رد: بين الرجا والبوح والدمع وآمين ربٍّ كبير .. و باقي العالم صغار .
 

وأعوذُ بك ألف مرة، أن نقع فِ ما كُنَّا ننهى النَّاس عنه.

رد: بين الرجا والبوح والدمع وآمين ربٍّ كبير .. و باقي العالم صغار .
 

‏" نحن نجهل قوتنا حتى نفقدها. "

‏-طلال عواجي | الجثة الحية

رد: بين الرجا والبوح والدمع وآمين ربٍّ كبير .. و باقي العالم صغار .
 

يَ رب فِ هذه العشر الفضيلة
تنير قلبي وتهديني الى الصراط المستقيم وتشرح صدري
وتغفرلي ذنوبي م علمت منها ومَ لم أعلم
ولاتختبر صبري وقوة تحملي فِ نفسي أو فِ أهلي
وتُحسن خُلقي الى الاحسن
اللهم اشفي مرضانا واشفي مرضى المسلمين وعافِ مبتلانا



يَ رب انت وحدك اعلم بما يختلج صدري وبما يؤرق فكري
فِ يسره وأجعله هيناً ليناً




اجعلوا لي نصيباً من دعائكم فِ هذه الايام الفضيلة
ولكم نصيباً من دعائي دائماً :11:

كلام لازم اطلعه برا صدري .
 

ناس عجيبه غريبه
نفسي افهم تركبيتهم العقلية
شنو يحسون فيه صدق صدق



فتحنا جوالاتنا قبل الفطور بساعه او اقل
كلن على حده

الا حالات الواتس والسنابات
كلها اللهم اشفِ ناصر ودعاء طويل ورده رداً جميلا

قسم بالله م ندري شنو الموضوع ولاندري شنو صاير
بس عرفنا فيه شئ مستجد
ونبي امي وابوي بس يفطرون وانا تركت كل شئ وقعدت احوم حولهم اراقبهم



وحده من خواتي كانت نايمه صحت تشيك ع جوالها وبعدين قعدت تدق عليهم وم يردون
ترسلهم واتس م يردون
بعدين ردت وحده تقول ادعو له ف العنايه وحالته حرجه وقفلت جوالها
من المغرب الى الساعه 9
ردت وحده من خواته علينا تبكي ومنهاره
تعطلت الرئه عنده والوعي عنده صفر وهو ف العنايه وممنوع احد يدخل عليه
وحالته جداً حرجه

كل هذا وهو مو ف الرياض
هو ف جده

تخيلوا كيفية نقل خبر فاجعه نفس كذا بهالطريقة ذي
ليش طيب
والله من جد ليش

افرضو ان فيه احد م يتحمل ويجيه شئ
وحده من خواتي ضرب الضغط عندها وهي م فيها شئ والله
امي وابوي اعرفهم مستحيل يوضحون حزنهم او صدمتهم
بس قسم بالله وجيهم سوداء
ناشفه
سعود وبدر م افطروا مشوو لجده وهم منفجعين
وصلهم الخبر من سنابات اخوانه
ي الله
من جد ي الله


بس الواحد يشغل مخه شوي
هـ الاخبار م تنقل كذا
والله العظيم م تنقل كذا
مو شئ والسلام عليكم

لو انا وعنده بالبيت ونايمه م تجي تصحيني وتقول لي اخبار زي كذا
كيف وحنا بعيد مررره
وزودن ع كذا مقفلين جوالاتهم او م يردون او يردون بكلمات مفجعه مرره


صرت اكره السناب والواتس بسبة الحركات الغير مدروسه
اللي افعلها للحظتها مو مدرك للطرف الاخر كيف بيتلقى الخبر



مو قادرة استوعب
قسم بالله مو قادرة
الى الان قلوبنا ترجف من الروعه
الى الان نحس زي الشئ ضاغط ع انفاسنا
مو قادرين نستوعب ولا قادرين نعبر ولاشئ



اصبر نفسي والا اصبر امي مع ان امي ماشاء الله تبارك الله
من يوم شافت الحالات وهي لا حول الله لاحول الله الله يهديكم الله يهديكم


ورحنا لزوجته
الله يصبرها ويقوي ايمانها
م درت الا من حالات خواته
وهو بجده وهي بالرياض

ي ربي تلطف بحالها وحال اطفالها
بنتها تسألني شفيكم
ابوي شفيه
وتقول لامها بتروحين لابوي قالت اي
قالت قولي له النوري تسلم عليك وتحبك
وودها تزورك وتشوفك بس المستشفى ممنوع الاطفال


ذبحتني
قسم بالله جتني صيحه من قلبي وماسكتها للحين
الصيحه اللي تحسونها عظم ناشب ببلعومكم

ي رب الصبر والصبر والصبر والسلوان


ليش تحطون هـ الاطفال بالموقف هذا
انهم يشوفون امهم بهالمنظر وهي منهاره ومفجوعه

تراها كسره وروعه م تروح مننا وحنا كبار وبالغين وعاقلين
كيف الاطفال




ي رب تستر ع اللي مشوا لجده
وتلهمنا الصبر

رد: بين الرجا والبوح والدمع وآمين ربٍّ كبير .. و باقي العالم صغار .
 

‏"اللهم إني أحسنتُ بكَ الظَّن فاجبُرْني".

رد: بين الرجا والبوح والدمع وآمين ربٍّ كبير .. و باقي العالم صغار .
 

‏لا غيّب الله أفراحكم وأدام الله مسرّاتكم
‏ وجعل الله دائمًا جوهر اعيادكم فِ صحّتكم وعافيتكم وسلامـة قلوبكم ومن تحبون♥.