رد: كرسي الاعتراف مع الانيقة احساس غريب
 

اسئلة "حنين"


اهلا اهلاً عساني لحقت قبلْ ماينتهي وقت إستضافتك
وصباح الوّرد ي الزينة
هلا و غلا بحنين القمر ابشرك لحقتي و انا مالحقتي نعطيك مجال اف عليك
هذا انا جالسه انتظركم متى ما طليتو علي حياكم :554:
صباحك و مسائك و كل اوقاتك خير و سعادة ورضا من ربي

موقف مضحك من شريط ذكرياتك تحديداً ((الطُفولة )) لازال كل ماتذكرتيه ضحكتي ؟
المشكلة شريط الذكريات للطفوله مغبش هع ما اتذكر الكثير صراحة
للاسف الان ما اذكر شيء يضحكني لكن ابقولك موقف ما اعرف اذا هو مضحك او لا
انا فيني عاده و للحين اسويها و يمكن مو بس انا اللي اسوي كذة
لما اكون في مكان ولابسه نعال برجليني الله يكرمكم بغض النظر عن نوعهم حذيان او غيرهم اللي هم
ما احب يطولون برجولي لازم افسخهم ان كنت مطوله بالمكان او جالسه فيه مدة و هم برجليني لازم افسخهم
المهم لما كنت صغيره بالابتدائية كنت اسوي كذة و انا بالفصل فكانو البنات يستغلون
ذا النقطة فيني و يعاملون نعالي على انها كورة تشويت في الحصة لما افسخهم :329:
يشوتونهم بعيد عني علشان اذا المعلمه قومتني اطلع حافيه و يضحكون علي
و انا طول الوقت الاحق نعالي الله يكرمكم وين راحو و اتمنى انو المعلمه ما تقومني على السبوره
و مجرد ما تطلع المعلمة ركض ارجع نعالي الله يكرمكم و البسه بس ذا العادة ما تركتها حتى و هم يسون كذة :186:
حتى بالفسحة بالساحة اللي بالمدرسة لما افسخهم اذا رن الجرس لازم نروح للفصل و مانتأخر
يسرقونهم علشان ما البسهم و انا طردي وراهم احول امسكهم قبل لا نرجع الفصل متأخر
كانو يلعوزوني البنت بذا الشغله بس كانت ايام جميلة و حلوة كثير
بس هذا اللي اتذكره ما اعرف اذا يضحك او لا :458:

ايش الأفعال اللي تعكَر مزاجك ؟


الازعاج و الزحمة و العناد بشكل مبالغ


المقارنات و الجدال العقيم


و المشاكل بشكل عام و اللي يدورونها دواره علشان يسونها


برضو لما يكون الشخص على خطأ و تقوله انت غلطان و لما يتدارك
و يعرف انو غلطان ما يعترف و يصر على انو صح هذا يفقع مرارتي :122:

الفوضه و العفسه و اللي يسونها خاصه اذا خلصتي ترتيب بالساعات
و يجون في اقل من ثانيه يخربون و يعفسون الدنيا هنا اقوى تعكير مزاج :490:

المزح باليدين و التمشكل و الضرب و المصارعات لا تصير قدامي لا من كبير و لا صغير ما اطيقه ابد:250:


كيف استراتيجيتك لتفريغ مافيك من مشاعر غضب وضُغوطات ؟
انا على الغالب من النوع اللي اكبت المشاعر بداخلي
حتى عصبيتي وركزي هنا يادانه لانه تقول انو انا اقول مسالمة
فكيف اصير كبريت تشخطني اولع انا مو من النوع اللي اعصب على اتفه
شيء لا انا اعصب اذا احد تمادى علي في شغلة او انو اذاني
او انو الشغلة فعلاً تخليني اعصب ترى حتى الكبريت اذا انتِ ما حركتيه
و تعبثتي فيه ما راح يولع فيك انا نفس الشيء و بعباره اصح انا قدر ضغط
راح اتحمل اتحمل اتحمل بس انا صار منك خطأ فالانفجار لازم تتحمله
بس الان احس اني صرت اهدى اكثر من قبل عرفتي هذة لدانه
اما عن كيف افرغ مشاعري انا اذا عصبت اكثر شيء اسويه اهدد
بس كبداية بالكلام دون الفعل و ممكن يرتفع صوتي شويات بس
من غير كلمات بذيئة مثل ما يسون البعض او تكسير او اشياء زي كذة
اما الضغوطات الاخرة اذا كنت حدي منضغطه بصراحة الدموع تخفف
من الشعور هذا نوعاً ما لكن فعلاً مو كثير افرغ الضغوطات بل اجمعها في قلبي
اكثر و هذا اللي مخليني امرض كثير للاسف
بس احب اغير جوي و مزاجي و حالاتي يا اتجه للتعبير عن حالتي بالصور و الاقتباسات
و اصمم يعني اطلعها بالتصميم او مو شرط اصمم بس كتعبير عن حالتي و مزاجي اضيف
صور او اقتباس شعري مثلاً يعبر عن حالتي و كأني فضفضت و طلعت مافي جعبتي
او اروح العب مع عيال اخواني او خواتي اغير من مزاجي و ما اركز
في الشيء اللي مضايقني يعني تشتيت للمشاعر و عدم التفكير فيها :391:


حاليا ً انا اخفف عليكِ وأراعيك
تسلمين ما تقصرين و الله حنين بس عادي خذي راحتك
و انتِ تسئلين ابد ما في اي تعب بالعكس انا طالما اكتب
و ارد عليكم و على اسئلتكم انا مرتاحة ماعليك حتى اخذ فواصل كثيره هع
بين الاسئلة يعني مرتاحة ماعليك
يعطيك العافيه حنين على التشريف و المرور الجميل :283::771:

رد: كرسي الاعتراف مع الانيقة احساس غريب
 

برفع عليك قضية تشهير

رد: كرسي الاعتراف مع الانيقة احساس غريب
 

ياهلا وسهلا
وان شاءالله رح نستمع بالاجوبه

رد: كرسي الاعتراف مع الانيقة احساس غريب
 

ليه بس هذا و انا افكر اقول لنبض تعطيك جائزة تذاكر سفر
على متابعتك للبرنامج حقها اول بـ اول اقول دانه مافي منها
ثنتين هي وحيدة فريده من نوعها مميزة بكل شيء لاشبيه
لها و لا نظير بس خلاص دام في قضية تشهير بطلنا
بعدين مو انا اللي شهرت فيك هذا قريني الله يصلحه صاير ملقوف بزيادة
ما ينعطى سر سويله عذر سموحة هذة المرة
حياك دانه شرفتيني و نورتيني بحضورك و متابعتك اللطيفه و الجميلة :154:

رد: كرسي الاعتراف مع الانيقة احساس غريب
 

اهلين فيك و سهلين حياك ربي اخوي عبدالله شرفتني و نورتني بطلتك الجميلة
ان شاء الله تعالى اتمنى ذلك و تسلم على طيب الحضور و هذا النور تشرفت فيك و في تواجدك :38:

رد: كرسي الاعتراف مع الانيقة احساس غريب
 

بكذة انا خلصت معاكم اتمنى اني كنت ضيفه خفيفة على قلوبكم
و اتمنى اني ماقصرت معاكم على اني قصرت في التواجد اول بـ اول
اشكر كل من تواجد هنا و شرفني بطلته البهيه و مشاركته لي بـ سؤال
او حتى تعليق بسيط وجودكم شرف لي و شاكره و مقدره لكم هذا التواجد
و اشكر كل من مر هنا و اكتفى بالمتابعة او الاعجاب شكراً لكم :281:
و شرف لي برضو انكم تتابعون موضوع يخصني و اشكر اختي نبض
على الضيافة و الاستضافه الجميلة كان ودي تكون في ظروف احسن :480:
لكن الحمد لله عدت على خير و بشكل حلو برضو يعطيكم العافية
و تسلمون لانكم تحملتوني خاصة اللي يحبون الاختصار شكراً لانكم
تحملتو قرقرتي و هذرتي الزايدة و اسفه لانو ما اعرف اختصر هع :90:
بس ما اقدر اغير من ذا الشيء للاسف يعطيكم العافية و اعذروني جميعاَ
على التقصير و الخطأ ان بدر مني فمنكم اطلب العذر و برضو اشكر
الزوار اللي ما ننساهم نورونا و شرفونا هنا و برضو اقولهم استرو على ما واجهتم :765:
سلامه مع انتم و انتم مع السلامه كنت في ذا احساس غريب :392:
و سلامتكم