مجتمع غلاك

مجتمع غلاك (https://g-lk.com/vb/index.php)

- مجتمع المدونين (https://g-lk.com/vb/forumdisplay.php?f=4)

- - Saud (https://g-lk.com/vb/showthread.php?t=6651)

مرات .. أحس إني وطن .. لكنّه: بـ حاجة غريب
ومرات .. أحس إنّي غريب وماني بحاجة لـ احد
من وحشة العزلة وعن كثر العطا وش هو يجيب
تاهت خطاوي وحدتي بعد الجفا .. وش هو بعد؟
أحيان يحييني "قدر" .. وأحيان يقتلني "نصيب"
بس الشعور بـ وحشة الخذلان موجع لـ الأبد.

الوقت خلاني على وضع السكوت
ناوي على نيه ولا ادري وش نوى
ترجف عظامي مثل قلبي في القنوت
ابكي من الطيش وملذات الهوى
والفرصه اللي كنت ابيها ما تفوت
أقفى عليها الليل يوم إنه ضوى
باقي معي ضحكه لكن بدون صوت
حاول يشوها الزمان ولاقوى
واللي سمع يونس وهو في بطن الحوت
ماهو بناسيني .. وانا اشم الهوا .

لاتضايق يوم خلاك جحاد الجميل
‏الكسير ليا تعالج تخلى عن عصاه .

في كل مرة أعيش فيها سعيد
يعيديني طيفك إلى نقطة البداية
وكأن السعادة ماهي إلا فاصل اعلاني
لاستعادة أنفاسي ومن ثم الغوص بكِ من جديد
فأنا لست سعيد ولكني سعيد قليلاً.

رتبي ياشام صبح الياسمين
والبسي ثوب الحضاره والترف
واندهي للغايبين الحاضرين
في عيون المجد وعروق الشرف.

كم لي وانا استر ندبة الجرح الأليم
وانثر على اوراقي تفاصيل العنا
محتاج لي درب مساره مستقيم
هالدرب لا بانت نهايته انحنى
اشتقت اسولف للسماء لا مرّ غيم
عن بهجة الخاطر ولحظات الهنا
ما زارني قيظ الحياة و لا النسيم
مدري وش العتمه ولا أعرف السنا
مليت افتش في ممرات الهشيم
بعضي يدور بعضي الواقف هنا
كم لـ السهر في محجر عيوني يهيم
كم لـ الليالي تطعن شروق المنى
قلبي يحاصر حاضره عهد قديم
عهد انتهى من عمر لكن ما فنا
فاقد لي احلام و مواعيد و نديم
واحساس من يوم الموادع ما دنا
بالصبح اغني لـ الحنين الله كريم
وبالليل اغني لـ الوصال الله لنا
ازريت بعد الطيحه ارجع واستقيم
الظاهر اني مختلف ماعدت أنا.