رد: حكــاية قصيــرة ❥
 

https://d.top4top.io/p_1999d443m1.png

حملت أليستريتور على اساس بسوي لي شعار جديد ,,
جلست اخبص فيه و هذا اللي طلع معي ,, صح ما اعتمدته للحين ,,
و الالوان اختارتها اختي و لسى افكر فيها

احب تصميم الشعارات بس ما اعرف له ,, و الحين جالسه اتدرب على نفسي و اسوي لي شعار :507:

رد: حكــاية قصيــرة ❥
 

https://b.top4top.io/p_2001hjt7g1.png


بس كيف ! :ff1 (198):

للحين مو عارفه للبرنامج زين بس تحملوني راح اغثكم بالشعارات :ff1 (133):

رد: حكــاية قصيــرة ❥
 

اين كنت قبل كل هذا..!
كيف سمحت لهذا الدمار ان يحدث..!

رد: حكــاية قصيــرة ❥
 

يسعد صباحكم ,,


مخي لما يعلق على شي خلاص ما اقدر اتحكم فيه :ff1 (198): ,,
و يصير بس يبي يسوي هذا الشيء و اي شي ثاني مايبي يسويه <- كم مره قلت شي خخخ





https://f.top4top.io/p_2003ofrbg1.png

رد: حكــاية قصيــرة ❥
 

نوريكم كيكة غادة اللي زينتها ,,
بنتي كل شوي طالعتلها بفكره , و هالمره بتتعلم كيف تزين الكيك ,,
جبت الكيك الجاهز ,, عشان كل تركيزنا كان اننا نسوي الكريمه و نزين الكيك ..
بس الله لا يوريكم على الهواش اللي يصير ف المطبخ
هي عصبيه و ما تسمع الكلام و انا عنيدة ,, بس الحمدلله عدت على خير :ff1 (198):
و النتيجه اعجبتها و انبسطت مرره


https://j.top4top.io/p_2003c67r81.jpg

رد: حكــاية قصيــرة ❥
 

اتصلت علي وحده من صديقاتي،، و تذكرت موقف صار معنا الخميس،،
و انه لازال في الناس نفسيات تعبانه تتعب لو تشوفك مبسوط و سعيد.
شخصيات، مسويه نفسها انا واو،، و يزعجها لو فيه اشخاص ممكن تكون احسن منها..

اللي صار الخميس اللي راح.. فجأة دقت علي صديقتي في الفرع و ساكنه بنفس الحي،،
قالت وينك،، امرك نروح سوى الفرع،، قلت يالله قدام،، :507:
المهم كان يوم سعيد،،، بتفاصيله الجميلة..
البنت مره لطيفه،، على انه انا وياها شخصيات مختلفة مره هي شرق و انا غرب..
بس ارواحنا متآلفه..


صار مشكلة بسيطه سوتها البنت ذاك اليوم،، انا نبهتها عليها قلت الان الان تعدلين
مو عشاني احبها تغاضيت،، لكن لان البنت شغلها مرتب و شايلة الفرع شيل.. لذلك اقدر لها هذا الشيء
و المشاكل ما تنتهي في شغلنا،،


الى هنا حلوين،،

مين كبر المشكلة،، المديرة،، كبرتها و افادة و مدري ايش،،
وصل الكلام لمديره المنطقه و صارت سالفه،،
ليييه كل هذا مدري،،


المهم انها نكدت ع الكل،،


الحين تتصل البنت،، تقول مابي امرك بس جيبيلي حليب معك خخ
قلت اصلا من قال اني ابي اروح معك :ff1 (198):



ما يستفاد : انشغل بنفسك و اترك العالم في حالهم :507:

رد: حكــاية قصيــرة ❥
 

ما اجمل ان تعيش قصة حالمة , انت و ذاتك و افكارك الجميلة ..
حتى و ان سارت الامور ببطئ , هي جميلة , ملهمة ,
رسمت الحلم , لوحة مُبهرة بالتفاصيل الانيقة , و الوانها المثيرة ,
كانت ادق التفاصيل تأخذني لذاك العالم المنير ,
وجدت فيه ما يثير شجوني , يخبرني ب ان العالم لازال بخير
و ان الايام القادمة بمفعمة باللهفة , و كل شعور لطيف .



صباحكم جميل , كجمال الشعور داخلي ,
:507:

رد: حكــاية قصيــرة ❥
 

اليوم : يوم ميلاد قلبي , و الجزء الجميل من روحي ,
بنتي غاده
تذكرت كلمات كتبتها فيها :507:







https://f.top4top.io/p_2005cdot61.png


هذي غادة
حبيبة القلب
و ودادة

أميرتي
سكر زيادة

،

هذي غادة

تملك القلب
و السيادة

من زود حبها
أصبح لي عادة

،

هذي غادة

جنة الروح
و السعادة

فرحتي ، طفلتي
حبي من مهادة

،


هذي غادة

بلسم القلب
و علاجه

قلبي
و روحي
لـ غادة

،

ما يحق أفرح يَ سادة


:507:

رد: حكــاية قصيــرة ❥
 

كل ما يحدث لي،، و خصوصاً في الفترة الاخيرة،،
كانت تفسيراته واضحه اليوم،،
و ان شاءالله راح ابدأ الرحلة الجديدة،،
و تكون الاوضاع افضل

سبحان من جعل حياتنا، رحلات لا تنتهي..
و كل رحلة تعلمك و تقويك اكثر،،

رد: حكــاية قصيــرة ❥
 

لا تدخل حياة شخص , الا لما تكون قادر انك تضيف اضافة جميلة لحياته ,
قادر انك تخلق من روحه روح مختلفه , قادر تكون في نفس الدرجه او اعلى منها ,
و مافي اي تصرف او سلوك ممكن ينزلك ,
قادر ان تجعله طفل يعانق السماء , و عاقل لدرجه الابهار ,


لذلك اسأل نفسك : هل انا قادر على كل هذا ..!
و على حسب الاجابه تحدد مسارك ..



يسعد صباحكم ,, :10ل0:

رد: حكــاية قصيــرة ❥
 

اعيش غريبة، لا أتذكر الأحداث، و امشي بجسد لا يمت لي بصلة، اتخبط و لا أعلم من انا سوى بتلك الصور الذي وضعوها أمامي لأتذكر، ذاكرتي تصرخ لكي أعود و جسدي يقاوم و يرفض العودة، هو خائف من تلك الأمور الذي لا يتذكرها بعد أن كسى وجهي الشحوب،
فقط اخترت ان اكون اللاشيء، كي لا أعود،

رد: حكــاية قصيــرة ❥
 

https://i.pinimg.com/564x/d4/a7/fa/d...a5e630291c.jpg


ايش الاحساس اللي يوصلك و انت جالس في هالمكان ؟

رد: حكــاية قصيــرة ❥
 

تعجبني الشخصيات اللي تبهرني كل ما اشوفها ,
تبهرني بشي مميز في شخصياتهم , لهم نمط ثابت و مميز و ما تحس فيهم تشتت في اسلوب حياتهم ,,
ماشين على نمط واحد , بس في المقابل هالنمط جالس يبهرك , النمط يتجدد بطريقه عجيبه

كل ما اشوف منهم شي لازم اقول " يوه " :ff1 (198):

رد: حكــاية قصيــرة ❥
 

https://g.top4top.io/p_20074s4cw0.jpg

و لك في خيال العاشق المهتوي ميعاد
و مجلس على غيمه و ليلة قمر نجدي

دائماً ترتبط الصور بالشعور و الاغاني..
جبتها صح 👍🏻



..


https://h.top4top.io/p_2007zdpn71.jpg


عساك دوم مرتاحه و رايقة:507:

رد: حكــاية قصيــرة ❥
 

https://j.top4top.io/p_2007nhxrp0.jpg


لا يوهك غير عن يوهي خخخ
ال يوه حقتي تكاد لا تُسمع :ff1 (198):






https://k.top4top.io/p_20073zrx31.jpg



انتي ينقالك اشياء ثانيه :507: <- ما تعيش بدون مؤثرات صوتيه خخ

شخصيات اليوه،، لحد الان صارو ثلاثه

:write:

رد: حكــاية قصيــرة ❥
 

https://f.top4top.io/p_2009hc66l1.png



من زمان عن الفتوشوب , و خربشه بسيطه :507:
و صباحكم بساطة :10ل0:

رد: حكــاية قصيــرة ❥
 

تذوب في فمها الحروف و لا تستطيع أن تكوّن الكلمات حتى تعبر عن ما تشعر ، و تضل تتهجأ النبض عله يرشدها، لكنه يزيد من تشتتها،
هي : ممسكة ب آخر حبال الثبات،
هو : لا يكف عن أبهارها،،،

رد: حكــاية قصيــرة ❥
 

الساعه ثلاثه حطيت منبه على اساس انام و اصحى الساعه اربعه،،
للاسف اني ما نمت،، و احس فيني نوم و عيوني تعورني،،
عندي موعد تخطيط للعيون و كنت ابي اريح عيوني :ff1 (69):


و الحين اربعه :ff1 (198):


<- مشكلة اللي يصحى الفجر :ff1 (133):

رد: حكــاية قصيــرة ❥
 

من الاشياء اللي ممكن ما تعرفونها عني .. اني احب ارجع اقرا سوالفي القديمة ,,
احب اقارن الحالات اللي كنت فيها ,, بالحاله اللى انا عليها الان ,,
ادقق مررره على نفسيتي و على شخصيتي كيف تتغير ,,
قبل فتره كنت نشيطه في السوالف في مدونتي و اكتب عن مواضيع , بس الان احاول اكتب ما اعرف ,,
يمكن لان فيه شي شاغل بالي , ف اخذني من المواضيع و السوالف ..


كان عندي برنامج اسمه " قبْسٌ من نُور "
احبه كثير و لا بد ارجع اسويه من جديد .. و راح احدد له يوم خاص و نجهز المواضيع من بدري
هو بس اقرر اكتب عن شي و الكلام كله يجي عفوي ,, يعني اطلق العنان للكيبورد و الكتابه

اليوم اول يوم في اجازتي و قررت انه يكون يوم حر بدون ترتيب .. اي شي يطري على بالي اسويه ..
لكن بعدها لا راح اكتب جدول الاجازه عشان انجز و استمتع ..
عشاني اوقات كثير اكتب خططي و اهدافي .. ف يصير الايام اللي ما اكتب فيها شي احسني ضايعه

اهوه ,, محاولة لإستعادة السوالف :ff1 (198):

رد: حكــاية قصيــرة ❥
 

" قبْسٌ من نُور "





أهلاً بالاصدقاء ,
محاولة للعودة , و استعادة طاقة الحكاوي و السواليف ,,
بسؤال انا انسألت عنه من فترة ,,



كيف اصير ايجابيه , او ايجابي ..؟



https://k.top4top.io/p_20121qg601.png




السؤال وصلني من فتره من انسانه حبيبة , و زي البلسم على قلبي ..
و ادري اني ما جاوبتها و ممكن انها تفكر اني طنشت او شي ,,
لكن السؤال دق في قلبي , و انتظر اللحظه اللي انا اكون فيها رايقه و احاول اجاوب عليه قدر المستطاع
احاول اني افيدك و افيدكم لو بشي بسيط ,





انك تكون ايجابي , لازم في المرتبة الاولى تكون راضي ,
انا يحصل لي كذا , بس انا راضي و عارف ان هذا الشي ما صار لي الا لحكمه ارادها الله
دايم فيه مسألة الرضا يجي في بالي حديث الرسول صلى الله عليه و سلم " واعلم أن ما أخطأك لم يكن ليصيبك، وما أصابك لم يكن ليخطئك"
قد ايش لهذي العبارة تأثير علي بشكل كبير , تخبرنا بأننا تحت رحمة الله فقط ,,
و لا شي في هذي الحياة ممكن يضرك لو الله ما اراد لك المضرة ..
الان انت سلمت امرك لله , رضيت , و كل الامور الحياتية راح تمشي قدامك و انت راضي ,,
كلنا نتعرض لامور تزعل و تضايق , و احزان و هموم .. لكن الرضا هو ما يهونها عليك ..
هو اللي يطمن قلبك و روحك ,,


انت الان رضيت و سلمت امرك لله و هو اعلم بتدبير امرك .. و عشت حياتك مطمئن ,,
امسكت بأول الخيط .. و يالله حارب في هذي الحياة ,,









ثاني نقطة:
هي اقتناعك بنفسك و قدراتك , تزداد ثقتك بنفسك , و ما تتأثر بكلام الناس ..
و هذا يساعدك انك تكون ايجابي ب امتياز ,, ليه ؟
لاننا احنا نعيش في وسط مجتمع مختلفين تماما عن بعض ,, يجمع كل الشخصيات ..
تخيل انت وسط ناس متشائمين متحلطمين .. راح تتأثر انت منهم شي طبيعي ..
لكن لما تحصن نفسك بالرضا اولا , و ثانياً بثقتك بنفسك و اقتناعك فيها ..
انت بتضل بنفس الايجابيه ,,
صحيح لما يكون المجتمع متذمر و متحلطم و انت بينهم ايجابي ,, راح تختنق منهم و تحس نفسك منضغط
و هذي الحاله انا جربتها ,, و عشت معها شهرين الى ان بدأ تأثيري ,,
لكم ان تتخيلون ايش الضغط اللي كنت اواجهه .. و بعض التعليقات السلبية تجي على الايجابيه
لكن انا كنت مستمرة و مقتنعه بنفسي ايش جالسه اسوي .. مقتنعه ب افكاري
شوي شوي الى ان بدت الامور تزين نوعاً ما ..









النقطة الثالثه و الاهم : الحب ,
لما تحب نفسك , تحب مجتمعك و الناس اللي حولك .. تشيل من قلبك الحقد و الكراهيه ,,
تصفي نيتك ,, لا تتوقع الشر , دايم خل في بالك الخير ,, لان هذي طبيعتنا الاساسيه ..
خلقنا من الخير و للخير ,, و الحياة هي اللي شكلتنا ,,
تمسك بطبيعتك الحلوه , و بروحك اللطيفه .. قدم الخير و توقع الخير ..








نقطه اخيرة بس بقولها :

انا لا اتحدث من برجي العاجي ,, انا بين الناس , فيني جانب خير و فيني جانب شر
فيه اشخاص انا ما احبهم لكني اتجاهلهم , في اشخاص زعلتهم و فيه اشخاص زعلوني
لكن انا سامحت و رضيت , و الله يسامحني


ان شاءالله وفقت في حلقة اليوم ,, كنت اتحدث بكل عفويه .. و احاول استجمع افكاري
و اطرح لكم المفيد منها ,, و ان شاءالله ما نسيت شي ..



كل الحب :lo2:

رد: حكــاية قصيــرة ❥
 

https://l.top4top.io/p_2012bfb8c0.jpg

مودي اليوم افتح الاستديو و اصور،،
:97:

رد: حكــاية قصيــرة ❥
 

https://h.top4top.io/p_2013t446g1.jpg
http://g-lk.com/vb/showthread.php?t=13360



يلوموني فيك !!
لو كل الناس ما اهتمو بس انتي اهتميتي للموضوع انا اكون راضيه و مقتنعه انه وصل للناس اللي تحتاجه
سمو المجد من الشخصيات اللي تثير الاهتمام , و كان لها في نفسي صولات و جولات و تأملات ,,
ودي اتكلم عنك بس اعطيني الضوء الاخضر <- الظاهر فيه اشياء و اشياء خخخ
و توعديني ما تزعلين مني :ff1 (101):

رد: حكــاية قصيــرة ❥
 

https://f.top4top.io/p_2013t2j6y0.jpg


بعد جلسة التصوير الثانيه،، نتقهوى و نكافئ نفسنا بالكوكيز و السعرات :ff1 (198):
و قهوة من الباريستا اختي :507:
أهم شيء اسوي الكوكيز و امي تقول لمين قلت عشان اصوره،،
قالت و بعدين وين تودينه،، قلت لبطني خخخ


ودي احد عندي في البيت يحبه كثري،، عشان ياكل معي و تتوزع الدهون علينا :ff1 (101):

رد: حكــاية قصيــرة ❥
 

:ff1 (198):

كذا انتهت طاقتي
بس ابي استرخاء و فلم درامي رومانسي الين انام :ff1 (101):

رد: حكــاية قصيــرة ❥
 

^

شرايك فيني و انا اقلدك خخخ :ff1 (133):




اهلاً سمو المجد :507:
اهلاً بجميلة الروح , و لطيفة الخُلق ,,



يقولون ما تعرف الشخص الا لما تعاشره ,,
و انا اقول ما اعرف داخل الانسان الا لما اتأمله :ff1 (133):


احب اتأمل الاشخاص , صح مو كل شخص يمر قدامي ,, لكن اللي يثير اهتمامي ,


سمو المجد اعرفها كأسم من فتره يمكن سنتين او ثلاث ,, صادف اننا كنا في منتدى واحد
لكن دخولها هناك .. كان فترة خمولي .. و كنت اشوفها دايم ,, بس ما كنت اشوف فيها شي مميز يشدني
و كنت اشوفها اكبر من عمرها بكثيييير ,, ما اعرف هي ليه مكبره نفسها كذا او انها ما كانت تبي تدخل مع الناس و تندمج ..
المهم ,, ما كان فيها شي يشدني ابد .. و اتوقع انها ذيك الفترة كانت مشتته ,,


السنه اللي راحت سويت دورة فتوشوب و كانت هي من المشاركين ,, و هنا بدا الاحتكاك ..
للامانه البنت كانت من ربشتها تربشني و ما تخليني اركز ,, بعذرها كانت فترة امتحانات ,,
و كنت كل ما اجي اساعدها في البرنامج .. احس في هالة ربشه حولها تمنعني اقرب منها ..


انا ما احب الاشخاص اللي يربشوني لاني اطير معهم و انا مو مقتنعه ,, اميل للهدوء و الروقان ..
و من طبعي بعد لو حسيت لو واحد ف الميه ما تبي المعلومه انا اسحب نفسي على طول ,,
ممكن اكون فاهمه غلط ,, بس حساسه في هذا الموضوع بالذات ,,

المهم حاولت من هنا و من هنا ,, لكن في الاخير عذرتها عندها اختبارات و تركتبها على راحتها
قلت لو تبي تستفيد الموضوع قدامها و راح تشوفه الان و الا بعد الاختبارات ..

الشيء الثاني في نفس ذيك الفتره تابعنا بعض في تويتر ,, عشان يكون التواصل اسرع بخصوص الدورة
لكن شفت حلطمه مو طبيعيه ,, و كنت اوقات اسوي سكيب لكلام و لا ادقق عليها ,
لكن الله يصلحها تغريداتها كثيره و كلها حلطمة ,, انا في لحظه مليت طقت كبدي خخخ
قلت الله يعيدها من دورة .. لا انا ما احب كذا .. الربشه و الحلطمه هذي توترني
ف من باب اني مابي الغي متابعتها لانها معي ف الدورة ,, سويت لها ميوت <- انا اسفه سمو خخ


يومين كذا و افتقدتها للامانه خخخ
حسيت كانت مسويه جو مو طبيعي .. قلت ي بنت عطيها فرصه و شلت الميوت ..
بعدها قلت لا لازم اعقد بين روحي و روحها تآلف ,,

يعني هي مبدعه و تغرد ب اشياء حلوة ,, و انا قليلة ادب اسوي ميوت عشان حلطمة :ff1 (198):
كل واحد حر بنفسه


و بعدها شوي شوي ,, صرت ما استغنى عن تغريداتها ,, نظرت للجانب الحلو فيها و كبر في عيني
وهي تغيرت كثير بين من اول ما عرفتها الى الحين ,,

تغيير جذري مشاءالله ,, الله يثبتها و يرزقها الراحه و الاطمئنان ..


بعد هذا كله ,, سامحيني و انا و الله اني احبك :lo2:

رد: حكــاية قصيــرة ❥
 

https://j.top4top.io/p_20144zdkh1.png


رجعنا للحوسه و رجعت اخترع لي شعار :ff1 (101):
كني حبيته:507:

لا تدققون ع القلب كثير عشان ما تعوركم قلوبكم خخخ
بس محاولة جيدة لرسم القلب :ff1 (101):

رد: حكــاية قصيــرة ❥
 

نفسي تراودني افتح موضوع نقاش ثاني <- عنز البدو خخ
حسيت وناسه و فله كذا تدير النقاش ,, على ان مواضيعي سهلة و بسيطه
بس احب اعرف الناس كيف تفكر ,, كيف تنظر للامور ,,
يومين كذا و نفتح لكم موضوع شيق كلنا بنستفيد من بعض فيه ,,


على هالطاري بقولكم شي عني ..
انا من الناس اللي مستحيل ادخل نقاش مع احد ,, الا اقرب اقرب الناس ,,
ما احب النقاشات و المواضيع الشائكه اللي فيها اختلافات ,, احب اعيش بهدوء
يعني انت لك فكرك و انا لي فكري و انتهينا ,, لحد يتدخل ف الثاني خخخ
على انه اوقات لما ادخل نقاش مع اهلي ,, يقولون عني اني اصر على رائي لو انه غلط :ff1 (133):

حتى في المنتديات مستحيل ادخل قسم النقاش و ارد على احد ,, و اتناقش في موضوع معين ..
بس الحين صرت اتكلم شوي ,, صرت اطرح الموضوع عشان اشوف كيف الناس تفكر بس
مو اطرح الموضوع عشان اتناقش و اتجادل مع الخلق :ff1 (101):

ممكن يسمونه نقاش ودي , مدري !







و صباحكم ود :507:

رد: حكــاية قصيــرة ❥
 

مليئة بالحب هذا المسا،
لك و لأمنياتي السعيدة، امتناني،
استطعت أن تجعل من روحي،
طائر لا يخاف التحليق،.
لا يهاب البوح،

لا يمل، و لا يمل..

:lo2:


لا يمل من الحب،

رد: حكــاية قصيــرة ❥
 

يجب ان تكون بهذا البعد ..!
فلا شيء هُنا يحتمل الاقتراب ..!
لا شيء يثير الدهشة , سوى تلك الامنيات المصلوبه
على جدران حزني ,


اسمح لي ان اقف كالمتفرج ,
ارقب من بعيد , و بعدها اطلق صافرة النهاية

لنعود لما كنا عليه , و ينتهي كل شي ..!

رد: حكــاية قصيــرة ❥
 

تعرفون الشيء اللي انا ما احبه و لا اسويه !
اني اعيد ارسال اي مقطع يضحك او نكته ,,

ايوه اتفرج عليها و اضحك و ممكن ارسله لخواتي , بس اني احطه في السناب و للعالم كلها لا ..
وفيه مقاطع تضحكني لدرجه ودي الناس تشوفها معي بس للحين نفسي ما تطاوعني انشره :ff1 (198):
اكبر شي اسويه ارسله لخواتي

دايم لما تنتشر نكته او شي ,, اشوف الناس عندي في السناب تنشره بشكل مو طبيعي
يعني اشوفه مع اكثر من وحدة ,, خلاص تسمج السالفه خخخ


يعني في السناب او الانستقرام احب انشر اشياء انا اسويها ..
اشوف هالمكان خاص فيني بس و اللي ينزل فيه يكون بعد خاص فيني
و يشدوني الاشخاص , اللي كل شي ينزلونه خاص فيهم ,,


هالموضوع مره تكلمت فيه مع وحده ,, و للامانه شافتني غريبه و سامجه خخخ :ff1 (198):
بعدين بطلت اسولف فيه ..

و اليوم طرا على بالي و قلت افتح سالفه معكم :507:




و يسعد صباحكم :10ل0:

رد: حكــاية قصيــرة ❥
 

كنت سأبقى، لولا اصرارك على الرحيل،
لم تترك لي المجال، لأتحدث، جعلت مني صماء، بكماء
لا تريد من الحياة سوى النجاة،،

و انا التي فتحت لك الباب على مصراعيه، لترحل..!

رد: حكــاية قصيــرة ❥
 

اهلاً ,, يسعد صباحكم ..
اليوم مشاركتي معكم غير .. و لأول مره اسوي كيك :507: كيكه كوكيز :lo2:
و زينته بشكل مقبول جداً بالنسبه لي طبعا ً :ff1 (198):

و لان يدي تحكني و لا اقدر انزلها في السناب و لا اي مكان لأنها مفاجأه لخالتي و بناتها :150:
قلت اشاركها معكم <- تموت لو ما شاركت احد خخخ


يالله اخليكم معها و بشويش عليها :ff1 (101):






https://a.top4top.io/p_2020qktye1.png

^

التصوير بجوالي .. ودي اصورها بالكاميرا بس مدري يمديني او لا :ff1 (101):
اذا امداني صورتها و نزلت صور احلى :ff1 (101):



شعور اول مره جدا جميل :507:

رد: حكــاية قصيــرة ❥
 

الان انا ثابته في مكاني لمدة أربع ساعات متواصلة،،
و انا ما اثبت في مكاني مدة طويلة الا للنوم فقط :ff1 (198):
راح اقضيها في ربوع منتدانا الجميل،، و لا بأس من بعض التأمل للأطلالة أمامي

رد: حكــاية قصيــرة ❥
 

انقالي و الله ان الإبرة ما راح تنومني.. لكن ما صدقت :ff1 (198):
و من الساعه تسعه و انا احاول انام و مانمت :65:..
الدكتوره قالت ي انها تسبب لكن تعب وخمول و الا نشاط زايد
و انا حسيت بالحالتين :ff1 (198):

قلت ي بنت مدام ما فيك نوم انزلي سوي طلبات الكوكيز و استفيدي من وقتك،، :507:


و مساكم سعيد، و حبينا نطل عليكم ف وقت مختلف :ff1 (133):

رد: حكــاية قصيــرة ❥
 

رد: حكــاية قصيــرة ❥
 

ان تعود بلا صوت، بلا احساس،،
اولى لك ان تغيب إلى الابد، بكل تلك المشاعر الجامدة،
بكل تلك الاوهام التي رافقتنا، بكل ذاك الوجع الذي مر بنا
و تجاوزناه،
ف حياتي لا تحتمل الآن،، إلا النقاء و الحب :lo2:

ممتنه للاشخاص الانقياء، الذين يحيطون بي في كل مكان،
ممتنه للحب اللطيف الذي يقدمونه دون طلب او مجهود

:507:

رد: حكــاية قصيــرة ❥
 

توقعت اني استطيع الكتابة , لكن كتبت و كتبت ,, و طلعت الافكار غير مترابطه البته :ff1 (198):
و تراجعت عن ذلك حتى ما اشوه برنامجي قبس من نور ,,

ابي انام ساعه :ff1 (101):

رد: حكــاية قصيــرة ❥
 

لا يغريني الليل، بقدر هذا السكون، و قطرات المطر التي لم تتوقع ان تهطل على الروح الجافة،
انعشتها، و ازهرت

لألتقاء قطرات المطر، و الارض صوت يغريني على البقاء
صوت يخبرني ب ان لا شيء يذبل و هناك رب يسمع و يرى،
و يجيبنا حين نئن و ندعوه
صوت السكينة و الهدوء



هذا ما كنت احتاجه :lo2:

رد: حكــاية قصيــرة ❥
 

يسعد صباحكم..
و اليوم آخر يوم في الاجازة و نحاول نستمتع فيه قد ما نقدر..
حتى ننتقل للجزء الآخر من الحياة بسلام و نحن متشبعين بالسعادة :507:

<- تعد للاجازه الجاية خخخ:ff1 (198):


بس نسجل تواجد في المدونه حتى ما تستاحش :ff1 (198):

رد: حكــاية قصيــرة ❥
 

عندما تساوى الشعور باللا شعور
عندها كان الالم ينخر في قلبها و لا تشعر به ,

روحها العائمة , و نظراتها التائهة , كفيلة ب ان تخبرهم
ان الالم مهما اشتد , ف الروح تقاوم بشدة