أهلا سما،
نوّرت الموضوع، وشرّفتيني..
----

1-‏هل تفضل مواجهة الناس بحقائقهم أم أن تبقى مبتسماً ومتغافلاً ؟
– على حسب الموقف.
في حاجات لازم المواجهة فيها، وفي حاجات التغافل أذكى وأريح. مش كل حقيقة محتاجة تتقال.
لكن بنسبة كبيرة - كنمط عام في شخصيتي- أتغافل بنسبة 90%

2-عندك حلم هل تحاول الحصول عليه والوصل له ام مع الوقت تتغير عندك الاحلام والطموح ؟
– بحاول دايمًا أوصل لأحلامي، حتى لو اتغيّرت شوي مع الزمن. التغيير طبيعي، بس السعي يفضل ثابت.
يعني: لو تسأليني من 10 سنين تلاقي أهدافي مكنتش كدا خالص، بس يظل السعي، وعدم الرضى بالدون هو وسيلتي لتحقيق أحلامي
وربنا كريم!

3-‏هل تغيّر من نفسك لأجل من تحب أم تفضل أن تبقى كما أنت مهما كان الثمن ؟
– لو التغيير للأحسن ما عنديش مشكلة. لكن لو على حساب هويتي وشخصيتي، لا.
لكن التغير سنة الحياة
ولو متغيّرناش كل فترة ، يبقى احنا مبنتعلّمش من الحياة حاجة
التغير معناه اننا بنتعلم وبنضج ، وبتأثر فينا التجارب والخبرات


4-من وحي تجاربك الشخصية، أعطنا نصيحة تبدأ بـ " إياك أن . . " ؟
– إياك أن تضيّع وقتك مع ناس ما يقدّروكش، الوقت أثمن من إنك تستهلكه غلط.

5-لو صادفت حظك في الطريق ماذا ستقول له ؟

– هقوله: "اتأخرت ليه يا عم؟! 😅 تعال نلحق اللي باقي."

6-هل تنفعل من أتفه الأمور بسرعه أم أنك تملك بالاً طويلاً؟
– كنت زمان بانفعل بسرعة، لكن دلوقتي بحاول أطوّل بالي. مش دايمًا بنجح 😅.

7-انت لك كتابات جميله ماالذي اوصل مولانا للكتابه ؟

– الكتابة بالنسبة لي كانت وسيلة أرتب بيها أفكاري وأعبّر عن اللي جوايا. ومع الوقت بقت عادة بتريحني وتخليني أتنفّس.
أنا عامة؛ خجول
وانطوائي نوعا ما..
فالكتابة، مساحة واسعة بالنسبة ليا، أتحرك فيها بعيدًا عن زحمة الحياة
8-‏ما هو آخر إنجاز حققته ؟
– إني بدأت بجدية أتعلم وأطوّر نفسي في مجال التسويق الرقمي، وحطيت لنفسي خطة أوصل بيها للي عايزه.
وانتهيت من دبلومة سنتين، الحمد لله،
وبدأت في الماجستير في إدارة الأعمال
==
نورت يا سما
وفي انتظارك دايما

المشاركة الأصلية كتبت بواسطة مَيس (المشاركة 1229262) , أهلاً بـ النّبيل / مولانا صديق وجوده شرَف لـ الموضوع ولنا ومن النخبة الأعزّاء جدًا .. أحترم جدًا الأشخاص الّذين يرتبون أفكارهم من خلال أقلامهم .. سَـ أقرؤُكَ بكامل سروري :835:

شكرًا لحضوركم؛
نبض غلاك
راما
مسترٍيَحٍ آلُبآلُ
نقاء الورد
نجمة
عاقل المجانين
سما
مَيس
بشكركم جميعًا على حضوركم ومشاركاتكم اللطيفة، وكلامكم الجميل
وأتمنى إني كنت ضيف خفيف على قلوبكم
وشكرا لكم مرة تانية
وشكرًا للمنتدى، والإدارة، والزوار، وكل الحلوين :132::667::100: