مجتمع غلاك - موضوع الأسبوع الأول : الجن وقصص ما وراء الطبيعة ..~

مجتمع غلاك (https://www.g-lk.com/vb/index.php)

- لـقَـآءُ وَ فـنجآنُ قهوة (https://www.g-lk.com/vb/forumdisplay.php?f=65)

رد: موضوع الأسبوع الأول : الجن وقصص ما وراء الطبيعة ..~

اقتباس:

المشاركة الأصلية كتبت بواسطة عاقل المجانين (المشاركة 1280308)

القصص اغلبها كانت في الاعراس استنزال الطيران او البوص بكثره

هالايام ماعادت مثل اول مدري الجن اتلعب باعدادتهم مثلنا ولا وش صار عليهم
كنا نرجع من الاعراس تتصافق ركبنا من الرعب

لا وبعد قصة المطربة الكويتية اللي حضرت عرس للجن خلونا الله يسامحهم نخاف من كل الاعراس بلا استثناء

زمان المبالغات في القصص كانت تخلي الواحد فعلا ينرعب
ما ننكر وجود الجن لكن الان الناس اصبحت اكثر وعي بقراءة الاذكار والتحصين الدائم

اذكر اكبر اخواني كان مرات يطلع ينام في السطح
يقولك ينتظر الجنية زمردة تزوره ولا جات ولا شافها
الظاهر طلعت ثقيلة وماهي معطيته وجه :54:
لكن بعدما اتجّه للفلسفة صارو اخواني يتريقو عليه ويقولو انه متلبس بجني :115:

~

رد: موضوع الأسبوع الأول : الجن وقصص ما وراء الطبيعة ..~

اقتباس:

المشاركة الأصلية كتبت بواسطة نايف (المشاركة 1280316)

دام خاشين جو الجن والعفاريت راح اشاركم القصه ذي
كنا مره منتدبين وساكنين في مبنى مكون من سبع ادوار
و مهجور طول السنه ويتم تشغيله فقط في فترة الحج
وطلعنا بنص السنه تقريبا عشان ننفذ فيه شبكه
وبرامج حاسب
كنا مجموعه من 8 شباب جايين من كذا مدينه
اغلبنا مانعرف بعض الا بذيك الفتره
المهم في ليله طلعنا وتعشينا وشفنا مباراه ورجعنا السكن
وكل اثنين على غرفتهم كنا كلنا ساكنين في الدور الاول
انا جلست اتقلب ولا جاني نوم
قمت طلعت وجلست في الصاله الخارجيه قدام المصاعد
وقعدت اقلب بجوالي على الساعه 2:30 الفجر سمعت التنبيه
حق المصعد في الدور الارضي .. بسم الله
من ذا اللي يستخدم المصعد بذا الوقت
الشباب كلهم نايمين والمبنى مافي غيرنا منو ذا طيب
بعدين تناسيت الموضوع
شوي والا فتح المصعد قدامي في الدور الاول
وطلع منه واحد من الشباب اللي تعرفت عليه
يادوب بذاك الانتداب
طالعت فيه واقلو غريبه مو انت نايم متى طلعت
ومن وين جاي ذا الوقت
طالع فيني كذا يادوب التفاته خفيفه وصد
وأشر بيده اشارة اللي كنو يقول كنت ادوج زي كذا
وراح في السيب ناحية غرف السكن
وانا كملت للساعه 3 تقريبا ورجعت الغرفه
الا خويي في الغرفه يقول لي وشفيك مانمت
ووشفيك صافق باب الثلاجه من شوي فجعتني من نومي
قلت بسم الله انا لي ساعه يمكن ماجيت الغرفه
بس يمكن خوينا عبدالله الفلاني من شوي مر فيني
وانا جالس برا في الصاله يمكن جاء اخذ شي من الثلاجه
وخلاص انتهت السالفه ونمنا
ثاني يوم جالسين نفطر ونسولف الا خويي يقول لعبدالله ذا
انت وشفيك البارح خرشتني بعز نومي
وصفقت باب الثلاجه كذا كن بينك وبينها عداوه
الا يقول له اي صفقت واي ثلاجه وش بيجيبني لثلاجتكم
انا نايم من بعد مارجعنا البارح من برا
وانط انا واقله كيف نايم وانت طالع علي الساعه 2:30
من المصعد .. ويطالع فيني مستغرب
ياولد انت صاحي اي مصعد واي 2:30 والله اني
ماتعديت سريري ويقوم خويه بالغرفه ويصك يمين
انه كان سهران على جواله لأربعه الفجر
وعبدالله ذا نايم جنبه ويشخر بعد
بسم الله الرحمن الرحيم وبعدها تأكدت
انه الجميل ذاك اللي طلع لي من المصعد
كان من اخواننا الرهيبين في العالم الموازي
وبركه انه كان عاقل وذوق معي ومااخذ عقلي معه :167:

افا ، جوكم يرحبو فيكم ولا ضيفتوهم ! :54:
عاد جايين مبنى وبفترة الحج معناها المبنى ذا مسكون السنة كاملة وجيتو انتو ازعجتوهم
تبغاني اعطيك قصة من قصصي ولا امسك لساني ؟ :d

اسعدتني بمشاركتك نايف

~

رد: موضوع الأسبوع الأول : الجن وقصص ما وراء الطبيعة ..~

اقتباس:

المشاركة الأصلية كتبت بواسطة سافانا (المشاركة 1280328)

هههههه
انا وحدي في بيت كبيييييير
وممراته كثيييره
واذا فيه ارواح شريره
بتتوه في الممرات ههههه
تخيلو من كثر الهدوء
اسمع صوت عقارب الساعه
وهيا بتك تك تك
واقرأ موضوع رانيا والردود
وقلبي بيرجف ومع كذا مستمره

انا اسمع كثير عن هذا العالم
وبصراحه ما حصلي موقف حقيقي
اتيقن ان فيه اختراق من عالم العفاريت
القصص هذي
يمكن تكون مجرد خيالات
رسمها العقل وصدقها القلب

اسمعو تجربتي انا مو مقتنعه فيها
ولكن بشاركم فيها
لانها تتكر في اوقات متباعده
في بيتي ممر
عباره عن اخشاب مصفوفه بطريقه جماليه
المشكله في هذي الاخشاب
انها بتصدر صوت خفيف و ازيز اذا احد مر عليها
ومع الهدوء وسكون الليل
بيكون الصوات اكثر وضوح
اذا احد دخل من هذا الممر
اسمع صوت الخطوات وازيز الخشب الخفييييف
الناتج عن ضغط الخطوات على طول الممر
صوت حقيقي
الخطوات خطوه ورا خطوه ورا خطوه تراتبيه
انادي مافيه احد
بصراحه الحدث غريب جدا
الصوت حقيقي وفيه ريبه
ولكن
مومعقول عفريت له حجم بالكيلو جرامات
ياثر على الواح الخشب ويصدر صوت

انا مو مقتنعه
باقتحام عالم الجن لعالمنا بهذا الشكل
ومع هذا
اخاف واموت من الرعب
اذا احد حكى عن التسلل الخفي من العالم الاخر

اجل انتي بالذات بمسك لساني وما احكيلك عن قصصي :502:
بيت اهلي القديم كان ثقيل جدًا كنا بالدور الثاني والدور الاول من ثقله مستحيل احد يقدر يقعد لوحده
مرة اخوي نام عند الباب الا فجاة يلقى كف قوي من الهوا ويصحى والغرفة مقفلة
طبعا ياكثر المواقف اللي كانت تحصل
لكن اغربها يوم قررنا نطلع من البيت كان يصدر صوت من السطح كنه فيه شخص يضرب بحديد على شي
وكل مرة نطلع نتاكد من مصدر الصوت يختفي وبس ننزل يرجع ثاني وكان يستمر الليل كله
بس الظاهر من كثر ما تعودنا على ثقل البيت محد كان يخاف :634:

اسعدتيني بمشاركتك سافانا

~

رد: موضوع الأسبوع الأول : الجن وقصص ما وراء الطبيعة ..~

اقتباس:

المشاركة الأصلية كتبت بواسطة عبير (المشاركة 1280334)

اتذكر وانا صغيرة سافرنا عشان نزور جدتي الله يرحمها
وحنا راجعين مسكنا خط اول مره نمشي فيه على اساس نختصر طول الطريق
المهم الطريق فااااضي مافي الا سيارتنا وجبال وصحراء وكان وقت وصولنا قبل المغرب بوقت وطول محنا ماشين بالطريق نسمع صوت اذان المغرب
انا ماستغربت كنت صغيره احسبه عااادي
بس ابوي قال اسكتو ولا احد يتكلم لين اقولكم
وبعد ماوصلنا اسولف مع اهلي انه يكثر الناس اللي طالعة بالبر يمين ويسار
اشوف سيارات كثيره قالت اختي اي سيارات حنا ماشفنا شي
ماصدقتها رحت اسأل امي وابوي وبعد ماشافوا شي
ونحلف انا واخوي الصغير انه فيه سيارات كثيرة طالعة
والغريب انها كلها ددسن غمارة

اعوذ بالله من الشيطان الرجيم
قاعدة من اول ارد واضحك الا عند قصتك جتني قشعريرة :243:
انا هنا خلاص اوقف كلام احسن :502:

الحمدلله اللي حفظكم
وربي يحميكم والجميع من كل اذى وسوء
اسعدتيني بمشاركتك عبير

~

رد: موضوع الأسبوع الأول : الجن وقصص ما وراء الطبيعة ..~

صباح الخيرات

اؤمن بجن
ولكن ما بؤمن انو بتلبسوا
الإنسان
لأنوا

الصراع الي حاصل
في الدنيا
بين الخير والشر

والخير والشر
يجمعهما
قانون التناقض
الي يتقلب على قانون
التناقض

واصل التناقض هو علم
موجود بطبيعة
مثل النار والماء

فالي يعيش
وفق طبيعة الإنسانية
يعيش بسلام

حتى الفوبيا
هي تعبيرات
عن ما يشعره الإنسان
من المجهول

والمجهول هو ليس مجهول

الغيبيات الي سمح الله
بها والظواهر المخفية
يشكف بعلم

رب العالمين كشف
لنا تركيبة الكون
سبع سموات وسبع اراضي

وما بينهما
يطلق التفكر والتأمل
اسرارهم

رد: موضوع الأسبوع الأول : الجن وقصص ما وراء الطبيعة ..~

اقتباس:

المشاركة الأصلية كتبت بواسطة شـ♞♜♕ـطرنـج (المشاركة 1280689)

اهلا اخوي شطرنج
انا مثلك الصراحة
صحيح اني مؤمنة بوجود الجن لكن لست مؤمنة بالتلبس
نعم كما يقول المشايخ يوجد مس خارجي لكن شيء يسكن الجسد الله اعلم بالغيب فقط ولا افتي
اسعدتني بمشاركتك اخوي شطرنج

~