, هذا كان موضوعنا لليوم , تكلمت فيه بكل عفويه و بدون ترتيب زي ما انتم عارفين .. و اللي ما يعرفون , هذا برنامج العفوي اللي بدون ترتيب و لا تنسيق من القلب الى القلب :1115: و شكرا لكم :1201: |
رد: حكــاية قصيــرة ❥
من الاشياء السعيده اذا سويتها انا انتعش و احس اني متجددة
اني اروح للبلد و احوس في محلات الجمله :614: انا وقتها احس اني تاجره و اجهز لمحلي خخخ :n1: و بس اخذت جرعة سعادة و صباحكم سعادة :1115: |
رد: حكــاية قصيــرة ❥
لأول مرة أنا اقرأ، و كل شيء بداخلي ساكن..
لا ادري هل هو الهدوء الذي يسبق العاصفة.. ام ان الرياح ساكنه و العاصفه لن تهب..! روحي ساكنة و تنتظر العاصفة.. روحي التي نست كل شيء، و لا تتذكر الا وقوفك الصامت،، مللت و انا استجدي حروفك حتى تنهمر،، و انهمرت على هيئة رسالة تحمل من المتناقضات الكثير،، لم استطع ان افك رموزها،، و مزقتها..! |
| الساعة الآن 05:55 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
adv helm by : llssll
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2026 DragonByte Technologies Ltd.
بسرقتك لأفكارنا وجهد اعضاءنا أنت تثبت لنا بأننا الأفضل ..~