رد: كشكول حياتي
 

مساء الخير



تجيكم مسجات مثلي من نزاهه والا بس انا
مرات احس اني مسوي شيء وانا مالي دخل هههههه
واذا قالوا بتعاونكم باشرت هيئة الفساد اتلفت احس احد يراقبني ههههههه
شكلي لازم ادور لي شيخ يقراء علي :ff1 (137):

رد: كشكول حياتي
 

منورين ياعرب

قاعد اضبط لي كبسة
اللي فاضي يجي حياه
طبعاً اهم شي يجي ويصور طبخي هههههه
<= ودي احط صورة الكبسه بس ماعرف
الجوع اقشر وماتغديت وجوعان وبسوي رياضه
مابقى الا اعلمكم باسم امي هههههههههههههه
بروح قبل اجيب العيد هع <= زمان ياما كتبنا هع

رد: كشكول حياتي
 

حين تستيقظ في الصباح الباكر
يصبح يومك جميلاً ورائعاً
تشعر بالتفاؤل والنشاط
تشعر بالمرح والسعاده

يارب سامحني <== مواصل :ff1 (234):

رد: كشكول حياتي
 

:66:


الرياض تخليك تبكي من الوناسه
الجو روعه وامطار وغيوم وبراد
والشوارع فاضيه تتمشى فيها على راحتك
واي مكان تنزل فيه عادي مو لازم تطفي سيارتك
ادري محسود انا ف الرياض
عقبال ماتجربون شعوري <= لحد يقول امين هههههههه

رد: كشكول حياتي
 

أن تظن شيء وأن ترى شيء اخر
.. وقد لايبدوا كل شيء كما تراه

رد: كشكول حياتي
 

يبعث روح المنافسة والاعضاء وهو كنه ابن الجيران مِن المنتدى السابع ع اللفة اليمين ما حرك فيه اي حماس




وانا اقراء التقييم حسيت ان المنتدى امي وانا الولد العاق
تخيلت اني موجود في غرفتي ( مدونتي ) واذا طلعت رحت المطبخ ورجعت هههههه
عندي تأنيب ضمير وتصالح مع ذاتي وقناعات خاصه



عاد ابي افضفض مع ان التقييم كان للمداعبه مو للانتقاد
وكان معاه فيس يضحك بس مع النسخ ماجاء هنا

فعلاً انا كسول من ناحية التفاعل من ناحية الكتابه
يمكن انا مزاجي بطبعي
يمكن طريقتي تعودت اكون كذا
احيان البعض يشعر اني حزين من خلال مواضيعي
لكن هي عادت انسجمت مع نفسي فيها
توجهي بشكل عام كتابة خواطر وقراءة خواطر
لكن تاخذ المدونات اهميه كبيره لي
احب اقراء كل المدونات وخصوصا باقلام الاعضاء
احب العفويه في مدونات البعض حتى لو مافيه هدف
برضوا انا انسان مايعرف يجامل ان جاملت فهو بحدود معينه
لاتتعدى كلمه لطيفه ماعرف اكتب واقدس وارفع بالاخرين ههههه
برضوا اتجنب الانتقاد لأني اعرف اني احط النقاط ع الحروف
اشوف اخطاء كثيره مثلا اقول مالي دخل وابتعد عن الرد
اشوف ردود استحي اني اقراها كيف لو كنت كاتبها
بصراحه فيه سبب هام عندي يمكن الجميع يشوفه مو مقنع
انا من زمان ضد الكم ومع الكيفيه لكن لا امانع من الكميه
الله يقوي اللي شادين حيلهم والله يقوي اللي همهم المنتدى فعلاً
لكن جميعاً كل واحد منا له كاريزما خاصه وقناعات معينه وهدف خاص فيه
لما اكتب موضوع ويجي عضو ويعطيه حقه هذا يكفيني ولما يردون الجميع ردود نسخ لصق
هالشيء يخليني اندم اني اعتمدت هالموضوع حتى لو موضوعي متواضع
انا بنظري انه دام بقلمي يعني لي مجهود وماارضى يضيع بين ردود تلقائيه
ايضاً البعض يقول الافضل ترد احسن من تترك الموضوع
انا ماعرف ارد ع موضوع اي رد لازم اعطي الموضوع حقه والا اتركه كذا قناعاتي الخاصه
يمكن الكثير لايتفق معاي لكن سموها طبع او مزاجيه هذا انا
صدفه او نادراً تلاقوني في الالعاب او التواصل مع الاعضاء وميانه وكذا
لكن لما القى احد يدردش في صندوق المحادثات تلاقوني حاضر وبقوه
لكن سوالف من خلال الخاص او التقييمات انا انفر من الامور وابتعد عنها كثير
مع هذا بعض التقييمات تكون على هيئة مداعبه محموده ولطيفه مثل التقييم اللي فوق
ماودي اتطرق لأمور تخص المنتدى ابد لكن حبيت اوضح صوره عني من خلال وجودي بينكم
وشاكر ومقدر كل شخص اعطاني من وقته من خلال تفاعله في مواضيعي او مدونتي
وان شاءالله اكون اللي مر ولا ضر واللي جاء وراح ومااساء لأحد
وشكراً من القلب لصاحبة التقييم واللي اعتبرها في هالمنتدى اختي
وربي يسعدكم جميعاً

1+1= محال <= توقيعي ههههههههه